Brei peih pabah mbang ka lanieng lahei 

Akaok bilan 7, TPHCM gam gam hu urang njom bahrau COVID-19 dalam bhap bini,  abih di nyu nan lac di dom darak pasar  meng kan, darak pasar prong ..  labik hu rilo menuac pataom gauk, nao mai .

Dalam tuk dok peih bruk paatah di gauk tui sarak 16, piah khik hu siam mekre, salamat, Phó Giáo sư, Tiến sỹ Trần Đắc Phu hu panuac kakei bhap bini oh  nao darak pasar rilo mbang dalam adit, tok nao  2 mbang sa adit piah patrun patakik bruk njom mbak jit ruak; Tok nao darak pasar tuk kurang pandap mbang, blei dom janih pandap mbang huak yaok harei. Meng hu pandap panda tani tanat, yaok mbang nao, bhap bini meda blei ginup pandap mbang ka dom harei, tuk blei mai brei hu jalan khik ramik, pandar ka nyu lagaih. Piah blei hu ginup pandap khin blei, dahlau di tuk tabiak darak pasar, bhap bini njauk vak tabiak angan pandap khin blei, blei samar, juai daok lavik di dom labik mbuan si njom .

Chuyên gia Trần Đắc Phu mboh lac, bruk dom labik brei phiếu nao darak pasar 2 harei sa mbang, lac  "rilo", tok brei 2 mbang sa adit  lac mbiah. Gam hong nan, karja, Mban khik ramik dom darak pasar jeng brei rami ramik veik bruk  pablei pandap di dom urang pablei salih song bhap bini, tok brei pablei dom pandap ngak mbang huak, saong brei caik hatai dang atah  di gauk tuk taom gaok 2 urang; ramik jalan nao blei pandap tui sa gah, nan lac tame sa gah, tabiak sa gah. Dom labik hu dom jalan ngak piah khik paatah di gauk yau camin pacang atau pacang ni lông, pacang talei, cuk camin pacang mbaok tuk pablei pandap...

Bruk nao darak pasar brei, daok hu rilo labik ba tabiak ngak, lac sa jalan ngak gheih dong patrun njom mbak. Ong Nguyễn Văn Sinh – Akaok mban khik ramik darak pasar Xã Tây (quận 5) – brei thau, mban khik ramik drak pasa  hu khan brei thau laik phone, brei thau bruk  "nao darak pasar brei", angan dom urang pablei rilaow, ikan, boh menuk ada... tagok blah web di darak piah bhap bini thau Meng jalan ngak ni , tuk blei pandap, bhap bini tok ieu tame jalan talei pandiak di darak, ye darak brei menuac taduan phone, vak angan dom pandap kakei blei, blaoh brei menuac nao blei  ... hadei di nan ba nao tal sang  ka mik va dalam quận 5. Jien pandap mek meng tuai mai hu bayar veik ka urang pablei.

Dom hagait pambuak tal pandap blei nan yau ye: yaom kaom, urang pablei hu vak cambaih song mbaoh tara di darak pasar. Bhap bini meda pasang iek veik, atau tacei labik blei pandap, darak pasar abih drei daong ka tuai. Tui ong Sinh, jalan ngak ni hu mban khik ramik ba tabiak piah patrun menuac mai darak pasar, khik hu siam mekre salamat bruk pa-atah di gauk. Danak dak nao pasa brei taduan hu bruk dong di  phường, kapul dam dara dalam Quận./.

Urang lang: Hanipha- 12/8