Mboh yau phi lý, min biak di nyu di Lào Cai urak ni, rilo urang bac tamat bloh di dom sang bac chuyên nghiệp min oh duah hu bruk ngak, nan ye mbaiy nao bac bruk ngak.

           Di sang bac Cao đẳng Nghề tỉnh Lào Cai, khol hulin taom gaok ayut Nguyễn Tài Thu, ndih tapui thun 1988, urang bangsa Tày, palei dok di xã  Khánh Trung, huyện Văn Bàn, tỉnh Lào Cai, bac thun ka 3, tal bac cao đẳng nghề điện K4C. Dahlau di tuk tame bac bruk ngak di sang bac, Thu bac bloh Đại học Phòng cháy chữa cháy di Hà Nội. Hadei di tuk bac bloh oh duah hu bruk ngak, Thu mai veik Lào Kai, min hatai khin duah hu sa bruk ngak tani tanat daok bak dalam hatai. Thu pakacah tame tal bac Đại học tại chức Giao thông meng atah di Lào Cai brei ka urang gam bac gam ngak bruk. Harei nao cakaong pandap mbang pah duah jien, melam mai tal bac, tui bac hu 3 thun ye jien duah hu meng cakaong pandap mbang pah yaok harei song jien mesraiy jeng oh ginup piah mbang song piah bac daa. Thu khang hatai bảo lưu, duah jien bloh bac  veik. Tal thun 2014, hadei di rilo mbang sahaneng kuhria ka rai duik, ka harei hadei, Thu salih tapa nộp hồ sơ tut angan tui bac nghề điện. Meng nan tal harei ini, gam song bruk bac di sang bac, Thu ngak thêm, sửa chữa mbang pah ka dom công ty, dom boh sang. Bruk ngak song jien duah hu rilo jang dut song dom cong khin meng rilo thun dahlau.

          Dahlau deih adei oh hu jalan ngak hagait, tuk bahrau bac bloh pakat 3 adei sahaneng lac takre nao bac di sa sang bac halei nan di Hà Nội. Adei tui bac dom sang bac deih, bloh kan likau hu bruk ngak, nan ye adei khang hatai padeih, song bruk ngak hlaei duah hu jien ye adei ngak, ngak bruk tự do min, pagap yau bốc vác. Bloh hadei di nan, adei nộp hồ sơ nao bac bruk ngak, bac bloh hu sa nghề mbuan duah bruk ngak jang. 

          Panuac tangi sua hu ba tabiak lac bac hagait piah mbuan duah hu bruk ngak jang,? Tui ong Nguyễn Văn Hà, Hiệu trưởng  sang bac Cao đẳng Nghề Lào Cai, urak ini di Lào Kai rilo meng pilih ruah dom urang hu bac bruk ngak, oh lac dom urang hu pato pakai di dom sang bac chuyên nghiệp. Mboh cambaih laih di abih lacdalam tuk vak 2011 – 2015, urang hu bruk ngak hadei di tuk bac megru bruk ngak dalam tỉnh labaih 97%. Hu labaih 2 ribau urang oh ka hu bruk ngak, beir jang rilo dut song 6 ribau SV di tỉnh bac tamat di dom sang bac đại học, cao đẳng, atau hadei di Đại học  oh ka hu bruk ngak.

Dahlau deih, bruk SV bac tamat bloh oh hu bruk ngak tok mboh di bhum taneran, urak ni di bhum ceik jeng hu yau nan. Sa tỉnh sit yau Yên Bá, bo hu yaok ribau SV bac tamat bloh oh hu bruk ngak. Ilamu di SV bhum ceik oh duk hu song SV di bhum taneran yau nan ye bruk dok veik di ban prong meriak gauk song yaok ribau cử nhân thất nghiệp karei piah duah bruk ngak lac biak kan si ngak hu. Mai veik palei ye dom huyện, dom xã jeng ginup menuac. Dom sang bac jeng oh dok rilo labik ka cei gru, anai gru bahrau. Langyah bruk ngak ka dom adei urak ni lac sa kadha kan kandah ka dom puk palei

Ong Lê Trọng Khang, Phó chủ tịch Ubbhap bini huyện Mù Cang Chải brei thau; “Huyện hu labaih 200 adei SV bac bloh oh ramik brei bruk ngak hu. Urak ni dok kuhria tal dom jalan ngak, ka  sa lac hu sa sang mac jhik jiak di ni, huyện nao ginum biai piah ba dom SV oh hu bruk ngak  mai ngak công nhân, ka 2 huyện jeng hu ngak bruk song dom doanh nghiệp thủy điện dalam tỉnh, dom bruk ngak bo pabak hu ye urang taduan, ka 3 ye pambuak song rami ramik veik bruk ngak nong ngak jeng tổ hợp tác tui jalan dịch vụ, du lịch, ngak nong, patagok rong glang, dom tổ hợp tác nan njauk pandar dom SV bac tamat bloh oh ka hu bruk ngak ini.

          Thau nao halei? Nan lac panuac tangi sua di dom cử nhân bhum ceik car dok thất nghiệp. Cang maong dom pakat, dom gah ye oh thau tal tuk halei, rilo adei mai veik haong hamu puh, mai veik labik dom thun dahlau dom adei tabiak nao piah cong salih bahrau thar vak. Mong mboh  dom  sa-ai likei, sa-ai kumei di drei oh duah hu bruk ngak hadei di rilo thun kham merat bac megru, ye hu hadom anek saih bhum glong oh khin bac da-a. 

 Ong Hoàng Đức Minh, Phó Giám đốc Sở pato megru Lai Châu brei thau, tui kuhria mboh di gah pato megru, 3 thun ni mai, tỉnh hu labaih 2.600 anek saih pakacah song hu palih ruah tame dom sang bac cao đẳng, đại học di dom hệ chính quy cử tuyển song pato pakai tui labik. Urak ni, gah pato pato megru oh ka thau cambaih hu hadom SV thất nghiệp hadei di tuk bac bloh, min số lượng palih ruah tame dom jabat hành chính karja yaok thun biak takik. Sở jeng hu tacei pato dom sang bac tacei bruk ka anek saih dahlau di tuk bac tamat trung học phổ thông.

Oh ka kuhria tal rilo SV dalam bilan hè ni bac tamat bloh oh hu bruk ngak, ye yaok pluh ribau SV di Tây Bắc oh ka hu bruk ngak, lac panuac cảnh báo ka dom adei palih ruah sang bac, pilih ruah ngành nghề piah tui bac. Song bruk njauk duh hatai nan lac dom adei oh hu bruk ngak, jeng ngak ka baoh sang di drei jeng labik tavak sraiy kan ndok hu di dom gilang pariak./.