Laneng hu ngak jeng jru  hu angan ieu janih jru lac địa long

Lambaok Cục khik ramik Y Dược meng kan ndom lac, bruk tacei pato menyum lanung haluk that daok duik piah dong iek ruak Covid-19 lac cagar veik ilamu, khopa học, meda ngak brei jhak pren yava, mbuan mertai lahik.

Tui y học cổ truyền, lanung haluk that daok duik brei hu chế biến, ngak njauk tui jalan piah neh tabiak độc tố, ký sinh trùng, mek hu tanut siam meng jeng jru anek lanung piah pandar dalam dom janih jru meng kan.

Nan ye bhap bini brei ngak njauk tui dom jalan pacang caga jit ruak di rajaei song mintri Y tế ba tabiak, ngak njauk 5 paka di Mintri Y tế, klauk vaccine ginup song brei daok paatah di gauk di bhum jit ruak. Abih di nyu lac caik hatai tal bruk hacih sa-at pandap mbang menyum, dok dang, bac daa, padei padeih, pasram rup pabhap paglong pren yava.

Piah khik hu siam mekre, bhap bini jhui eng drei blei, pandar jru tavao tui panuac yaih khan angaok mạng xã hội tuk bruk nan oh ka  hu pasang iek song oh ka hu brei adat  di jabat hu  thẩm quyền, piah plaih  "jien lahik , ruak daok"

Ngak cambaih jang ka khaw tin pandar laneng piah taong ruak Covid-19, Gru jru bhap bini  Đậu Xuân Cảnh, Akaok Hội Đông y Việt Nam brei thau, địa long lac laneng haluk, dalam gah ngak nong lac sa janih hu ngak jeng pandap mbang ka rong glang.

Dalam đông y, laneng hu ngak jeng jru  hu angan ieu janih jru lac địa long, pacang caga ruak handaoh rak, pandiak,  pasiam ruak handaoh rak dalam ruak hen phế quản, daong ka darah nduac hu siam jang, trun pandik cambaoh.

Ndom ka bruk taong ruak Covid-19 di địa long, urak ini oh ka hu sa roh duah halei atau sa bruk halei brei thau lac địa long taong hu ruak Covid-19.

Biak di nyu, địa long siam ka jalan suak yava. Dalam tuk ruak  Covid-19, urang ruak njauk viêm phổi, ngak ka phổi khang veik, ba tal kan suak yava saong patrun bão hòa oxy darah, oh njauk lac ruak kan suak yava yau  ruak hen suyễn. 

Kayua 2 janih ruak lac karei di gauk, nan ye jhui pandar địa long taong ruak Covid-19. Gam song nan, kayua diuk dalam haluk hu rilo vi khuẩn nan ye tuk luan drei laneng diuk tame, dom vi khuẩn ni nyu njom tame jalan tung pruac, ba tal dom ruak jalan tung pruac ka urang pandar

Urang lang: Jasi – 07/10