Nyaom roya ka 13 ginum biai song dom doanh nghiệp 

 131 ribau urang đảng njauk kỷ luật dalam 8 thun tapa , taeng meng akoak  vaktu nyaom roya mbang ka 12 tal urak ni  hu kỷ luật 87 ribau urang jakar, urang đảng, dalam nan hu labaih 3.200 urang đảng njauk  kỷ luật pambuak tal tham nhũng; 110 urang jakar di Trung ương khik ramik… Tapa nan brei mboh bruk ngak catang tui jalan tacei pato lac : "Ndom nao gam song ngak, oh huac, oh tui kateik greik di kapul nyaom, menuac urang halei". Ong Nguyễn Mạnh Hùng- dahlau dieh ngak Bí thư Tỉnh ủy Bình Thuận ndom lac

“Bruk njauk ndom tal di abih lac kol drei hu ngak samu gauk dom jalan ngak, dom bruk tham nhũng hu langyah catang, njauk tukvak, njauk adat hukum. Dut song dalhau deih,  dom bruk langyah oh dok  “kandauh” tra bo hu ba tabiak brei ka bhap bini thau piah tui iek, rik dong paglong bruk ngak brei ka urang daok khin ngak suan mboh huac blaoh padeih ngak”

Gam song nan, dom jabat peih bruk tố tụng hu pambuak bruk khang kajap, langyah samar, drah, tal labik tal dhua rilo vụ án tham nhũng prong, hu rahra njauk hatai. Dom angan yau: Trịnh Xuân Thanh, Đinh La Thăng; Lê Nam Trà; Châu Thị Thu Nga; Phan Văn Anh Vũ; Đinh Ngọc Hệ…patui gauk njauk bruk tong  phạt di hukum. Ngan saong kadha “oh hu vùng cấm, oh hu ngoại lệ, oh kuhria urang nan lac thei” hu langyah biak catang rilo vụ án tham nhũng biak praong, biak trak damak. Phó Giáo sư, Tiến sỹ Nguyễn Trọng Phúc, Học viện Chính trị Quốc gia Hồ Chí Minh ndom lac:

“Pakhang kỷ luật Đảng, pakhang hukum di karja  tui jalan ngak di sarak TƯ 4, khóa 12 piah brei ka yaok urang Đảng thau lac, ngak praong tal pakat halei jeng njauk kỷ luật di  Đảng, hukum karja song oh hu bruk yau Yuan lac “hạ cánh an toàn”, hu makna pato pakai tong abih dom urang jakar dok ngak bruk ”.

Yaom lac yau nan, min jeng dok bruk "angaok pandiak ala liar " bruk hu urang dang akaok Đảng song karja, Tổng Bí thư,Akaok negar Nguyễn Phú Trọng, Akaok mban tacei jalan pakat negar pacang caga tham nhũng hu rilo mbang kakei, pahadar.Urak ni jeng dok hu oh takik urang jakar dok huac lac,meyah khang hatai pacang tham nhũng meda ba tal cuang kandah ka bruk patagok kinh tế-xã hội. di puk palei drei. Ong Lê Bá Hùng, Phó akaok Viện Kiểm sát bhap bin tỉnh Bến Tre brei thau:

“Di pak ni oh ndom dalam ka ruak  thành tích min huac lac tuk langyah bruk ngak suan di urang ni, urang deih, bruk ni, bruk deih nyu ba tal kan kandah k apuk palei. Rilo tuk dok huac kanda, oh khang hatai piah langyah khang. Anak meta mboh lac dom kapul ngak bruk Trung ương trun tỉnh ban pasang iek bloh tacei pato brei langyah catang, tuk nan dom jabat tố tụng meng pasang iek, duah thau, ba tabiak langyah.

Bruk mesruh pacang tham nhũng lac bruk mesruh bak kan kandah, brei hu dom mintri,dom gah,dom tỉnh,ban peih ngak samu gauk tui rilo jalan ngak. Kadha prong di abih lac, brei samar ngak pasiam dom jalan ngak piah patagok khang jang labik dang di bhap bini, khik caga bhap bini tacei tabiak bruk tham nhũng, piah ka bruk mesruh pacang tham nhũng biak biai hu pambak praong. Ong Nguyễn Đăng Dung, kapul tư vấn Dân chủ, adat hukum, UBTWMT negar VN mboh lac:

“Pacang caga tham nhũng hu labik dang biak praong di bhap bini, dahlau di abih, dom urang tham nhũng, hu hatai khin tham nhũng ye oh plaik  phiếu brei. Meta mong di bhap bini labik halei jeng hu.Đảng karja song dom pakat karja  brei iek prong panuac di bol bhap rahra”.

Bruk pacang caga tham nhũng lac bruk prong, brei ngak gam gam, suai lavik. Ngak siam bruk pacang caga tham nhũng brei hu hatai khang, kham merat ba hatai khang nan jeng bruk ngak song brei padang ka pahu jalan pacang caga khang kajap piah langyah biak catang saong oh caik rah tabiak tham nhũng./.

Urang lang: Hanipha- 15/12