Pandap mbang pabak pren yava pacang ruak covid 19

Tui Viện Dinh dưỡng negar, mbang menyum siam lagaih piah patagok miễn dịch ka rup pabhap njauk pabak ginup chất đạm (protein) ka rup pabhap, kayua ini lac pandap piah ngak jeng dom kháng thể. Njauk mbang haong pandap hu rilo protein động vật (yau dom janih ikan, ralow menuk, ralow lamo, baoh, ia tasau...) saong protein thực vật (meng dom janih ratak…). Pabak ginup dom vitamin haong khoáng chất yau: vitamin A, C, D, E; sắt; kẽm; selen – lac dom janih pandap daong patagok hệ miễn dịch ka rup pabhap.

Pandap mbang hu rilo vitamin A, hu: tai menuk ada athur raong, baoh pattih di baoh menuk. Dom janih njam saong baoh kayau jeng hu rilo Beta-caroten (tiền chất di vitamin A) yau: cà rốt, bei java, ploi, lahong saong dom janih baoh hu sambo katam kanjik atau bhong, meriah…

Viện Dinh dưỡng negar brei thau, vitamin C daong patagok hệ miễn dịch tapa bruk daong ngak tabiak interferon (janih protein pacang veik dom kadha ba tal ruak, lac janih hu makna praong di hệ miễn dịch). Ini lac chất dinh dưỡng daong pacang bruk pataom veik di virus bahrau, meng nan nyu pacang virus njom tame. Pandap mbang hu rilo vitamin C mai meng baoh kayau saong njam that yau: cam, quýt, kruac bung, nho, traong ndaiy, súp lơ, củ cải, ớt chuông.

Sắt haong kẽm daong khik bruk ngak di hệ thống miễn dịch. Dom janih pandap mbang hu kanduh yau saong kaya ikan yau: hàu, ring .. hu biak rilo kẽm. Lingiu di nan, tai menuk da athur saong ralo jeng hu rilo sắt, rup pabhap mbuan njom tame. 

PGS - TS Lê Bạch Mai, dahlau daih ngak Phó viện trưởng Viện Dinh dưỡng negar kakei lac: bruk pabak lagaih dom chất dinh dưỡng meng pandap mbang nyu daong patagok prein pacang dom kadha ba tal ruak tui jalan jhul tagok glaong dom tế bào lympho T. (tế bào miễn dịch praong abih di rup pabhap), pakhang, pakajap jang hệ miễn dịch, daong ka rup pabhap pacang veik dom kadha ba tal ruak.

Dinh dưỡng njauk, dahlau di abih lac bruk mbang huak siam, lagaih, pabak hu tui umo, tui likei atau kumei, tui bruk ngak, saong njauk caik hatai jang tal dom menuac njauk pabak glaong jang, yau ye: urang kumei metian atau daok brei anek mum, ngan saong anek naih kayua hệ miễn dịch oh ka hoàn chỉnh saong urang taha hu prein pacang caga ruak takik. Saong brei khik kajap bruk haci hacih di pandap mbang, najuk khik bruk pasram rup pabhap di labik laneng, lahei./.

Urang lang: Muosaphuong -1/3