-Bein phun mbang baoh praong jaik 2 hécta di palei, pala dom janih phun kayau đặc sản yau: thanh long hatai bhong, kruac bung kalik hijao pablak saong phun kandiuk…di ông Đoàn Công Lý ngak ka urang caik dalam hatai kayua bruk cakrok siam di phun pala saong dom mblang hareik hijao, bingu kanyik.

-Ông Lý khan lac: “ini lac bhum taneh mbon bak patau, taneh riya thu lagu nan ye dom pluh thun dahlau, dahlak tok pala hu dom janih phun tamuh hu dalam thu lagu yau ye: pa-aok blait, tràm, tabau. Kayua lac taneh tambok thu lagu, dahlak dahlau diah kuac meng 5-7 baoh bingun jeng oh hu ginup ia pruh, nan ye njauk khoan bingun biak dalam piah hu ginup ia tuk salih tapa pala dom janih phun đặc sản kan si pala yau: durian,  thanh long, kruac bung”.

-Meng rilo thun dahlau, gam saong bruk trun pajaih dom janih phun mbang baoh đặc sản, ông Lý buh pren pala abih taneh balau dalam bein meng pajaih hareik đậu phộng. Tui nan, bilan hajan bhum taneh tambok ini njauk xói mòn trak, bilan pandiak ye tal patau randaih pandiak yau cuh. Rilo urang nong pala phun hareik đậu phộng ngak jeng libik hijao la-an ka bein phun, pacang xói mòn saong pasiam taneh thu lagu biak siam yau nan ye ông brei pala pajaih hareik ini grauk labik dalam bein.  

-Ông Lý khan lac: “pala phun halei, dahlak jeng hu mbaok tame dom tal pato pasram pala siam kayua bilai khik caga phun pala di puk palei peih tabiak piah thau pandar khak, pandar jru habal ka nyu kein bo daok khik caga hu pren yava ka rup drei saong urang blei mbang.

-Jeng meng hatai tuk halei jeng iek praong bruk padang alam moi truong hijao, hacih ka libik pala drak, ông Lý tuk halei jeng sangka tal dom jalan ngak lac oh pandar rilo jru khik caga phun pala piah pacang ruak ka phun pala. Ông Lý khan lac: “Dahlak hu ngak hệ thống pruh ia tự động pruh ia samu gauk, meng geng thanh long piah rao hacih mật kayua bingu, dhar meda sraiy tabiak piah plaih bimao bồ hóng njaom mbak. Tuk mboh bimao tắc kè, janih ruak nguy hiểm abih angaok phun thanh long, diuk pasang dahlak kham merat cakak klak yaok labik bimao barau tamuh piah pacang ruak meng got, oh lac cang jit patuh tabiak meng pandar ginup janih jru hóa học”.

-Tui ông Lý, bein hareik đậu phộng ngan saong thảm bingi kanyik jeng daong pachreih hu rilo janih côn trùng siam. Ini lac nguồn thiên địch piah pacang halak halin cakrok, nyu daok daong pacang cakak bruk njom mbak di dom janih bimao palai pajoa bein phun. Thảm hareik hijao, bingu kanyik ini jeng daok hu ba mai chreih chrai ka urang ngak angaok puh dalam tuk ngak bruk glaih glan./.

 Thúy Linh