Thun ni, harei pataom padang mbang ngui pakat negar di anek saih sinh, sinh viên 2018 hu rilo bruk ngak hu makna dui pachreih dom  doanh  nghiệp  sangka dong ka dom sahneng duah bahrau ini. Tapa dom diễn đàn, tọa đàm nyu ngak brei medeih tagok hatai pachreih padang mbang ngui di anek saih, sinh viên kham merat roh duah ilamu. Dom dự án di dom anek saih, sinh viên peih ngak song tuk camereip duah hu jien. Nguyễn Quang Trung, sinh viên sang bac  Đại học mỏ địa chất, lambaok nyaom roh duah đề tài  “Roh duah pandar  bau  sang mac nhiệt điện dalam bê tông xi măng ngak tal mbaok jalan palei pala” khan lac: đề tài ni hu ba danak dak roh duah ka  doanh nghiệp patui ngak piah samar ba tame pandar. Nguyễn Quang Trung brei thau: meng bruk peih ngak dom  sahaneng duah dalam sang bac, peih tabiak rilo jalan ngak cambaih laih jang ka bruk ngak di anak tal. 

Bruk patuah di abih lac khol adei hu dom công ty song dom  nhà tài trợ caih hatai sangka rilo jang. Adei cong khin tuk ngak salah bloh  đề tài nyu hu ba pandar di angaok dom jalan . Taphia di nan, adei jeng khin pachreih dom ayut sahneng duah, dom ayut abih drei humbaok tame, nan lac sa labik pabak ilamu ka drei  ..

Piah peih ngak hu dom hatai sahaneng hadah krah ye dom anek saih,  sinh viên dok bac di sang bac jeng daok gaok rilo kan kandah, dalam nan rilo meng lac jien ndua buh tame piah peih ngak dom sahneng duah bahrau. Hoàng Khắc Cưng, sinh viên Học viện Nông nghiệp Việt Nam cong khin lac: 

Ngan song sinh viên tuk padang mbang ngui gaok rilo kan kandah,  bac gah  kỹ thuật nan ye ba brei kỹ thuật. Bhian gaok kan kandah ka jien ndua , pablei salih, phun jien, công nghệ thông tin piah yaih khan  công nghệ di drei  oh khang. Dalam tuk padang mbang ngui, sang bac jeng hu dong ilamu, peih dom mbang pakcah, bac pabak ilamu pablei salih  piah padang mbang ngui siam jang.

Tui akaok mintri pato megru Phùng Xuân Nhạ, Harei pataom ilamu padang mbang ngui 2018 piah pamedeih tagok hatai sahneng duah bahrau dalam anek saih, sinh viên. Tapa nan, dui pachreih dom doanh nghiệp mai buh jien ngak mbang, dong ka dom  hatai sahneng biak gheih di  anek saih,  sinh viên. Akaok mintri  Phùng Xuân Nhạ lac:

 Anak tal, mintri daok daong brei meng labik laboa piah sinh viên bac, tal dom bruk njauk daong yau : dom đơn vị sự nghiệp brei kaoh tabiak phần trăm doanh thu piah dong ka dom  ý tưởng, dui pachreih dom doanh nghiệp. Hulin uan tabuan lac hu dom  tập đoàn prong ka  công nghệ brei thau lac halan hatain hu mbaok tame. Dalam padang mbang ngui pachreih padang mbang ngui di tong abih dom gah, min hulin biak khin padang mbang ngui pataom tame bruk padang mbang ngui công nghệ. Ni lac jalan ngak bahrau, doanh nghiệp meda lac oh prong, min giá trị glong song pambuak hu rilo menuac. 

   Padang mbang ngui dalam anek saih, sinh viên, meng bruk tagok hatai sahaneng salih jeng sa danak dak  njauk kham merat oh padeih dalam tuk vak bac daa, sahneng duah. Piah peih ngak dom danak dak ye brei hu mbaok tame di dom  cơ sở patao pakai dalam bruk dak padang hệ thống sinh thái  padang mbang ngui  ngan saong labik roh duah, sami samar saong praong jang lac bruk dong meng dom  doanh nghiệp đỡ đầu./.