Khu dân cư Tổ 9, phường Quảng Phú, ban  Quảng Ngãi hu karja pak ni  yah klaak bruk paatah di gauk

Pambuak tal bruk peih pakacah bac tamat THPT thun 2020 mbang ka 2, Mentri Pato megru iew dom palei pacang hu jit blaoh, peih pakacah meng harei 30 tal 31/8. Bruk njauk biai di mbang pakacah ka 2 ini, lac Mentri Pato megru brei adat ka dom palei meda payua anek saih tal dom hội đồng jaik di abih piah pakacah  pagam tame kayua rilo palei tok hu sa anek saih. Yau nan min, tuk payua anek saih tal dom palei karei piah pagam tame pakacah, lac: Dom palei payua, taduan anek saih brei hu harak likau di anek saih, sanya di maik ame anek saih, sarak lilau, sarak taduan anek saih. Hadei di nan, Mentri Pato megru biai gauk ka jalan ngak bruk saong dom palei sa mbang tra meng likau panuac di Thủ tướng Rajaei. Ngan saong dom palei hu rilo anek saih pakacah THPT thun 2020 mbang ka 2 yau Đắk Lắk, Quảng Nam, Quảng Trị, Lạng Sơn…hu njauk gauk ka jalan peih bruk pakacah di labik, piah ba mbuan lagaih ka anek saih.

Hadei di 28 harei peih bruk paatah di gauk pacang caga jit  Covid-19, cala pandiak harei  (23/8), khu dân cư Tổ 9, phường Quảng Phú, ban  Quảng Ngãi hu karja pak ni  yah klaak bruk paatah di gauk. Bhap bini biak bui sambai kayua dom bruk nao mai, pajeng ba dalam labik dok  hu gilac mai veik  . Bruk urang ruak ka 419 hadei di tuk khan abih ruak  Covid-19,  harei 12.8 hu tabiak sang iek ruak melam harei  15.8 njaku tame sang iek ruak gilac veik  kayua mboh pandiak cada kan suah yava. Sang iek ruak Đa khoa tỉnh Quảng Ngãi hu dut iek drah n njauk ruak Covid-19. Min, kết quả brei thaut, urang ruak 419 âm tính song oh njauk ruak Covid-19 bo kayua  hội chứng rối loạn phân ly. Urak ni pren yava di urang ruak hu tani tanat .

Dalam tuk urang nong di dom tỉnh bhum taneran kraong Cuu Long daok uan tabuan kayua bilan padai He Thu ngak njuak saong pablei hu yaom, ye ralo urang ngak nong di Trà Vinh takik sambai, kayua padai oh njauk, hu takik, gaok mai lahik abih. Bilan padai Hè thu ini, tỉnh Trà Vinh trun pajaih jaik  74.000 ha saong hu labaih 1.000ha metai abih. Tal urak ini dalam tỉnh yuak hu jaik 20.000 ha, padai mek hu kuhria rah tapa labaih 5 tấn sa ha, biar jang rilo dut saong dom tỉnh ĐBSCL saong mboh lac meda hu takik jang dalam dom harei anak tal, kayua dom mblang hamu padai khut khat trak kayua pandiak bang, njom ia mbak.

Công ty cổ phần Vissan brei thau, meng harei ni, Vissan trun yaom pablei 20% ka dom janih rilaow pabui song rilaow limo  Úc piah klah rabha kan kandah song urang pandar  dalam tuk jit  Covid-19 rah tabiak kan kandah. Vissan jeng trun yaom  dom janih pandap yau rilaow pabui jhai, ba rọi pabui, sườn non pabui, ba rọi pabui rút sườn, cốt lết pabui song dựng pabui ka tong abih tuia damuai tuk blei tapak di dom  cửa hàng yaih khan pandap Vissan song tuai blei online angaok  NOW song  SENDO atau ieu tapa hotline 19001960.Meng harei  27-8 tal 2-9 jeng di  hệ thống Saigon Co.op hu danak dak patrun yaom  ka 2 janih pandap rilaow pabui  song nạc dăm song rilaow vai.

