Urang jhui iek lap ruak parin tangin nyu meda pagam tal ruak karei 

Tui bác sĩ Hoàng Thị Thanh Thúy, Phó trưởng khoa Thần kinh, sang iek ruak  Hữu nghị, bruk parin tangin meda mboh dalam  1 harei, 2 harei atau dui atah yaok adit, lac bruk brei thau di ruak glaow akaok, rak drah, talang talaih…

Makna ba tal parin tangin mboh biak rilo, dalam nan hu paran tangin kayua parin tangin cơ học song parin tangin kayua ruak .

Parin tangin cơ học hu bruk parin tangin hadei di tuk ngak dom bruk njauk pandar tangin rilo, ngak biak rilo, atau cakon non pandap trak rilo, pagap yau: urang ngak bruk lắp đặt điện tử, urang jhik pet...Tuk njauk parin tangin cơ học, brei padeih padei ye nyu siam veik.

Di urang daok ranaih, makna  parin tangin bhian gaok lac pandik rak bara, takuai, lac sa janih  parin tangin  cơ học. Ruak bhian mboh di urang peih radeih, urang ngak bruk văn phòng, dom bruk ngak  njauk dok la gam gam rilo tuk dalam harei  ngak ka  talang talaih nyu catang tagok. Tuk nan, talang nyu khang kateik tagok  dom rak drah  ba tal parin tangin.

Makna ngak brei parin tangin bhian gaok di abih kayua thoái hóa đốt sống takuai di urang likei song kamei, abih di nyu nan lac dom urang ruak lac urang kamei ngak bruk trak hadei di umo 30. Dom talang takuai thoái hóa nyu tamuh tabiak darui talang di  thân đốt, kateik tagok rak drah  ngak parin 2 gah tangin. Tuk nan, urang ruak lingiu di parin dok mboh cambaoh meng takuai trun bara song tangin biak kan daok. Meyah đĩa đệm thoát vị kateik tame tủy sống meda ba tal metai tangin takai tui bruk kateik tagok. Parin tangin dok meda pambuak tal metai rak  meyah urang ruak njauk chấn thương tủy sống, u tủy, viêm tủy, kan kandah tal bruk daok dang, nao mai, chất lượng rai duik trun biak rilo.

Dom makna karei trak jang nan lac parin tangin kayua ruak rak drah song glaow akaok, talang talaih . Dalam  nan, dom ruak  xơ vữa rak drah song sit rak drah hu dom tanut parin tangin karei di gauk, tui ruak trak atau njul. Urang ruak meda mboh pandik, parin tangin, meyah njauk paring tangin rilo, khut tangin tuk rak drah nyu gar .

Meyah parin tangin bahrau mboh hu, urang ruak njauk tui iek dom harei, padeih padei. Bruk parin tangin  nyu lahik nao hadei di tuk padeih padei, urang ruak oh cang nao iek ruak, tok ramik veik tukvak padeih padei song mbang huak, nao mai, ngak bruk ka nyu lagaih ... Meyah mboh parin tangin dak harei dak tagok, oh lahik hadei di tuk padeih padei saong mboh hu dom bruk karei yau teo cơ, pandik cambaoh, lamin tangin takai, urang ruak njauk nao iek ruak piah hu tacei pato song iek ruak chip kayua nan meda lac brei mboh dahlau di dom janih ruak trak  atau dom ruak pambuak pagam karei njauk duah thau song iek ruak samar klah caik veik di chứng ka harei hadei./.

Urang lang: Hanipha- 19/11