Pathau mik va song tong abih gauk!

Nghệ thuật Đờn ca tài tử Nam bộ meng di tuk hu pok angan lac ilamu phi vật thể lambaok di menuac sia dunya, hu rilo pakat , rilo gah sangka peih ngak dom bruk khik ramik, brei thau song ba tame duh ka bruk  du lịch. Min, hu rilo panuac ndom lac, njauk mong iek veik jalan peih ngak  ĐCTT pabak ka  du lịch song chất lượngbiak piah ka bruk khik ramik patagok  hu khang kajap. Hadei di ni lac kadha vak di Lệ Hoa, urang vak di rayo sap ndom VN  dok di bhum taneran krong CL ndom ka bruk ni.

  Oh hu janih nghệ thuật meng kan halei  hu pambak prong di 21 tỉnh, ban song hu bhap bini jeng lac urang parang main biak rilo yau Đờn ca tài tử Nam bộ - drap ar ilamu  phi vật thể di menuac sia dunya. Min,meng  bhap bini di  21 tỉnh, ban Nam bộ, pô di janih  nghệ thuật ni, urak ni hu biak takik urang thau ginup ka  Đờn ca tài tử. Rilo nghệ nhân, urang roh duah brei thau: yaok ribau kalup kapul  đờn ca tài tử di dom tỉnh oh brei mboh njauk chất lượng biak di nyu. Biak rilo kalup kapul oh ginup atau oh hu gru đờn song urang tok thau doh dom kadha  vọng cổ, dalam tuk tài tử jeng lac urang  doh gheih, paik capi joi song thau cambaih 20 bài bản tổ. Nghệ nhân ưu tú Nguyễn Bá Thế  daok ieu lac Minh Thơ) daok di ban  Cần Thơ ndom lac:

  Di bhum ĐBSCL, bruk  ĐCTT kayua dom  phòng, Sở ilamu pathau khan biak atah, biak rilo kalup kapul min biak di nyu menuac thau cambaih ka  ĐCTT tok hu dom urang min. Suh sah abih di  Minh Thơ, lac bruk praong abih di  ĐCTT lac dàn nhạc, hu rilo menuac tok  đàn hu dom câu vọng cổ, 1,2 bài bắc, atau  1,2 lớp nam atau oán hagait nan, , kadha nan oh praong hagait,  bloh urang nao ngak ĐCTT. Bruk nan mboh biak  rilo.

      Tuk duh tuai  du lịch atau nhà hàng, tiệc cưới, dom  nghệ nhân oh ginup  ilamu ni  jeng khan ka urang  pang dom kadha oh njauk oh cambaih ka Đờn ca tài tử. Dom  nghệ nhân joi bruk ye pabha tabiak  2 janih, nghệ nhân đờn joi duh ka  tiệc tùng đờn ka urang doh  oh thau nhịp nhàng bài bản ye phá luật, paik tui cambuai urang doh piah duah jien, dom nghệ nhân doh joi tuk parang main oh hu  dàn đờn chuẩn ye doh suan lagu, dớt lagu…Dalam tuk nan, dom bruk yaik khan  Đờn ca tài tử chất lượng gaok kan kandah kayua oh ginup jien padai piah khik ramik khang kajap.Tỉnh Cà Mau lac labik hu rilo kalup kapul Đờn ca tài tử biak khang, dalam nan kalup kapul  di pasak ilamu tỉnh hu peih tabiak yaok adit, min urak ni, ong  Nguyễn Thanh Triều – Phó Giàm đốc pasak ilamu brei thau bruk ngak daok takik veik kayua kurang phun jien. Tỉnh Bạc Liêu lac sa labik nao dahlau dalam bruk peih  rilo dom tal pato Đờn ca tài tử ka dom nyaom umo,  sang bac di tong abih  dom  huyện, ban sit, mek hu rilo siam mekre di tuk dahlau song hadei di Festival Đờn ca tài tử mbang ka sa. Urak ni, bruk ngak ni oh daok pachreih hu rilo menuac hu mbaok tame. Ban Cần Thơ lac sa labik padang hu sa mblang parang main Đờn ca tài tử - cải lương siam duh ka tuai du lịch di  bến Ninh Kiều  di melam  car yaok adit pachreih hu biak rilo tuai damuai song peih tabiak gam dalam 3 thun ni mai, min jeng dok patrun pren kayua kurang phun jien. Amuk Nguyễn Thị Vỗ - Phó Chủ tịch Hội sân khấu ban sit brei thau: abih tih yaom jien ka yaok melam parang main  lac 5 triệu đồng dalam nan hu âm thanh, ánh sáng, thù lao ka tài tử, diễn viên. Tui nan, urang me-in tok hu ginup jien xăng menyek radeih pajeng ba, nan ye  njauk parabha lịch diễn, dalam tuk nan nghệ nhân lac urang oh hu mbang jien bilan.

