Urak ini, suy giãn tĩnh mạch oh lac ruak di urang prong thun, urang ngak trak, bo ruak daok hu mboh di dom urang ranaih, urang takik vận động, urang labaih kilo saong bahrau di abih nan lac dom urang ngak bruk văn phòng… Hu dom urang kurang thau, bhian iek ruak tui jalan cambeih njiak darah, min jalan ngak ini oh siam lagaih. Kadha “Urang iek ruak” adit ini hu kadha vak di Trần Ngoan angaok harak báo sức khỏe saong đời sống tabiak jaik di ini.     

      Tui thạc sĩ, bác sĩ Lê Thanh Phong, Khoa Phẫu thuật Lồng ngực Mạch máu, Sang iek ruak Đại học Y Dược bal raya Hồ Chí Minh, ralo urang njauk ruak suy giãn tĩnh mạch pandar dom jalan điều trị sai lầm yau raih mek darah.

        Meng kan, jalan iek ruak giãn tĩnh mạch nan lac chích atau raih sa jalan sit angaok tĩnh mạch giãn ka darah nduac tabiak blaoh tapok catang. Abap 17, y học mboh lac jalan ngak ini suan, nyu oh ngak abih ruak bo daok hu mbuan hu laka, nhiễm trùng meng dom labik raih.

      Harei ini y học hu tiến bộ saong hu ralo jalan điều trị siam ruak giãn tĩnh mạch, jeng daok hu urang kayua kurang thau ka ruak ini nan ye raih, cambeih. Bác sĩ Phong ndom lac: "Jalan ngak ini oh hu hiệu quả dalam bruk iek ruak tĩnh mạch. Cagar veik, hadei di tuk raih cambeih saong njiak darah, dom tĩnh mạch giãn oh sit veik hu bo daok ngak brei pandik jang, mbuan pambak dom ruak truyền nhiễm karei saong lahik darah, ngak jeng huyết khối".

      Dom chuyên gia hu dom panuac kakei siam ka dom urang njauk ruak suy giãn tĩnh mạch yau ini:

-         Bhian vận động takai 

-         Angui cuk khan ao gap mbiah.

-         Juak takhaok gap takai.

-         Caik glaong takai tuk ndih.

-         Massage takai tuk ndih 

-         Palih ruah janih me-in thể thao lagaih.

-         Juai caik ka drei táo bón, labaih kilo

-         Pasang iek pren yava định kỳ./.