Dom thun dahlau daih, bruk raong menuk Đông Tảo tamuh tabiak di grauk puk palei. Tame bilan tết, janih menuk đặc sản ini hu ba tabiak pablei di grauk labik, hu tuk hu ba tabiak tapen jalan piah pablei, yaok labik yaok yaom karei di gauk. Min urak ini, meda lac hu oh hadom sang raong janih đặc sản ini, dom labik daok raong jeng oh tagok tapon di bilan tết bo tok ngak ginup tui caong khin di urang blei.

Ong Vũ Ngọc Tuấn, po trại menuk Đông Tảo di xã Đông Hòa (huyện Trảng Bom) khan lac: “Menuk Đông Tảo lac janih đặc sản hu yaom glaong, kan duah hu darak pasar nan ye rilo sang pakacah gauk raong tui phong trào dahlau daih, urak ini jeng oh daok. Bilan tết, trại di dahlak jeng oh tagok tapon rilo bo tok raong ginup tui đặt hàng di tuai damuai. Yaom pablei jeng khik tani tanat yau yaok thun”.

Caga ba tabiak darak pasar Tết Nguyên đán 2019, palei ikan bè Hiệp Hòa (ban sit Biên Hòa) hu rilo janih ikan đặc sản brei ka tuai pilih ruah, yau ye: cá hô, cá quế, chép giòn, trắm đen... Min dom sang raong dom janih ikan ini, lac biak takik kayua takik hu labik pablei. Ong Vũ Đình Đàm, Giám đốc Hợp tác xã thủy sản du lịch sinh thái Làng Bè (xã Hiệp Hòa, ban sit Biên Hòa) brei thau: “Pabak ka darak pasar tết thun ini, cá chép giòn hu biak rilo kayua hu rilo menuac takre mbang. Dom janih ikan đặc sản karei kan pablei hu kayua yaom glaong, menuac mbang oh ka thau rilo nan ye bahrau hu dom sang raong iek min raong takik”.

Bilan tết thun ini, dom sang bein di huyện Vĩnh Cửu jeng oh ngak rilo kruac bung hồ lô. Urak ini, dom sang ngak janih baoh ini jeng hu biak takik saong tok ngak ginup tui panuac kakei blei di tuai. Kayua dom thun dahlau, rilo sang bein ngak caga dahlau min pablei hu takik, pandap labaih veik rilo. Oh lac dom janih đặc sản yaom glaong urang nong takik ngak, bo dom janih đặc sản bhian randap jang, yaom lap jang jeng tapa bloh saman nduac pakacah gauk ngak rilo. Amuk Cao Thị Ten, po trại menuk thảo mộc di xã Phú Ngọc (huyện Định Quán) brei thau: “Yaom lac hu sanya blei abih menuk haong số lượng praong min dahlak oh patagok tapon rilo kayua khin pasang iek bruk raong glang hu siam jang, hu chất lượng jang. Bilan tết năm nay, dahlak tok ba tabiak darak pasar jaik 15 rabau drei menuk thảo mộc. Dom menuk ini bhian pablei ka dom cửa hàng thực phẩm an toàn di TP.Hồ Chí Minh, Đồng Nai, Vũng Tàu”. Trang trại menuk thảo mộc di amuk Ten jeng salih jalan ngak, meng pablei menuk ka dom mối lái salih tapa bruk pataom tame cakrok ralow menuk hu sik ngak, tame kadung hu tem nhãn di trang trại, piah ka urang blei mbang mboh sahnang hatai kayua thau hu asal di pandap.

Jeng hu hatai sahneng iek praong chất jang lượng, ong Ngô Văn Sơn, “patao” kruac bung hồ lô di palei kruac bung Tân Triều (xã Tân Bình, huyện Vĩnh Cửu) brei thau: “Tuai oh huac buh tabiak dom triệu đồng piah blei cặp kruac bung hồ lô meyah nyu gheih, mekre. Kayua yau nan ye, oh njauk lac kruac bung hồ lô halei jeng pablei hu”. Sang bein tuk halei jeng brei sahneng duah piah ngak tabiak dom mẫu bahrau, gheih, mekre, saong brei pilih ruah, iek glang tani tanat piah ngak tabiak hu pandap yau hatai takre./.