Pathau mikva saong taong abih gauk! Su su takre li-ar, bingu đơn tính, thụ phấn ndam baoh meng ong bướm, meyah pala oh njauk bilan, iek glang oh njauk năng suất baoh oh glaong. Kadha: “Urang ngak hamu caong thau” harei ini, kol dahlak hu kabha vak khan tal mikva urang ngak nong jalan pala su su brei năng suất glaong di abih.

  Bilan pala su su siam di abih:

Siam di abih nan lac pala su su di bilan 9 tui saka ia bulan piah paik baoh meng bilan 12 tal akaok bilan 3 thun hadei. Meyah mikva pala avar lo (bilan 8) atau pala suai lo (bilan 10, 11) langik oh lagaih ka su su tabiak bingu, ndam baoh, năng suất baoh oh glaong.

          Bruk palih pajaih, jalan pala saong iek glang piah hu kein laba?

Palih baoh praong, mbiah, catai praong barau mblo tabiak, hu tabiak gha meng lac baoh pajaih siam. Brei rok lubang praong 60 cm, dalam meng 40 tal 50 cm, buh ralo khak var ro’,  300gr khak lân, 100gr kali hadei di nan mek haluk lum sre baoh tok caik hở catai. Pacang pandiak ka baoh tuk barau pala piah khik caga ka baoh. Tuk phun tamuh meng 1 tal 1m meteh, cắm dóc ka phun tagok mejam. Tuk phun tagok mejam pandar khak urê atau ia giải lai mbrang pruh vir taom dar got. 

Jalan pacang cakak ruak saong paik baoh

Tuk su su tagok glaong meteh met, bhian njauk rệp muội ngak ka-iu jung brei samar pruh jru pacang cakak su su meng praong hu, meyah oh ngak yau nan, su su nyu pataom jung veik saong tabiak dhar avar hadei di nan baoh oh ralo. Hon dut ngak khut baoh ngak patrun năng suất tal 60%, nan ye brei ngak ralo jalan pametai hon dut meng khik caga hu baoh, mejam brei ngak biar, meda pandar jru pateok côn trùng piah pruh. Tuk su su praong tal ye paik chip, kayua lui taha kanduh nyu khang saong mbang oh bingi./.