Njauk jru mek alak mbuan metai meryah oh hu daong taong ruak samu jang

Tui nan, Mintri Y tế kakei bhap bini ngak njauk tui dom quy định di hukum pacang caga kanjah jhak di alak mbia. Njauk takik manyum alak mbia kayua nyu oh siam. Mayah manyum ye jhui manyum tapa 2 đơn vị cồn/ sa harei ngan haong lakei, 1 đơn vị cồn sa harei ngan haong urang kumei saong manyum oh tapa 5 harei dalam sa adit.

Abih di nyu nan lac, oh manyum alak mbia tuk peih radaih cơ giới, pandar jamariek, urang kumei matian atau daok brei ka anek mom, daok taong ruak hu manyum jru hu phản ứng haong cồn, dalam rup daok ruak bo mayum alak mbia nyu ngak ka ruak trak tagok. Jhui tame dom bruk ngak di langiu langik atau dom labik mbuan gaok bala kayua mbuan jalieh, labuh, paok tame gauk, ba tal njauk rambuac. Oh peih radiah di jalan mbak hadei di tuk manyum alak mbia. Tok manyum alak mbia thau cambaih asal di nyu hu ngak meng labik siam mekre.

Njauk jru mek alak hu mboh di rilo mức độ karei di gauk, meng njuan (lac oh khik hu  cảm xúc, mbuan kha-naong, nao mai oh kajap) tal trak yau (glaong ta-ok rilo, haok ia hauk, var drei jan, rak drak nduac samar, trun huyết áp, mbuan metai meryah oh hu daong taong ruak samu jang).

Njauk jru mek alak tuk manyum biak rilo alak tapa prein di rup pabhap, dalam nan hu gam alak siam. Dak mbuan njauk jru mek jang saong kanjah jhak ka prein yava mayah manyum alak ja, alak oh thau cambaih asal di nyu, alak hu rilo methanol.

Paih thau padieh dalam tuk manyum alak mbia, drei njauk thau lac: 1 đơn vị cồn samu 10 gram cồn daok tamo hu dalam ia alak. Yau nan, sa  đơn vị cồn samu 3/4 kalaok, lon bia 330ml (5%); sa cốc bia hơi 330ml; sa  ly alak vang 100ml (13,5%); atau sa panyin alak khang 30ml (40%)./.

Urang lang: Thu Thảo - 20/02