Angaok phun atau angaok baoh thanh long meyah hu dom vết lõm sambo mbong patih, hadei di nan nyu ndaong tagok jeng dom tanut gul  sambo màu nâu yau meta ring, meda lac baoh thanh long njom ruak đốm nâu paje. Kadha “urang ngak hamu caong thau” harei ini, hu daong ka mikva pacang caga ruak đốm nâu di phun thanh long.

Ruak đốm nâu njom mbak biak samar saong palai pajoa praong, meng phun tal baoh thanh long. Tuk bahrau tamuh ruak, angaok phun thanh long hu dom vết lõm sambo mbong patih, hadei di nan nyu ndaong tagok jeng dom tanut gul sambo màu nâu yau meta ring. Tuk lagaih, ruak tamuh biak khang, nyu ngak ka phun thanh long sần sùi, bruk, thu. Angaok baoh jeng dreih yau angaok phun, hu dom tanut ngak brei kanduh baoh sần sùi, bruk, thu. Ruak trak meda ngak sanam abih baoh nan ye pablei biak lap. Ruak tamuh tabiak, cakrok saong njom mbak biak samar meyah lingik ẩm ướt, ẩm độ không khí glaong, abih di nyu nan lac dalam bilan hajan meng bilan 5 tal bilan 11. Ruak tamuh tabiak saong palai pajoa khang jang di dom bein thanh long buh rilo khak đạm, pandar rilo jru pachreih phun praong samar. Ruak đốm nâu phun thanh long rilo meng njom mbak tapa dom jalan yau tapa hom pajaih, tapa phun ruak daok labaih veik. Atau kayua bimao nyu tamuh tabiak, njom mbak tui ngin, tui jalan ia nduac saong tapa dom sinh vật (yau  ốc sên, côn trùng).

Piah pacang caga ruak đốm nâu palai pajoa thanh long, mikva brei ngak hacih hareik hareim, cakak dhar ka bein laneng lahơi, haci hacih, oh caik ka bein kapan rilo, bhian tui iek bein, abih di nyu nan lac dom bein daok jaik bein ruak saong bein hajao siam, atau tuk mboh ẩm độ không khí glaong, oh pruh ia di tuk biar harei kayua pruh ia di tuk nan, mbuan ngak ka bimao ruak tamuh tabiak, plai pajoa. Oh pruh ia angaok dhar, cakak klaak dom dhar, dom baoh njauk ruak, pataom caik sa labik, lam haluk veik, proi cur tapung tagok am klaak, oh klaak baoh ruak, dhar ruak trun halau ia atau klaak di bein, buh khak ka nyu samu gauk, plaih buh rilo khak đạm, jhui pandar rilo jru pachreih phun praong samar tuk phun njauk ruak, buh rilo khak  lân, kali saong khak hữu cơ hoai mục, pabak khak hu hàm lượng canxi, magiê, silíc piah patagok pren pacang caga ruak ka phun

Mikva njauk caik hatai thau lac: Pandar pajaih hacih ruak jeng lac jalan patrun, patakik ruak, oh brei mek pajaih, kaoh mek dhar pagam meng dom labik njauk ruak atau oh thau cambaih asal di nyu, oh pajeng ba dhar, baoh njauk ruak meng labik hu ruak tapa labik karei.

Meda proi cur tapung pametai anek ruak angaok mbaok haluk meng 1 tal 2 tấn yaok ha.

Tuk mboh ruak đốm nâu bahrau tamuh tabiak, meda pandar jru khik caga phun pala piah pacang caga ruak tui tacei pato di urang jakar pachreih  nông./.