  Njauk hu tanut pato pakai ka nghệ nhân hu mbaok tame bruk  Đờn va tài tử song hu roh duah ka danak dak yaik khan Đờn ca tài tử  piah ka urang pang thau njauk song takre janih nghệ thuật gheih mekre ni,  lac panuac di rilo  urang chuyên môn. Soạn giả Nhâm Hùng – urang hu rilo thun  dalam bruk ngak ilamu  di tỉnh Hậu Giang song ban  Cần Thơ ndom lac:

 ĐCTT ba tabiak duh ka bruk du lịch  hulin sahaneng lac danak dak oh cang atah min brei siam gheih, palih ruah kadha doh siam gheih gam tui jalan langyah yau habar lac kadha doh, lagu  gah merong, lagu gah brak, lagu oán, xuân tình, tây thi lac yau habar…urang doh ai oán buồn vui parang doh yau habar song njauk tuk brei hu lang sap ka tuai negar langiu thau. Yau nan urang meng thau,meng tame dalam hatai di urang hu, dok urak ini yau doh main. Brei hu jalan ngak salih bahrau, tagok chất lượng bruk  ĐCTT di dom sang bein  du lịch.

Langyah yau habar ka phun jien piah dui pachreih urang bac, palih ruah hu urang naih gheih piah pasram megru song khik ramik bruk  Đờn ca tài tử chất lượng di dom tỉnh tuk halei jeng lac kadha tangi sua di dom nyaom biai pagam tal  Đờn ca tài tử. Ndom ka bruk ni, Tiến sĩ Huỳnh Công Tín – sang bac Đại học Khoa học Xã hội saong Nhân văn ban raya  HCM ndom lac: gah  du lịch njauk kaoh jien laba tabiak  dong song pambuak bruk piah khik ramik inem krung ilamu ni kayua nyu lac sa dalam dom janih dui pachreih tuai du lịch:

  Jien di labik halei , oh njuak lac yaok mbang ba tabiak kadha nan ye mek jien di karja. Drei kaoh tabiak meng kadung jien khik radeih, di   cơ sở ngak mbang halei nan piah drei patagok… yau ye tuk anek oh thau kabak njauk pato ka nyu nao. Camereip lac yau nan, min tui hulin peih ngak habar ka nyu ngak tabiak jien piah nyu rong rup nyu. Ba nyu tame dom labik,  nhà hàng, min dom labik du lịch nhà hàng oh brei kateik greik nyu bo oh jeng lac tui jalan gam mbang gam pang, mbang lac mbang bo pang lac pang. Karja brei hu jalan ngak halei piah dong ka nyu lac labik nan nan. Meyah  oh ka hu jalan ngak siam lagaih, suai livik,, dom tỉnh tuk takre ye buh hasit jien tabiak, tal tuk abih jien ye jeng akaok limen iku takuh.

Ilamu ngak jeng pren dui pachreih piah padang tabiak song patagok du lịch. Kayua yau nan ye, dalam tuk ba  Đờn ca tài tử tabiak yau sa pandap du lịch, gah du lịch njauk ba tabiak chất lượng song brei hu trách nhiệm dong ka bruk khik ramik  ilamu gheih mekre saong bruk khang kajap di ilamu nghệ thuật ni./.