Kadung hút chân không hu urang blei pandar taong yaom lac pandap daong khik piah pandap mbang biak siam dalam sa tukvak halei nan. Yau nan min meyah pandar oh njauk, oh pametai hu abih anek vi trùng meda tamuh tabiak vi khuẩn karei, ngak kanjah jak tal pren yava di urang blei pandar.

Urak ini, kadung hút chân không caik pandap panda hu parang pablei rilo. Meng 70.000 - 120.000 đồng meda blei hu pandap tui rilo jalan yau teik, pablei tui cuộn, tui bịch praong sit ginup abih. Saong tok hu 500.000 đồng lac blei hu sa baoh mac hút chân không mini.

Darak pasar online (pablei pandap angaok mạng) jeng hu biak rilo, tok taih tame talei akhar "kadung hút chân không" ye rilo jalan pambuak pagam tal nduac tabiak, meng dom blah pablei salih điện tử tal dom fanpage, dom group angaok mạng xã hội.

Lac urang ngak bruk văn phòng oh hu rilo tukvak ka btuk nao darak, sa-ai Lê Ngọc Trúc (daok di Q.Bình Thạnh, bal raya HCM) brei thau,  dom janih pandap yau ikan, rilo pabui  sa-ai bhian buh tame kadung hút chân không piah khik piah, khik ka nyu that hu lavik jang, tuk khin pandar jeng oh lahik rilo tukvak ngak brei ka nyu ra-lai abih ia khar.

Bruk pandar kadung "hút chân không" bo dom baoh sang daok ngak oh khik hu siam pandap panda kaya mbang, mbuan ba tal jru mek hu Gah Y tế dunya (WHO) khan brei dahlau di nan. Amuk Trần Việt Nga – phaok akaok Cục An toàn pandap panda, Mentri Y tế – brei thau, jru mek botulinum tamuh tabiak dalam tuk ngak pandap, khik piah pandap panda dalam labik oh hu không khí (buh tame hộp, hút chân không) oh khik hu siam pandap panda kaya mbang, dalam nan hu pandap panda kaya mbang ngak di sang.

Urang ilamu gah Cục An toàn pandap panda kaya mbang kakei dom baoh sang, labik ngak pandap meng tangin oh eng drei buh tame kadung, khik piah pandap dalam kadung (hút chân không) dalam tukvak atah. Kayua lac tuk oh ginup ilamu công nghệ piah pametai abih anek vi trùng pandap panda buh tame kadung sir, mbuan tamuh tabiak jru mek botulinum ngak kanjah jak tal pren yava saong mbuan ba tal metai lahik./.

Urang lang: Jasi   8/4/2021