Pathau mikva saong taong abih gauk! 

Caong daong ka bhap bini ban raya Hồ Chí Minh pala drak tự động saong thau hu asal di nyu tapa dom thiết bị thông minh, hadei di 1 thun roh duah, Tiến sĩ Dương Trọng Hải, akaok Viện Khoa học Công nghệ Industry 4.0 saong dom cộng sự hu brei tabiak rai Hệ sinh thái nông nghiệp ILYRA. Tapa nan, menuac oh thau hagait ka bruk ngak nong jeng meda pala hu dom janih njam bingi njauk chuẩn VietGAP piah mbang atau piah pablei. Mỹ Dung,urang vak di rayo sap ndom Việt Nam daok di ban raya Hồ Chí Minh hu kadha vak brei thau ka bruk ini:

    Pala xà lách, dâu tây atau dưa lưới meng dom thao tác biak mbuan angaok phone pan tangin. Ini lac bruk bo bhap bini ban raya Hồ Chí Minh dalam tukvak tal meda ngak hu tapa phần mềm saong bộ vi xử lý di Hệ sinh thái nông nghiệp ILYRA. Hệ sinh thái ini pandar công nghệ pambuak vạn vật haong dom cảm biến piah pataom mek thông tin, gam saong jalan pala drak di chuyên gia piah ba tabiak bruk tự động hóa ka dom janih phun cambaih laih. Yau nan, yaom lac oh tabiak bein, urang pala jeng meda ngak hu tapa phone pan tangin  atau komputer piah pala tui hatai caong saong njauk tukvak pala. Tuk halei pruh ia, tuk halei buh khak, tuk halei paik njam, phần mềm hu cài đặt bloh. Kayua yau nan ye, urang pala oh cang thau hagait ka bruk ngak nong jeng meda pala hu. 

          Min tui Tiến sĩ Dương Trọng Hải, akaok Viện Khoa học Công nghệ Industry 4.0, nan oh ka lac siam lagaih praong abih di ILYRA. Lingiu bruk tự động hóa, hệ sinh thái ini daok hu daong brei thau cambaih laih meng bruk duah thau hu asal di pandap:

     “Dự án ini lingiu di bruk duh tapak ka bhap bini daok hu duh ka dom labik pala praong. Meyah nao tui jalan ini, urang pala hu ngak brei cambaih laih bruk pala. Bhap bini atau dom cơ quan, dom kapul nyaom meda thau hu cambaih, oh lac dom asal kadha bo urang pala pathau khan tagok. Hệ thống eng drei tự động pathau khan, eng drei ba thông tin tame meng dom jalan quan trắc dom kadha njauk brei thau.”.

    Urak ini kapul roh duah dự án ngak nong công nghệ glaong ini bahrau tamat bruk ngak iek ngan saong 7 janih njam saong daok dalam tuk pasiam hệ sinh thái.  Anak tal, rilo janih phun, jru hu pabak tame piah hu rilo pilih ruah ka urang blei. Tui ong Đinh Văn Tuyến, urang dalam kapul roh duah dự án, piah ngak salah bruk pala drak tự động ka sa janih phun, abih urang dalam kapul brei caik rilo tukvak piah lưu trữ thông tin meng bruk ngak di urang ilamu gah ngak nong tapa bộ cảm biến. Kayua yau nan ye, salih ka bruk lac urang pala abih rilo tukvak roh duah tài liệu, urak ini hu jamriak ngak brei bruk ini:

     “Bruk gheih di dự án ini daok di labik lac nyu bac hu ilamu di chuyên gia. Chuyên gia hu ramik veik tui  thông tin môi trường,  hadei di nan tabiak jalan ngak tự động. Yau nan meng ieu lac tự động abih janih”.

    Lingiu di bruk pala eng piah mbang di rilo bhap bini, tui Tiến sĩ Ngô Thị Lam Giang, Phó akaok Viện Sinh học nông nghiệp sang bac Đại học Nguyễn Tất Thành, hệ sinh thái ini daok ba tabiak jalan ngak gheih ka dom pô bein khin ngak mbang praong. Pala drak tự động abih di taneh praong hu daong patak pataom pren ngak, menuac ngak, jien ngak, bo daok khik hu dom yếu tố kỹ thuật biak catang bo jalan pala drak meng kan oh pabak hu. Bruk pala drak cambaih laih hu daong ka urang pala padang hu hatai jia ngan saong urang blei mbang. Tiến sĩ Ngô Thị Lam Giang lac:

     “Kol dahlak mboh  dự án ini meda ba tabiak ngak hu. Bruk gheih di abih lac dự án ini pambuak hu taong abih dom gah tame jeng sa chuỗi. Meng nan, kol drei meda khik iek hu meng tuk pala tal tuk pablei.”.

    Lingiu di bruk tự động hóa  pala drak saong pataom tame brei thau asal di pandap, anak tal, kapul roh duah dự án daok kuhria padang bruk pablei salih điện tử piah pambuak urang pala njam hacih haong urang blei. Tiến sĩ Dương Trọng Hải, urang ba tabiak Hệ sinh thái ILYRA jeng daok kuhria padang sa blah thông tin tacei pato bhap bini jalan pilih ruah  saong chế biến njam pataom baoh kraoh lagaih haong pren yava. Kapul roh duah dự án caong taduan hu bruk daong di dom urang đầu tư piah samar ngak ka nyu salah saong pabak hệ sinh thái nông nghiệp công nghệ glaong ini tal rilo bhap bini./.