Công an thành phố Móng Cái, tỉnh Quảng Ninh brei thau  lac bahrau chap khik 11 urang Trung Quốc nduac dauk truy nã tame Việt Nam. Lingiu di nan, dom urang nan daok pah sang trọ daok piah main mbia trực tuyến. Camereip dom urang nan khan lac njauk cảnh sát TQ pagui mek truy nã kayua main mbia yau nan ye pambuak saong sa urang VN piah ba tame  suan hukum saong pah sang trọ daok piah ma-in mbia veik. Urak ini, Công an thành phố Móng Cái, tỉnh Quảng Ninh hu jao  11 người Trung Quốc nan ka Cục cảnh sát thành phố Đông Hưng (Trung Quốc). 

Meng harei ni (24-8), bhap bini di  Sơ-un, Hàn Quốc hu kakei brei cuk patiah pacang mbaok di labik hu rilo menuac, dalam tuk rajaei dok pasang iek ngak catang jang bruk paatah di gauk piah pacang cakak jit ruak Covid-19 dok njom mbak di Hàn Quốc. Quyền thị trưởng Sơ-un Seo Di-âng Hi-úp (Seo Jeong-hyup) hu panuac lac yau nan di mbang họp báo harei kabroi, dom mon hadei di tuk negar ni hu  397 urang njom bahrau. Hàn Quốc dok glaih glar pacang cakak jit  Covid -19. Hu labaih  2.600 urang njom dalam  10 harei tapa. Tui panuac ieu  di karja Sơ-un, bhap bini brei cuk patiah pacang mbaok  gam gam di labik hu rilo menuac, lingiu di tuk mbang huak.Dom nhà hàng, labik me-in sambai brei paatah di gauk. Meyah ngak suan njauk brei padeih ngak dalam 2 adit. Iek tui bruk ngak suan  urang jakar meda phạt rilo di abih  3 triệu Uôn (samu  2.520 đôla) song meda ba tabiak kaoh dus hình sự.

Akok Hội đồng quản trị Tập đoàn y dược Sinovac Doãn Vệ Đông -Trung Quốc lac, kapol ini meda ngak tabiak hu 300 trieu mbang vaccin pacang Covid-19 yaok thun, meda pabak ka darak pasar dalam negar saong dunya. Ndem ka jruk vaccin CoronaVac kayua kapol ini ngak tabiak  hu patagok, ong Doãn Vệ Đông lac, dalam tuk ngak iek, kapol nan hu pandar darah hu vaccin pacang ruak piah hlai tame labaih 20 biến chủng vi rút SARS-CoV-2, tapa nan brei mboh dom janih virut hu hlai sumu gauk. Yau nan ye, meda lac vaccin nan hu pacang ruak di dunya. . Sinovac lac sa dalam 3 doanh nghiệp Trung Quốc gam haong CanSino saong Sinopharm ngak dahlau dalam bruk roh duah vắc xin ngừa Covid -19.

Harei  23-8, sa mbang tong bom tapen jalan di gah pai Apganixtan ngak ka 7 urang metai. Ni lac bruk bahrau di abih dalam bruk srau kadau oh padeih di negar Nam Á ni, meng tuk rah tabiak dom srau kadau bahrau pambuak tal bruk peih ginum biai di Taliban song rajaei  Apganixtan. Urak ni oh ka hu kapul halei taduan lac drei ngak bruk tong  bom nan. Bhap bini  Apganixtan daok gaok kan kandah di mbang mesruh metak yaom lac hu dom kham merat  peih ginum biai song duah jalan ngak ka taneh ia tuk vak hadei di mesruh metak. Tui pathau khan di Liên hợp quốc , hu 1.282 urang metai kayua mesruh gauk di Apganixtan dalam 6 bilan akaok thun ni  song yaok rituh urang njauk rambuac./.

Urang lang: Ái Nghiêm - Hani Pha - 24/08 10:38:10