Rilo labik peih harei pahadar urang gru pato 

Pahadar Harei gru pato Việt Nam 20-11, dah page 14/11, di Jabat Rajaei, Thủ tướng Rajaei Phạm Minh Chính taom gaok 60 gru pato, urang jakar khik ramik bruk pato magru hu angan je mai meng dom mintri, dom gah, dom tinh, bal dalam taneh ia. Di tuk taom gaok, Thủ tướng hu payua panuac tadhau ayuh siam mekre di abih tal dom cei gru, nai gru, dom urang jakar khik ramik pato magru di grauk labik dalam taneh ia saong ndom lac, Đảng saong Kanja tuk halei jeng maong Pato magru lac bruk praong dang akaok di taneh ia. Dalam tuk jit ruak, Rajaei daok samar langyah dom bruk di anak mata piah ba palagaih ka gah pato magru hu siam mekre salamat haong jit ruak. Akaok Mintri Pato magru Nguyễn Kim Sơn brei thau, jaik 2 thun tapa, jit praong COVID-19 ngak kan kandah praong tal abih gah kinh tế - xã hội, dalam nan hu gah pato magru. Min, taong abih dom urang jakar, urang ngak gah pato magru, cei gru, nai gru saong dom urang jakar khik ramik gah pato magru thau yam tapa kan kandah, jum pataom gauk, duah jalan ngak bahrau, pacang caga siam lagaih haong jit ruak saong pabak ilamu ka anek saih, sinh viên.

Tui mintri Y tế, dom vắc xin dalam tukvak  anak tal di bilan 11 song  12 dapk hu bai mai rilo . Kayua yau nan ye, mintri Y tế  hu panuac ieu dom tỉnh ban jhul samar bruk klauk  vắc xin ka dom urang  meng 18 thun tagok (brei klauk dahlau ka dom urang umo meng 50 thun tagok  ) khik kajap siam mekre, salamat. Patagok bruk klauk mbang ka 1, peih bruk klauk mbang ka 2 ka dom urang klauk mbang sa  ginup tuk vak song peih bruk klauk ka uranaih  meng  12-17 thun tui tacei pato di mintri Y tế.  Mintri  Y tế brei thau, brei parabha piah klauk ginup  2 mbang ka tong abih urang meng 12 thun tagok

Hadei di tuk taduan hu công điện samar drah ieu daong chip ka urang ruak angan Huỳnh Nhâm, (ndik tapui thun 1974, lac urang taong cap ikan di mangaok gilai ikan QNg 95454, Quảng Ngãi), njauk uốn ván labik takai, mboh lac biak trak daok hu cấp cứu di sang iek ruak pulao Song Tử Tây, hu bruk njauk hatai di urang dang akaok Mintri Quốc phòng, Binh đoàn 18 samar drah brei sruh kapal haoh par nao daong cấp cứu y tế. Tal maong 6, 52 minit dah page ini, sruh kapal haoh trực thăng nan salamat par trun di mblang kapal haoh Tân Sơn Nhất. Urang ruak samar drah hu ba nao tal Sang iek ruak Quân y 175 piah taong ruak.

Tong abih uranaih meng  12-17 thun  di tỉnh Bình Phước (tui kuhria hu  131.058 uranaih) hu klauk  vắc xin pacang COVID-19 meng harei ni 15/11/2021-30/4/2022. Brei klauk dahlau ka dom urang di dom labik hu urang njom ruak atau metai kayua  COVID-19 dalam bhap bini; labik hu biak rilo menuac urang, hu rilo khu, cụm ngak cong, dom huyện dok jiak tapen negar.

Tui Sở Ngak nong saong patagok palei pala tỉnh Bình Thuận, tui kuhria bilan Đông xuân thun 2021-2022 dalam tỉnh pala drak jaik 46.000 ha. Dalam nan hu labaih 36.000 ha padai, jaik 3.000 ha tangei, daok viek lac njam patam pabak ka darak pasa Tết Nguyên đán 2022. Meng akaok thun tal urak ini, yaom khak drak tagok rilo saong urak ini daok di tanut biak glaong, ngak ka yaom jien buh tabiak blei khak drak dahlau daih jaik 5 triệu đồng/ha min urak ini lac labaih 10 triệu đồng/ha. Yaom khak drak tagok oh lac ngak ka bhap bini pala drak gaok kan kandah bo daok ngak ka urang pala njam patam caga ka darak pasa Tết Nguyên đán 2022 saong urang pala phun công nghiệp jeng gaok kan kandah tui. 

Urang Campuchia song urang negar langiu hu klauk  vaccine ginup oh daok brei dok karei tuk tame tamenh ia ni, meyah tapa duh iek  Covid-19 mboh lac âm tính. Bruk ni hu  Thủ tướng Campuchia Hun Sen ba tabiak saong hu ngak tui meng harei ni  (15/11), hu pandar ka urang tame negar  Campuchia tapa jalan kapan haoh, jalan krong, song jalan radaih. Dalam harak ndom puac payua tal bhap bini, Thủ tướng Hun Sen jeng ndom lac, bruk oh brei dok karei nan lac piah pabak ka tuk vak siam mekre bahrau, tuk  Campuchia peih ngak veik bruk kinh tế, jeng lac piah ka bhap bini patrun duh hatai ka bruk brei dok karei  .

Hadei di 2 thun kariek pambah mbang sang bac kayua jit praong COVID-19, harei ini Philippines brei peih dom tal bac tapak di dom labik hu pilih ruak. Dalam tukvak ngak iek, yaok ribau anek saih Philippines meng pakat mẫu giáo tal tal 3 saong dom sang bac trung học phổ thông meda hu meng 3-5 maong bac di sang bac. Danak dak ngak iek bruk peih veik pambang sang bac ini, lac tukvak camriep dalam 3 tukvak di Rajaei Philippines piah peih viek dom tal bac tapak di sang bac dalam tuk taneh ia daok dang anak jit praong COVID-19. Tui pathau khan harei 8/9 di Kadung jien uranaih Liên hợp quốc, Philippines saong Venezuela lac 2 taneh ia ka oh brei peih pambang brei nao bac tapak hadei di tuk tamuh jit ruak.

Harei kabroi, 8 urang  di cư metai di labik langiu tasik  palao  Gran Canaria di Tây Ban Nha.  Langiu di nan,  12 urang karei hu ba tame  sang iek ruak.Tui yaok pataom di mintri  Nội vụ Tây Ban Nha,meng akaok thun tal ni hu labaih  13 ribau urang di cư meng bhum  Tây Bắc châu Phi tapa tasik tal palao  Gran Ca-na-ria./.

Urang lang: Thu Thảo -Hanipha- 15/11