Di Bình Thuận pok meyaom Bí thư dhar kapul dam dara naih gheih, urang jakar đoàn, urang đoàn naih gheih

Mesup ni (26/3), Mintri Y tế hu 2 urang njom Covid-19 tame VN suan hukum di kapan ikan meng Phú Quốc mai TPHCM, hadei di nan, sa urang nao kapan haoh tal Hải Phòng. 2 urang kamei umo 25 thun, sa urang palei di Trà Ôn, Vĩnh Long song sa urang dok di Cẩm Phả, Quảng Ninh. Pagam tal dom urang ruak ni, Mintri Y tế melam kabroi hu panuac brei duah chip dom urang nao sruh kapan haoh VJ 458 meng mblang kapan haoh Phú Quốc tabiak mblang kapan haoh Nội Bài tukvak 12tuk 15 minite harei 22/3.

Pahadar 90 thun harei padang Kapol Dam dara Cộng sản HCM, biar harei 25/3, urang ngak praong di UB bhap bini Ban raya HCM hu taom gaok Ban Thường vụ Thành Đoàn Ban raya. UB Bhap bini Ban raya HCM tacei pato Mban Thường vụ Thành đoàn samar mbaok tangin pambuak saong dom sở piah ba tame bruk ngak. Dalam nan pataom tame bruk pato pakai ka rairah dam dara; jak ba dam dara brei hu mbaok tame khik ramik dom danak dak, inem mek sajarah ilamu; padang ngak ilamu bac tapuk dalam dam dara saong dak padang raidiuk ilamu, jalan diuk rai ka dam dara.

Di Bình Thuận, melam kroi hu labaih 1.000 urang jakar, urang đoàn, dam dara hu mbaok di tuk pahadar 90 thun harei padang kapul dam dara (26/3/1931-26/3/2021) song pok meyaom 90 Bí thư dhar kapul dam dara naih gheih, urang jakar đoàn, urang đoàn naih gheih. Bí thư Tỉnh ủy Bình Thuận Dương Văn An hu panuac ieu kapul dam dara dom pakat njauk samar salih bahrau jang gac, meng asar kadha, jalan ngak, lagaih song bruk di tỉnh Bình Thuận dalam vaktu patagok bahrau.

Hadei di sa tukvak suai lavik padeih pajeng tuai negar langiu kayua jit ruak Covid-19, Vietnam Airlines birau hu pajeng bhap bini Viet Nam mai taneh ia meng Đài Loan. Kapal haok par trun salamat di Đà Nẵng harei ini 25/3. Tui Vietnam Airlines brei thau, hu labaih 200 tuai. Taong abih urang di kapal haok brei hu ba-ar dut iek am tinh saong Covid-19 dalam 3 harei dahlau di tuk par, mbat ứng dụng tui iek ruak…Hadei mbang par, tuai damuai daok hu dut iek ruak veik di Viet Nam.

Công an tỉnh Đồng Nai dok pambuak bruk song dom jabat nghiệp vụ di mintri Công an peih prong pasang iek, duah thau bruk pablei salih lậu song pajeng ba xăng ja, kayua Phan Thanh Hữu song Nguyễn Hữu Tứ (dok di TPHCM) pal akaok. Harei hadei công an hu pasang iek 16 labik pablei salih xăng menyek dok di TPHCM. Di Bình Phước, công an jeng pasang iek 1 bilai padeih takai di huyện Bù Đăng. Kuhria meng bilan 8/2020 tal tuk chap khik, jalan ngak ni hu pabak labaih 200 triệu lít xăng ja, tabiak drak pasa. Urak ni, 40 urang njauk khởi tố, dok chap kreik.

Dunya hu labaih 126 trieu mbang urang njom nCoV saong labaih 2 trieu 765 ribau urang metai. Dom urang ngak praong di Liên minh châu Âu (EU) daok brei mboh haduh hatai ngan saong bruk kurang jru vaccine Covid-19 kayua AstraZeneca ngak tabiak, dalam tuk ruak njom mbak mbang ka 3 daok rah tabiak di dom taneh ia châu lục ini saong danak dak klauk jru di EU daok hu Mỹ, Anh ngak blaoh dahlau lavik. AstraZeneca tok pabak ginup hu 100 trieu mbang vaccine ka EU di bilan 7, dalam tuk nan dom taneh ia ini khin hu 300 trieu jru.

Mesup ni (26/3), Tổng thống Mỹ Joe Biden peih họp báo mbang camereip abih di Nhà Trắng. Tổng thống Mỹ ndom tal jak jeng di Mỹ dalam bruk pacang cakak jit Covid-19, jang yau dom siam lagaih di gah kinh tế negar ni song bruk patagok meda hu jiak 6%, glong jang rilo dut song kuhria jiak 5% di bilan dahalau. Tổng thống Biden batabiak bruk tagok jang mbang vắc-xin klauk ka bhap bini dalam 100 harei camereip tagok rai.

Dom urang roh duah negar Séc saong Thụy Sĩ birau ini ngak iek hu jak jeng sa janih kháng thể hu dua janih gam gauk meda pacang hu dom đột biến virus SARS-CoV-2 di Anh, Nam Phi saong Brazil. Kháng thể nan hu ngak meng dom kháng thể sa karei di gauk meng darah di dom urang ruak Covid-19. Tui dom urang ilamu, dalam tukvak anak tal janih nan meda salaih ka sa hỗn hợp kháng thể chiat jien dalam taong ruak saong ngak tabiak vaccine.

Urang lang: Ái Nghiêm – Hani Pha – 26/03 10:22:04