Công ty TNHH điện tử Minh Tuấn, hu labaih 10 thun ngak mbang pablei salih loa âm thanh BMB dane angan di Nhật. Tukvak jaik di ini, bruk pablei salih gaok kan kandah kayua pandap ja angan BMB pablei bak anagok mạng, yaom meteh pandap biak. Lac sa cong ty pable pandap nan pak Viet Nam, min urak ini tame google ye hu mboh yaok pluh blah website pablei loa angan BMB dalam negar. Ong Nguyễn Minh Trí, Akok Cong ty TNHH điện tử Minh Tuấn khan lac, meng cong nghe cak rok patagok yau urak ini, pandap ja ngak yau pandap biak. Bruk pablei pandap online lac urang thaok binguk pandap, thông số kỹ thuật…pandap di công ty piah ba tagok online. Urang pablei yau yaom di công ty, hadei di nan, urang trun meteh yaom, tuk jao pandap lac pandap ja. Yau nan, cong ty pablei njauk pandap di hãng oh meriak gauk hu, oh pablei pandap hu. Daok urang pandar kan si thau lac pandap ja saong tal tuk blei tame pandar blaoh meng thau. Tuk nan, urang blei ba pandap mai cong ty piah bảo hành, atau khiếu nại ye jeng oh hu hagait lingiu di phik palak. Daok gah cong ty ye jeng oh thau yak bak thei saong pathau  yau habar tuk pandap drei daok pablei njauk urang ngak ja? Ong Trí pandiak hatai lac:“Ini lac bruk biak haduh hatai oh lac eng hagait dahlak bo yaok ribau doanh nghiep daok gaok. Online pablei pandap ja, pablei trun yaom lap, urakini  jabat karja jeng oh thau pambak tame halei piah chap ngak tui. Brei khok dahlak thau, hukum saong paka hukum halei ka bruk pablei pandap online ja, pablei salih oh njauk piah tuk pathau pambak tame nan.”

Tui Hiệp hội Khik caga quyền lợi urang blei di TP.HCM ye meng akaok thun tal ini hu labaih 20 mbang urang blei khieu nai pandap blei ngaok mạng oh njauk yau yaih khan, blei gaok pandap ja, pandap kanjiak…Dom mbang khieu nại nan ralo meng lac blei pandap pandar dalam sang.

Ngan saong dom labik pablei salih, website di doanh nghiep hu tut angan haong jabat chức năng ye hiệp hội daok hu địa chỉ, hu thau labik piah ngak bruk, daok dom labik pablei salih di urang angaok mạng oh tut angan saong jabat chức năng ye oh khiếu nại, oh pathau hu kayua oh thau labiak di nyu, oh thau angan je biak di po pablei. Hu dom labik hadei di tuk pablei pandap blaoh, hu panuac lac pandap oh siam ye urang ngak palahik tài khoản chip. Meyah Hiệp hội taom gaok hu  ye kurang hukum piah ngak bruk. Kayua urang pablei pandap oh hu phieu jao brei pandap saong phiếu mek jien. Hiep hoi  tok thau pambak tame hukum khieu nai.

Kayua yau nan, tui dom gah chức năng saong doanh  nghiep piah bruk pacang pandap ja hu siam jang ye brei pabak sang pasiam hukum pacang pandap ja, pandap ngak mblah, dalam nan hu bruk pablei pandap ja tapa online; njauk brei quyền ka dom jabat chức năng langyah bruk ngak suan, tagok bruk taong phạt. Gah chức năng brei pasiam dom quy định ka bruk khik iek mạng xã hội, dalam nan hu Mentri Công thương jeng brei khik catang bruk pablei pandap online tui quy định. Meyah thei pablei pandap angaok mạng brei tut ngan, meyah ngak oh njauk ye taong phạt. Ong Ngô Bách Phong, Phó akaok Hiep hoi Khik caga quyền lợi urang blei di Ban raya HCM lac:“Urak ini pablei pandap angaok mạng oh hu cơ chế halei khik iek yau nan ye khol dahlak biak having akaok tuk langyah dom bruk khiếu nại, khiếu kiện. Pablei pandap di mạng điện tử urakini oh hu thei khik caga ka urang blei.”

Anak bruk nan, tukvak tal, Tổng cục Khik iek darak pasar  brei peih blah website piah pambuak doanh nghiep, urang blei saong dom jabat chức năng piah khan brei thau dom pandap ja, pandap ngak mblah. Ong Trần Văn Dũng, lambaok Tổng Cục khik iek darak pasar di Ban raya HCM lac: “ Tổng cục daok ngak harak pathau khan điện tử yaok harei, yaok tukvak dalam jabatr, anak tal, khol dahlak peih ngak, tuk labik halei hu kapol, nyaom nao pasang iek dalam nan hu bruk pasang iek pandap ja, tuk pasang iek  blaoh ba tagok brei thau di mạng nội bộ urang ngak praong di cục khik iek di dom pablei, Tổng cục meda thau hu bruk rah tabiak dalam taneh ia saong langyah bruk mbuan ngak ja ngan saong dom janih pandap piah hu jalan tacei ba ngak sumu chip.”

Cambaih laih lac, pacang pandap ja, pandap ngak mblah lac bruk biak kan kandah nan ye brei hu bruk pambuak gauk catang di doanh nghiep, urang blei, jabat chức năng saong brei hu adat hukum njauk pabak pasiam ka nyuk lagiah saong bruk di urakini, abih di nyu lac brei hu cơ chế pasang iek bruk ngak tui ka njauk, pacang cakak bruk ba tangin tame daong, pacang padauk ka pandap ja, pandap ngak mblah tui./.

Urang lang: Ái Nghiêm - 4/12