Đình hu padang meng labaih 160 thun dahlau, tuk nan hu ieu lac Miễu Chánh piah kakuk dom Thành Hoàng Bổn Cảnh, dom urang hu buh pren yava padang palei pala. Langiu di nan, đình dok hu kakuk Tả Quân Lê Văn Duyệt – sa urang  ngak praong abih hatai jai di saman Nguyễn, rup patau song thoat binguk di Ong hu caik dalam đình song đình dok khik tamo hu bộ ván ( 2 blah), hu urang jia lac bộ ván bo Lê Văn Duyệt bhian tabiak đình ndih, menuac sia mboh ong jeng drei ramong patih dalam tuk ndih bingi. Đình Long Hưng lac labik UB khởi nghĩa Nam Kỳ pilih ruah ngak Tổng hành dinh, labik ngak bruk di Ủy ban khởi nghĩa tỉnh Mỹ Tho. Di labik ini,, hala dok meriah bhong patuk kanjik katam jeng hu tual haong hala dok văng kapăk par glaong harei 23 bilan 11 thun 1940. Meng dom thun 1927-1929, Long Hưng hu padang Cách mạng đồng chí hội; thun 1930, Long Hưng lac xã akaok meti hu Chi bộ Đảng di Tiền Giang.

Nao tal labik inem mek đình Long Hưng, tuai damuai hu pang dom kadha sajarah praong, dom dalikan ka dom urang ngak bruk cách mạng hu ngak brei hadah angan Long Hưng dalam bruk khởi nghĩa Nam Kỳ yau ye: 4 ong Giác, Ghè, Quới, Huân tuk njauk kol Prang pacang cakak taong khang tame, dom ong nan khang hatai mesruh tal asar siu puac di abih, thau lac oh tabiak truh hu bruk pacang cakak saong khang hatai oh caik brei laik tame tangin kol khamang, dom ong nan mek ndao cakak takuai pametai rup eng, dalam mesruh taong Mỹ, urang kumei anh hùng Lê Thị Hồng Gấm, anh hùng Hồ Văn Nhánh jeng ndih trun angaok bhum taneh anh hùng ini.

Thun 2005, tỉnh Tiền Giang peih pakak khu di tích đình Long Hưng. Baoh đình bahrau hu padang ngak biak praong, biak siam. Pak ini jeng daok hu phun bàng taha, praong hu tual hala dok meriah bhong patuk kanjik katam akaok meti di saman nan. Gah hanuak đình lac sang klak Nam bộ kakuh amuk Nguyễn Thị Thập, urang pan akaok bruk khởi nghĩa Nam Kỳ saong Sang parang iek pandap panda sajarah ka bruk khởi nghĩa thun 1940, gah ieu đình lac blah patau vak angan liệt sĩ xã Long Hưng, taong abih janih jeng hu padang ngak biak mekre, biak lagaih dalam mblang bein praong hu hareik hijao saong rilo janih phun kiểng cổ quí hiếm.

Pahadar harei Nam Kỳ khởi nghĩa (23 bilan 11 yaok thun) hu maong lac harei roya di Long Hưng; nao tal labik ini, kol drei hu pang dom urang dahlau deih ngak bol lin khan brei thau ka truyền thống Long Hưng, hu tuk maong mboh veik hào khí Nam Kỳ.