Kadha:“Urang ngak hamu caong thau” harei ini, kol dahlak likau tacei mikva urang ngak nong jalan pala njam hacih meng ilamu bharau, da-a mikva saong taong abih gauk tui pang.

          Kein laba di bruk pala njam hacih:

          Urak ini, pala njam hacih hu kein lagaih di labik lac pala hu di labik sit, angaok ban công, atau sân thượng, bein sang. Nan lac sa bruk me-in, ba chreih chrai ka urang pala phun cảnh. Tui kuhria mboh di dom urang ilamu, meyah yaok baoh sang pala meng 2 tal 4m², kol drei hu labaih 1 triệu m² njam hijao di dom ban công, sân thượng, bein sang. Meng ilamu pala njam hacih, yaok thun, urang ngak nong meda pala hu meng 11 tal 12 vụ, oh lac meng 1 tal 2 vụ yau meng dom rai ini mai pala angaok taneh. Jalan pala ini jeng meda pala hu di dom labik sit sot min nyu hu năng suất, chất lượng glaong.

Dom janih pandap piah pala njam hacih:

 Brei hu dom  khay nhựa, hộp mút xốp, thung katak hu phluh gilaong, yaok 100g ratak pala dalam 1 khay atau hộp mút xốp, pala meng 5 tal 8 harei mek hu 1 kg rau mầm. yau nan, duk haong yaom di darak pasar urak ini, pala rau mầm daok hu kein laba kinh tế. Min jalan ngak ini oh lagaih di labik lac, meng 4 tal 5 tuk njauk pruh ia sa mbang. Tuk lingik pandiak brei pruh ia rilo jang. 

          Jalan buh khak ka nyu siam, lagaih: 

Haluk hacih hu srau haong khak hữu cơ sinh học caik dalam khay, thung katak, jalan ngak ini piah pala dom janih njam yau njam sabei, njam puan…. Pala yau ini oh cang labik praong, tok hu ginup ia harei ye meng 5 tal 7 harei hadei, meng 10 asar pajaih, meda mek hu meng 100g tal 150g njam hacih.

Haluk daok veik meda pandar veik hu hadei di tuk kuac ka nyu tasaoh, duan klaak abih dom gha daok kandaong, buh haluk hacih tame bak pandap pala. Tui jalan pala njam yau ini, tok pilih ruah labik hu ia harei ye meda pandar dom pandap klaak nao yau ye khay, thung katak, chậu haluk, hộp xốp, gah la phluh meng 3 tal 5 gilaong piah tathuak ia, mikva meda pala hu pak sang di drei piah hu njam hacih piah mbang./.