Palei tapung Sa Đéc tỉnh Đồng Tháp hu meng yaok rituh thun ini mai, bhap bani bal Sa Đéc saong huyện Châu Thành jeng hu tapa ralo rai kak kajap haong bruk ngak tapung. Yau nan min hu sa bruk mboh yau nghịch lý daok rah tabiak, nan lac ngak tapung tuk halei jeng njauk khat lahik min bhap bani jeng daok  ngak. Bruk nan daok ngak ka karja dom pakat tame bruk ba tangin daong ka bhap bani palei tapung salih bahrau jalan ngak, khik hu bruk ngak meng kan hu meng yaok rituh thun ini mai. 

       Sa harei di urang palei ngak tapung dui atah meng page mesup tal tuk lingik laik sup. Bruk ngak tapung di mikva palei ngak ini lac meng tangin, jamriak máy móc sit sot, lạc hậu. Tapung ngak tabiak oh ka samu, oh ka siam yau gauk. Ba tui nan, lac rilo kadha ka an toàn vệ sinh pandap panda, an toàn vệ sinh urang ngak, an toàn điện… Nan meda lac sa bruk di anak meta bo dahlau di nan njauk van klaak nao. Ong Trương Thanh Hỷ sa baoh sang ngak tapung lavik rai di xã Tân Phú Đông – bal Sa Đéc khan lac: Suh sah ralo ka palei ngak cakrok patagok, dom thun dahlau khat nan ye mikva padeih ngak ralo. Meyah yaom kaom grap tanat ye ngak hu min. 

       Akaok thun ini, sa van taom gaok di Bí thư tỉnh ủy Đồng Tháp Lê Minh Hoan haong 50 mikva luac rai ndam gam haong bruk ngak tapung hu peih tabiak ralo kadha.Hu biak ralo kadha daok tavak tavaiy, kan kandah hu ba tabiak. Meng bruk ngak di mikva tal dom kadha meng gah langiu pambak tame jeng hu langyah biak tani tanat. “Eng drei daong ka rup drei” nan lac baoh panuac bo Bí thư tỉnh ủy Đồng Tháp ndom tal ralo mbang dalam van taom mbaok ndom biai nao mai. Meng hatai caong khin, mikva njauk eng drei salih jalan sahneng, salih jalan ngak, pandar ilamu ngak hacih sa-at, an toàn…piah patrun chi phí, dak padang hatai jia.

       Lac urang nao dahlau dalam bruk salih bahrau jalan ngak, dalam dom thun tapa, ong Nguyễn Văn Nương - po cơ sở tapung Tư Nương hu paik tame baoh yamen. Yaom lac bruk ngak daok sit, meng 800 ký tal 1 tấn yaok harei min tapung di ong ngak tabiak pabak hu hatai caong khin di  gah blei dalam saong langiu negar.Tapa bruk kiểm nghiệm bahrau abih, tapung di ong ginup tiêu chuẩn piah pablei tapa darak pasar Châu Âu. Nao gam tui nan lac yaom kaom glaong jang dut haong dom janih tapung yau nan. Ong Tư Nương brei thau: Salih bahrau jalan sahneng biak kan, min kham merat nao jeng salih hu. Kham merat salih ka bahu. Bruk ngak ini hu meng yaok rituh thun ini mai, oh salih bahrau ye toh daok khik hu. Ngak ka pasiam pandap drei ngak ye drei pablei hu.

      Biến động, yaom pabui saong yaom tapung ba gauk trun ye pabui atau tapung jeng laik tame kan kandah yau gauk. Kayua nan ye jalan saneng ini samar hu salih bahrau. Bruk khat lihik oh sahneng tal bo tok ngak tapung piah hu tapung cặn brei ka pabui mbang oh daok lagaih tra. Taphia di nan bruk aia urak ini jeng lac sa kadha njauk saneng tal dalam tuk ngak tapung urak ini. 

     Sa kadha karei jeng hu Sở Công thương gam haong UB bhap bani bal Sa Đéc kham merat ba tabiak. Nan lac salih bahrau  jamriak dalam tuk ngak. Jamriak ngak tapung hút chân không lac janih mac hu ndom tal ralo dalam tuk ini. Siam lagaih di sruh mac ini nan lac patrun patakik urang ngak, takik abih điện, patrun tukvak ngak tabiak…saong patagok năng suất, chất lượng tapung ngak tabiak, khik hu vệ sinh an toàn pandap panda.

     Gam haong sarak pachreih salih bahrau quy trình ngak tapung di taong abih gah, Pasak pachreih công saong tư vấn patagok công nghiệp jeng meda daong salih jalan ngak ngan haong Palei ngak tapung. Tapa nan daong ka bhap bani salih jamriak công nghệ klak…Ong Mai Văn Đối – Akaok Pasak pachreih công saong tư vấn patagok công nghiệp tỉnh Đồng Tháp brei thau: Dalam đề án jeng hu sarak daong dom labik ngak tapung meng thiết bị công nghệ bahrau. Dalam nan, dom cơ sở meyah blei jamriak máy móc ye hu daong 200 triệu ka sa dự án.

       Urak ini, Phòng Kinh tế bal Sa Đéc daok pambuak bruk haong dom jabat karei piah padang ngak đề án patagok Palei ngak tapung meng ini tal thun 2020, pamong tal thun 2030. Dom yam nao cambaih laih meda hu ndom tal nan lac tabiak mbaok Hội quán palei ngak tapung, yam tal padang Tổ hợp tác ngak tapung, HTX Palei tapung, pambuak bruk ngak tapung saong pablei tapung chất lượng glaong. Taphia di nan, Phòng Kinh tế jeng roh duah đề xuất patabiak bộ quy chuẩn ngak tapung di Palei tapung Sa Đéc. Dalam nan iek praong  dom khâu kiểm soát nguyên liệu piah ngak, jalan ngak tapung an toàn, hacih sa-at, khik siam môi trường dalam tuk ngak… Ong Đỗ Văn Thậm – Akaok Phòng kinh tế bal Sa Đéc ndom lac: Thun ini, Sa Đéc padang đề án ye hu dom bruk njauk ngak chip. Dalam nan, pataom tame ba  bruk ngak tapung Sa Đéc cakrok patagok khang kajap.

    Meng dom kham merat di dom urang dalam bruk, ye dalam harei hadei oh atah, palei ngak tapung meda yam tapa blah bahrau. Labik bo dom urang ngak tapung meda lac nghệ nhân ngak tapung, dom labik ngak tapung nan lac dom labik mai rivang ma-in du lịch. Ndom yau Bí thư tỉnh ủy Đồng Tháp Lê Minh Hoan lac “Njauk daong ka rup drei eng dahlau di tuk pô langik daong”./.