Palei pak halam njol Thơm Rơm daok di jalan raya 91, phường Tân Hưng, quận Thốt Nốt, Ban Cần Thơ. Palei ngak nan hu meng labaih 40 thun dahlau tuk sa kapol urang meng bhum kreh negar panduan mai daok di labik ini. Kayua Yau nan ye, tuk camereip, urang bhian iew lac palei pak halam njol Huế, hadei ini tuk palei ngak halam cak rok mikva urang mek angan palei ini piah ieu lac palei halam Thơm Rơm.

 Sa-ai Phạm Phước Phương lac po cơ sở ngak halam njol di labik jaik tatua Thơm Rơm  brei thau: Yaom lac, jien apah urang ngak saong nguyen lieu piah ngak halam thun ini tagok jaik 10% dut saong thun dahlau min rilo cơ sở di labik ini jeng oh tagok yaom pablei halam njol. Tui nan, halam njol dom janih hu yaom meng 60 tal 500 ribau đồng sa blah; Lú  yaom meng 250 tal 400 ribau đồng sa baoh. Thun ini ia ndik  praong yau nan ye urang mai labik ini duah blei dom janih halam njol biak rilo.

 “Bilan ia ndik dom thun dahlau takik pablei hu,  tal bilan 9, bilan 10 jeng oh ka pablei hu. Ia oh ndik urang jeng oh blei. Thun ini, ia ndik praong  urang meng blei, uang bhhian blei mai blei veik, kakei ngak ka urang biak ralo, tagok jang 2 mbang”

          Palei ngak halam njol Thơm Rơm meda lac ngak bruk luac thun min ngak rilo di abih lac bilan ia ndik, meng bian 7 tal bilan 10 tui saka ia bulan, tuk ia tame bak mbLang hamu tuk nan bruk taong chap ikan di urang Bhum taneran kraong Cuu Long tagok rilo. Tuk nan thei nao angaok jalan raya QL 91 tapa labik ini hu mboh biak rilo halam njol tuan tagok anak yaok cơ sở, sap jan tam-rak (chì) dalam yaok baoh sang mehit cụp cụp…gam tui sap ndem klao di urang ngak, urang tame tabiak blei halam njol. Halam njol di labik ini hu angan je di darak pasar, njauk tai rilo urang blei kayua nyu kajap, mekre meta, hu ngak tui kiểu Huế nan lac hu phao, hu chì tuk plaik tame ia nyu catang mboh mek hu rilo ikan. Urak ini, dom baoh sang labik ini oh lac pablei   halam chap ikan bo daok ngak tabiak rilo pandap karei yau jal, vó vèo, lú…Ông Trương Văn Nhớ daok di xã Trường Xuân, huyện Thới Lai brei thau:“Ikan thun ini rilo jang dua mbang dut saong thun dahlau ye urang mek hu rilo ikan  drei mboh jeng sambai. Sa harei duah hu meng 200 tal 300 ribau đồng. Halam di Thơm Rơm siam jang, mek hu rilo ikan kayua halam hu pak siam.”

        Urak ini, palei ngak halam Thơm Rơm hu jaik 40 baoh sang ngak saong hu jaik 200 baoh sang karei ngak mbang apah, ralo meng daok di Tân Lợi saong Tân Lợi 2, phường Tân Hưng, ba bruk ngak ka jaik 700 urang ngak chuyên nghiệp saong labaih 500 urang ngak tui bilan duah hu jien tame yaok pluh ribau tal dom rotuh ribau đồng yaok harei. Thun ini, kayua ia ndik praong nan ye dom labik ngak halam njol labik ini brei apah urang ngak gam melam meng ginup halam pablei ka urang. Ong Nguyễn Chí Hiếu, phó akok UB bhap bini phường Tân Hưng, quận Thốt Nốt brei thau: “Palei ngak halam Thơm Rơm hu UB bhap bini ban Cần Thơ brei angan Pablei ngak di thun 2012. Tui nan nyu ba mbuan lagaih gah adat hukum piah palei ini ngak bruk. Tukvak tapa, Palei ngak hu bruk ngak tani tanat. Yaok cơ sở hu meng 100 tal 200 urang. Langiu di nan dom sang daok taduan halam, lú di dom cơ sở nan ba mai sang ngak  tuk lahei.”

Mbang tui ia ndik, mbang tui bilan ikan mai. Dom janih halam ngak brei salih birau raidiuk urang bhum kreh negar di palei negar kadua ini. Thun halei ia ndik praong ye thun nan palei ngak duah hu jien tame meng 40 tal 45 tỷ đồng. Dom janih halam, lú di palei ngak halam Thơm Rơm hu phường Tân Hưng palih ruah tame danak dak “ Yaok xã, phường sa janih pandap”. Ini lac jalan piah ka palei ngak cak rok patagok khang kajap dalam tukvak anak tal./.