Rilo Dn , kapul nyaom , menuac urang mai dong pok jien piah blei Vac xin 

Paok jien kayua MT negar Viet Nam hu taduan rik daong ka bruk pacang caga Covid-19 meng dom kapol, nyaom urang piah blei vaccine. Bruk nan hu Phaok Thu tuong Lê Minh Khái ba tabiak hadei di tuk UBMT negar, Mentri Jien padai saong Mentri Y te pok panuac likau. Tui kuhria di Metri Y tế, Viet Nam njauk blei tame 150 trieu mbang vaccine pacang caga Covid-19 piah klauk caga ka labaih 75 trieu urang,  yaom abih tih labaih 25.200 tỷ đồng.

Di mbang ginum biai haong mban pato tacei pacang caga jit Covid-19 TP.HCM dah page ni (21/5), UBND ban raya ieu kakei ban Thủ Đức saong dom quận huyện brei padeih bruk pablei salih dom quan mbang sit di tapen jalan, tok brei pablei ba nao sang, meng maong 6 melam ni. UBND ban raya HCM jeng hu pato tacei brei padeih dom bruk ngak adat di agama, rija roya, padeih dom bruk pataom labaih 20 urang tagok dalam bilik, saong oh pataom labaih 30 urang di dom labik yau langiu sang bac, sang iek ruak. Dom phường xã bhain nao pasang iek oh brei pataom rilo menuac, dalam nan hu gam jalan nao takai Nguyễn Huệ atau Bùi Viện di Quận 1.

Sở Y tế tỉnh Đồng Nai brei thau, tukvak anak tal, tui kuhria mboh dahlau urang tame tỉnh Đồng Nai plaik jit labaih 4 ribau manuac; urang tame negar suan hukum meng 100 -150 urang. Dalam tuk nan mbiah tal ini, dalam tỉnh hu 5 labik brei daok karei daok ngak bruk ngan saong labaih 2 ribau laneng gaiy ndih. Kayua yau nan ye, Đồng Nai meda ba dom KTX di dom sang bac đại học, cao đẳng, THPT caga dom bruk njauk brei hu piah pabak sumu ka bruk pacang caga jit.

Dag page ni (21/5), Kiên Giang saong Cà Mau hu peih bruk brei ka cu tri di dom pulao saong dom kapul bol par phao kraong daok atah di baoh taneh hu pilih ruah dahlau. Ủy ban pilih ruah tỉnh Hậu Giang jeng hu brei ka dom kapul bol par phao kraong nao pilih ruah dahlau piah caga ka bruk khik iek an ninh trật tự dalam harei pilih ruah. Di dom labik buh phieu jeng hu rami ramik ginup pataik pacang mbaok saong ia pametai anek ruak. Abih tih dom adat ka bruk pacang caga jit ruak hu peih ngak biak catang. Dom kapul bol par phao kraong daok ngak bruk pasang iek di tasik hu pilih ruah aval piah ngak bruk di drei.

C.A tỉnh Bình Phước daok pasang iek taong abih dom danak dak điện ia harei tauk tabung sang tui jalan trang trại. Tui c.an tỉnh, dom danak dak dauk gah lakuh ngak harak likau salih taneh pala phun lavik thun tapa pala phun yaok thun, danak dak trang trại raong glang, pala njam patam… min oh pala raong phun hagit, bo brei padang dom got betong, got pasei, gheng pandok piah ngak pin năng lượng ia harei, hadei di nan mbaoh tangin pambuak bruk saong cong ty điện lực  piah pablei điện yaom lap.

Thủ tướng France Jean Castex brei thau, France meda jhul samar bruk klauk jru vaccine caga Covid-19 tuk brei adat ka taong abih urang mangaok 18 thun hu tut angan klauk vaccine meng harei 31/5, aval jang 2 adit dut saong jalan batabiak. Tui kuhria tal puac harei 20/5, jaik 22 triệu urang di France hu klauk takik di nyu sa mbang vaccine caga Covid-19, saong meng jalan ngak ini, negar France meda yam tapa bruk lac klauk ka 30 triệu urang di kreih bilan 6/2021. Meng mboh jit ruak daok hu siam veik, France brei pacadu dom pacang cakak meng harei 19/5, brei peih veik dom quan mbang di langiu langik, rạp chiếu phim, miuyim, min jeng daok brei takik menuac tame saong brei ngak njauk adat paatah di gauk.

Negar Anh birau peih sa bruk roh duah di dunya piah duah thau jru vaccine klauk mbang ka 3 hu salamat saong siam ka bruk pakhang prein yawa pacang jit Cobid-19 ha-oh. Brei peih ngak ngan saong 3 ribau urang halan hatian, bruk ngak iek brei pasang iek 7 janih vaccine pacang caga Covid-19 karei di gauk. Mentri Y tế Anh brei thau, dữ liệu meng bruk ngak iek ruak akaok meti di dunya ini meda daong brei thau ka danak dak klauk jru  di puac thun ini.

Jabat Vũ trụ Châu Âu (ESA) harei kabroi brei thau, tảng băng ndon praong abih di dunya, praong labaih 4.300 km vuông nyu talah tabiak saong tabiak truh thềm băng Rôn (Ronne) d[ Nam Cực. Dalam dom thun jaik di ni, bhum Nam Cực hu mboh bruk tagok biak samr di nền nhiệt trung bình, ba tal talah dom tảng băng. Min, gah chuyên gia ndom lac, bruk hu dom tảng băng lac sa binah di chu kỳ tự nhiên saong bruk tảng băng praong abih di dunya bahrau pacah tabiak oh njauk lac mai meng bruk biến đổi khí hậu./.

Urang lang: Thu Thảo -Ái Nghiêm- 21/5