Bilan ia mai ba tui rilo kaya ikan, dalam nan hu dom janih ikan bingi hu angan meng livik rai mai di bhum taneh Hồng Ngự, tỉnh Đồng Tháp. Meng dom janih ikan that ini bhapnini Hồng Ngự ngak jeng dom janih ikan thu, mesin đặc sản di bhum taneh ini. Dom thun jaik ini, ia sit, kaya ikan dalam ia oh hu rilo nan ye palei ngak jeng gaok oh takik kan kandah. Thun ini ia mai aval saong glaong jang nan ye palei ngak ikan thu jeng chreih chrai tagok. Kadha vak meng bhum ia ndik ia xua tỉnh Đồng Tháp.

-Daok tapen kraong Tiền, palei ngak ikan thu Hồng Ngự meng livik mai hu angan dane atah. Bhapnini libik ini meda lac thei jeng thau ngak ikan thu, ngak mesin. Thun ini ia ndik glaong jang duk saong dom bilan ini thun dahlau nan ye ikan hu rilo jang.  Tapa nan mikva palei ngak hu rilo ikan piah ngak mesin,ngak ikan thu. Di vựa ia mesin praong di palei ngak, amuk Bùi Thị Sàng jeng hu ngak mesin meng labaih 1 bilan ini mai, meng tuk ia bahrau ndik. Langiu dom janih mesin meng kan, amuk Sàng daok roh duah piah ba tabiak janih mesin barau ngak meng baoh ikan klak. Amuk Bùi Thị Sàng, Vựa mesin Hai Sàng, phường An Lạc – ban sit Hồng Ngự khan lac :Drei ngak rilo janih piah drei mbuan pablei. Thun ini hu ikan riel, ikan kieng nan ye pablei khang jang.

-Daok ia mesin Hồng Ngự hu ngak meng ikan riel nan ye meda lac urang ngak ia mesin hu mbuan lagaih. Kayua ia ndik sớm, ikan riel mai rilo lagaih ka bruk ngak ngak ia mesin. Urak ini di cơ sở caga hu labaih 20 tấn ikan dalam 60 tấn ikan riel piah ngak ia mesin di cơ sở.  Ông Nguyễn Thanh Tâm, po cơ sở pandap mbang Hồng Ngự, ban sit Hồng Ngự lac : Tame hu 20 tấn paje, yaom jeng lap jang,  chất lượng glaong…pandap siam.

-Daok ikan klaik thu lac janih hu ngak rilo dalam tukvak tapa di palei ngak. Min, meng livik mai ikan thu bhian hu ngak meng meng ikan raong yau nan ye bruk hu ikan tự nhiên jeng oh ngak kan kandah tal bruk ngak mbang. Min tui dom labik ngak ikan klaik thu ye sản lượng pablei tabiak nyu trun hasit. Ông Trần Văn Á, Phường An Lạc, ban sit Hồng Ngự brei thau: hu ikan tự nhiên yau nan ye ikan thu pablei suai hasit, min oh ngak kan kandah rilo.

Urak ini, jaik 60 cơ sở dalam phường An Lạc jeng daok pataom tame ngak dom janih ikan tự nhiên di bilan ia ye ikan riel, ikan kieng, ikan chèn…Yaok harei palei ngak ngak meng 15 tal 20 tấn ikan nguyên liệu. Dalam nan, ikan tự nhiên yaok harei mai palei ngak  mesin meng 3 tal 5 tấn. Dalam palei jeng padang hu Hội quán ngan saong 31 urang pataom tame. Gam saong bruk daong di karja, mikva Hội quán palei ngak mesin jeng sangka tal quy trình ngak, bruk chế biến ikan thu, ngak mesin ka siam mekre. 

-Di gah phòng Kinh tế jeng hu rilo bruk daong gah darak pasal, tut angan nhãn hiệu jeng ye padang dom jalan ngak njauk saong tiêu chuẩn an toàn hacih saat pandap mbang. Dom asal kadha ini jeng hu dom urang dalam An Lạc Hội quán peih ngak saong njauk hatai gauk peih ngak. Abih di nyu nan lac bilan ia thun ini bruk ngak saong pablei dom janih mesin, ikan thu daok chreih chrai tagok nan ye jeng jhul khang bruk ngak mbang di mikva palei ngak.

-Taphia bruk roh duah piah hu rilo janih pandap di palei ngak, ye bruk salih barau công nghệ, jamraik piah paglaong chất lượng pandap panda palei ngak ikan thu, ngak mesin Hồng Ngự jeng lac bruk biak praong. Nan meda jalan nao praong piah padang bhum ngak dom pandap panda hu angan ikan thu, mesin Hồng Ngự tal urang blei.

 Thúy Linh