Pachreih tui jalan ngak di UNESCO,  labaih 10 thun tapa, angaok dunya hu labaih 150 negar peih bruk pahadar “ Harei tapuk song bản quyền dunya” ngan song rilo bruk ngak gheih tui rilo jalan song rilo kadha karei di gauk, dui pachreih hu rilo menuac mai hu mbaok. Meda ndom lac grauk labik hu salam uan harei puac tapuk dunya biak chreih chrai bui sambai: Pagap yau “ Alin sa baoh tapuk,alin sa bingu hồng” lac sa bruk hu rah tabiak di rilo negar di dunya piah pok meyaom harei puac tapuk dunya ( 23/4). Langiu di nan, dok hu rilo bruk chreih chrai karei pambuak tal tapuk hu peih ngak ala bruk pachreih ba di UNESCO. Ni njauk lac sa harei roya di dom urang takre tapuk di angaok dunya.

      Ala bruk peih ngak di dom  nhà xuất bản song dom gilang tapuk lac bruk pahadar  “Tapuk langiu jalan”  piah ka urang hu blei tapuk yaom lap saong hu chữ ký di tác giả brei ka dom urang takre puac tapuk, lac tuk piah pabak dom pandap yaih khan harei puac tapuk dunya kayua UNESCO  ngak ( yau: thaot, hala doh, bút đánh dấu, aow  T-shirt, bưu thiếp ..vv…), atau alin dom boh tapuk dok dalam gilang ka dom khu dân cư kathaot, dom gilang tapuk sit - takik jien padai yau: sang iek ruak, sang guk, dom trại tị nạn, sang xã hội...

Di Việt Nam, dom thun jiak di ni  mintri ilamu - Thể thao  song Du lịch hu palih ruah  harei 23/4 yaok thun ngak harei roya puac tapuk di  Việt Nam, kayua gilang tapuk pakat negar dang ngak, piah pachreih, piah ba bruk puac tapuk, báo jeng sa ilamu di menuac urang Việt Nam dalam tuk taneh ia mbeik drei tame dunya.  Bruk ngak ni pachreih hu rilo nhà xuất bản, cơ quan phát hành, gilang tapuk, dom sang bac  meng phổ thông tal đại học, ngan song rilo asal kadha yau : Pataom tapuk brei ka uranaih  song padang gilang tapuk di dom bhum atah bayah, bhum tapen negar, uranaih pakacah cih rup cih tui tapuk, taom gaok dom  nhà văn, nhà thơ hu angan je; dak dalikan tapuk meng  sap Việt song sap Angle, sap Prang, parang tabiak song pablei  tapuk yaom ưu đãi di  dom nhà xuất bản, klah rabha ilamu puac tapuk, đố vui, bốc thăm trúng thưởng, ndom ka bruk puac tapuk, ka kỹ năng sống, peih “ Harei roya puac tapuk: yaok boh tapuk lac  sa giấc mơ”  .

    Dom bruk ngak nan di adit puac tapuk di Việt Nam tuk vak tapa hu caik veik dom siam mekre, dong tame bruk patagok ilamu puac di negar drei. Meng bruk paprong yaom glaong di tapuk, mbao song ilamu dalam rai duik, harei puac tapuk dunya di VN dok jeng sa ilamu  urang takre tapuk, báo njauk khik ramik saong yaih khan praong  jang dalam XH, saong brei hu bruk sangka dong ba jang di dom  gah chức năng piah ilamu puac tapuk tuk halei jeng lac bruk oh kurang hu di dom menuac urang dalam saman bahrau urak ni./.