Ông Nguyễn Bá Hảo, Phó Giám đốc Sở Thông tin saong Truyền thông Nghệ An brei thau, báo chí hu dom rik daong praong dalam bruk khik caga saong dak padang taneh ia, rik daong taong tayah dom panuac ndom puac oh njauk di kol khamang, min báo chí jeng daok brei mboh dom khuyết điểm yau hu dom urang vak báo mek angan bruk ngak piah ngak suan adat hukum, ngak jhak tal angan je urang vak báo. Nghệ An urak ini hu jaik 50 văn phòng đại diện di dom báo yau nan ye njauk hu labik pataom bruk ngak báo chí dalam tỉnh. Ông Nguyễn Bá Hảo brei thau, di Nghệ An mboh hu bruk dom urang vak báo duah dom bruk nhạy cảm di dom libik piah vak bài, piah mek jien, tuk mek kreik meng khan ka gah chức năng thau paih daong langyah yau nan ye njauk hu pambuak bruk di jabat di urang vak saong gah chức năng puk palei: Tuk drei oh ka padang hu jabat lambaok atau brei urang vak nao daok di puk palei ye njauk khan brei ka puk palei thau, kol dahlak daok hu dom urang vak ngak bruk dalam puk palei, piah hu bruk pambuak gauk siam jang, plaih tuk rah tabiak bruk ngak suan meng thau bruk urang vak nan ngak bruk. Abih di nyu nan lac dahlak jeng mboh dalam tukvak tapa dalam tỉnh  Nghệ An hu mek khik dom urang vak ngak suan adat hukum ye dom urang vak ini oh tut angan ngak bruk di puk palei.

Ông Huỳnh Quốc Hoàng, Chủ tịch Hội Nhà báo ban Cần Thơ ndom lac, Cần Thơ jeng hu labaih 60 văn phòng đại diện di dom báo yau nan ye njauk hu jalan ba bruk ngak di urang vak báo thường trú mai sinh hoạt saong Hội Nhà báo puk palei, meyah peih ngak siam meda hu kein ka urang vak báo thường trú tuk ngak bruk njauk adat hukum: Hội meda daong dom urang vak tuk hu bruk hagiat nan atau lac kayua tuk ngak bruk gaok urang pacang cakak ye hội, meng tư cách lac Hội, meda nduac tame. Meyah bo hu jalan ngak nan, ye Hội ginup tư cách. Bruk bo jalan ngak anak tal kol dahlak sahaneng nan lac njauk, biak di nyu lac kan kandah min drei sahaneng lac hu ngak yau nan, hu jalan adat nan meda paglaong libik dang di Hội tagok, abih di nyu nan lac puk palei saong sap ndom di drei meda hu tác dụng siam jang.

     -Nhà báo Phan Sáng phóng viên daok ngak bruk di VTCNew ndom lac, meyah sinh hoạt saong Hội Nhà báo puk palei, phóng viên daok hu thau dom asal kadha di puk plei drah samal jang. Njauk hatai saong dom bruk ndom angaok nan, ông Trần Duy Ngoãn, Chủ tịch HNB Nghệ An brei thau, bruk ba dom hội viên di dom jabat thường trú mai sinh hoạt saong HNB puk plei lac njauk saong điều lệ Đại hội 10 di HNB Việt Nam ba tabiak. Ông lac: ini oh njauk lac kan kandah bo drei ba tame bo kayua kein lagaih di urang ngak báo kayua bruk ngak di urang ngak báo hội viên tui điều lệ di HNB Việt Nam khóa 10; ye urang jakar, phóng viên thường trú saong lambaok di dom puk palei hu trách nhiệm tame sinh hoạt hội di puk plei, bruk ini biak lagaih saong điều lệ Đại hội 10 di HNB Việt Nam.)

Jeng ndom ka bruk ini, ông Thuận Hữu, Chủ tịch HNB Việt Nam ba tabiak dalam sa hội thảo bahrau ini di ban sit Cửa Lò Nghệ An, brei thau :Dalam tuk ngak bruk di puk palei ye phóng viên thường trú di puk palei njauk ngak tui sinh hoạt dua gah saong hội nhà báo di puk palei. Hội nhà báo puk palei puac thun meda hu nhận xét payua mai ka jabat chủ quản. Tabhia nan meya ngak suan ye hội đồng xử lý ngak suan di puk palei nan meda pambuak bruk saong jabat chủ quản piah xử lý. Min quyết định jeng lac hội đồng xử lý vi phạm di puk palei.

Bruk ba hội viên lac phóng viên thường trú mai sinh hoạt di Hội nhà báo puk plaei meda khik ramik siam bruk ngak báo. Bruk ngak báo njauk jalan, njauk bruk, njauk adat hukum, meda rik daong paglaong đạo dức urang ngak báo, ngak siam bruk di bhap bini saong trách nhiệm haong bhapbini di urang ngak báo dalam bruk patagok di taneh ia./.

Thúy Linh