Pathau mikva saong gruak ayut!

Tuk langik pandiak khang, rilo menuac bhian mboh pandik di kreh akok, having akaok, pandiak dalam rup, cambuai thu mbaok meta bhong meriak, gaok tuk darak tagok. Piah  patakik dom ruak angok nan tuk langik pandiak, dalam kadha “Urang iek ruak” harei ini, khol dahlak hu kadha vak di Lương y Nguyễn Văn Sá brei thau dom pandap mbang, kaya menyum siam dalam bilan bhang pandiak.

Samekai: Yamen la-ar bingi. Mbang that atau njiak ia menyum. Nyu yau jru pasiam ruak pandiak dalam rup, pandik akok, having akok, meik saradang, tagok darak, saluak pandik dalam rup, mbang hu siam.

Ratak jhuk: Yamen bingi, la-ar. Ngak bu mbak atau bu yamen. Nyu pasiam hu ruak pandiak dalam rup, pandik having kok, sir tanye, kan ndik, lagah rup pabhap.

Ia li-u: yamen, ia li-u buh hasit sara yau jru pasiam ruak pandaik tabiak rilo ia hauk, lahik ia, tagok darak, pandik kreh akok, pandiak dalam rup kan ndih.

Mraok  ratak: Nyu yamen la-ar. Njiak ia menyum atau mbang metah, ngak ia bai metham haong kan, nyu pasiam hu ruak pandik having akok, glaih glar, patuh pandik tarakon, pandik ka-ing, pandik akok, aih caraoh kayua pandiak mbang tame jeng hu siam.

Njam rau má: phik hasit min nyu la-ar. Rau má mbang saong rilo ada atau ngak ia bai saong kan atau chai menyum ia…Caga ruak pandik akok, pandik tarakon, patuk, tagok mun, pandiak mbang biak siam.

Baoh paya: Nyu la-ar, ngak ia bai atau xào mbang. Nyu pasiam ruak  pandik having akok, meik saradang, tagok darak, mun saong dom ruak karei karei.

Baoh dak: yamen, la-ar. Ngak ia bai saong rilo ada, talang pabui atau tuk, xào mbang.  Nyu pasiam ruak having akaok, pandiak thu kalik mbaok, kan ndih, dom janih ruak pandiak dalam rup mbang hu siam.

Baoh kruac: Yamen, la-ar. Mbang atau njiak ia menyum. Nyu pasiam hu glaih dalam rup kayua pandiak, thu camboi yau apui dalam rup, kan ndih.

Sắn dây: Tapung sắn dây hlai ia menyum yau jru pasiam ruak having akok camboi thu lagu, mebuh pandiak glaih glar, pandiak la-ar  tuk biar harei.

Baoh bloi: Bloi ngak ia bai saong rilo ada, rilo pabui. Urang lavang lavaih, pandik akok, thu camboi, glaih glar mbang tame biak siam.

Njam jangaih: Mbang metah,  ngak ia bai, chai ia menyum jeng hu siam. Lac jru pasiam ruak la-ar  pandih akok, tagok mun, pandik tarakon, lakhah rup pabhap mbang jeng siam./.