Pachreih tui bruk Tết pala phun miet miet hadar dar phor Wa Hồ, di Bình Dương dak harei dak mboh rilo “ Bein phun hadar Wa” hu iek glang, patagok siam hu dong ngak brei hajao mekre ka đô thị. Pagap yau di phường An Phú, ban sit  Thuận An, di kreih ban sit hu sa bein phun prong, hajao mekre. Dalam dom harei lingik pandiak khang, bein phun pacang halui, hijao mekre, dong patrun pandiak thu. Ong Nguyễn Hữu Châu, Akaok UB bhap bini  phường An Phú brei thau: “ Bein phun hadar Wa” di phường hu taneh prong labaih 2,2ha song hu jiak 15 thun ini mai. Urak ni, bein phun dok hu jao brei Kapul dam dara phường iek glang. Bruk iek glang “ Bein phun hadar Wa” oh lac sa bruk ngak di urang ranaih umo hadar tal panuac tacei pato di Wa bo dok lac bruk ngak siam piah padang alam moi truong hajao, hacih , mekre, ba li-an bingi ka menuac sia. Di xã Bình Mỹ, huyện Bắc Tân Uyên jeng hu sa “bein phun hadar Wa” dok tamuh biak siam. Bein hu taneh prong 5.000m2,  hu labaih 200 phun dầu. Ni lac bruk ngak di dam dara dalam xã đòan, nan ye yaok bilan sa mbang saong dom harei lễ, abih di nyu nan lac harei menek Wa ( 19/5) yaok thun, dam dara urang đoàn dalam xã jeng hu peih bruk mai rivang song iek glang bein phun.

Dom thun tapa bruk pala phun pala glai di tỉnh Bình Dương hu patagok khang. Dalam 4 thun tapa (2011-2015), tỉnh  pala hu jiak 265.000 phun lâm nghiệp, samu song taneh pala  lac 500 ha. Langiu di nan, bhap bini dok pandar taneh pala phun lâm nghiệp, eng drei pala phun  pabak hajao taneh klah saoh, pala dom janih phun  yau cao su, keo lai hom...  hu labaih 930.000 phun, samu 300 ha, dong patagok bruk pacang halui dalam tỉnh hu 57%.

Ong Võ Thành Long, Phó akaok Chi cục Kiểm lâm tỉnh brei thau, yaok thun tỉnh peih bruk “ Tết pala phun hadar dar phol Wa Hồ” piah paglong akaok sahaneng ka bhap bini mboh hu kein laba di phun hajao dalam bruk khik caga môi trường sinh thái song patagok KTXH khang kajap, patrun bruk palai pajoa, lih mek taneh glai song ngak khuah glai meda rik dong paglaong bruk pacang halui di phun glai, piah hu kayau nguyên liệu pabak hatai khin dak harei dak glong dut ka bruk pandar dalam negar song pablei tabiak negar langiu.

          Kayua yau nan ye, tuk vak tapa, nao gam hong bruk khik caga, raong pala, pasiam veik glai tự nhiên, padang bruk pala glai pabak hijao taneh lâm nghiệp, bruk pala phun padang glai song pala phun phân tán tuk halei jeng hu UB bhap bini tỉnh, Sở ngak nong song patagok palei pala sangka tacei ba peih ngak. Sở song dom gah pagam tal hu  pambuak bruk pathau khan ka makna, kein laba di bruk Tết pala phun, ka bruk pala phun, pala glai kayua Wa Hồ ba tabiak, tapa nan, paglaong akaok sahaneng di bhap bini ka bruk siam mekre, kein laba di phun hajao dalam bruk điều hòa khí hậu, khik caga môi trường sinh thái song patagok KTXH, pachreih ba bhap bini dalam tỉnh kham merat hu mbaok tame bruk pala phun padang glai.

Bruk pala phun pala glai hu ba mai kein laba biak prong, patrun patakik bruk jah tak glai, lih mek taneh glai, dak harei dak patagok bruk pacang halui di phun glai, dong pacang bruk biến đổi khí hậu di dunya song khu vực. Lingiu di nan, pala phun  daok hu kayau, hu njuh, piah pabak bruk bruk sx dalam taneh ia song pablei tabiak negar langiu, pasiam cảnh quan, pacang haliu song dong patagok KTXH khang kajap di puk palei./.