“Cửa hàng 0 đồng”

Baoh sang kathaot tukvak 2021-2015 lac baoh sang jien mek tame ala 2 trieu đồng sa urang sa bilan ngan saong bhum thành thị saong 1,5 triệu đồng sa urang sa bilan di bhum palei pala…Ini lac asar kadha praong di dự thảo sarak di Rajaei ka bruk ba tabiak tanut chuan kathaot rilo gah pakat negar tukvak 2021-2015, birau hu Mentri Lao động, Thương binh saong Xã hội pok tagok Rajaei. Tui harak pathau khan, hu dua tanut piah thau lac baoh sang kathaot, jaik kathaot saong baoh sang gap mbiah lac tanut jien mek tame saong tanut  kurang dịch vụ xã hội. Cambaic di nyu hu 12 tanut: dinh dưỡng, BHYT; ilamu bac megru di manuac praong; bruk nao bac da-a di uranaih; sang daok; sang praong sit kuhria raha tapa kaok manuac dalam sang; ia pandar; sang jamar; bruk pandar dịch vụ viễn thông; pandar thông tin; bruk ngak; urang pagam pambak tame baoh sang.

Pasak  Dịch vụ dong duah bruk ngak tỉnh Đồng Nai brei thau meng akaok thun tal ni, urang ngak dalam tỉnh tal ngak harak dong ba di pak ni  labaih 43.000 urang, tagok  30% dut song tuk vak ni thun  2019. Taeng dalam bilan  7-2020, hu labaih  7.000 urang ngak mai buh harak likau dong  jien thất nghiệp. Pasak  Dịch vụ dong duah bruk ngak  tỉnh Đồng Nai jeng brei thau dom bilan tal, urang ngak harak piah mbang jien oh hu bruk ngak meda tagok glong dut song dom bilan akaok thun. Tuk vak urak ni biak takik  công ty palih ruah urang ngak, bảo hiểm thất nghiệp jeng  phao daong prein, dong ka urang ngak lahik bruk ngak hu jien pandar cai.

Di tuk pahadar Harei negar 2/9, bruk nao mai di urang tagok glaong, Sở Jalan mbak pajeng ba Ban raya HCM birau hu harak văn bản tacei pato dom gah khik brei salamat ngaok jalan mbak hu lagaih… Abih di nyu lac, brei ngak catang dom jalan pacang caga jit tukvak birau hu Thủ tướng tacei pato; Công điện di Thủ tướng ka bruk pasiam veik , oh caik rah tabiak dom bala trak ngaok jalan mbak. Dom đơn vị brei pambuak bruk saong Sở, karja pelei, pambuak saong bruk pajeng ba tuai damuai, pandap panda di mblang kapal haok Tân Sơn Nhất, ga radaih apui  Sài Gòn, pabah lamnge Cát Lái… piah duh ka tuai damuai dalam tuk padei lễ.

Mintri pato megru hu Công văn ka 1620 tacei pato dom  bruk pandar cai dalam gah pato pakai thun bac  2019-2020; 2020-2021 song tacei ba bruk yaom kaom thun 2020. Min, tapa pasang iek tapak, tapa panuac brei thau di dom gah thông tin, jeng daok hu bruk lac dom tỉnh ban  , labik pato megru oh ka ngak catang tui bruk ba tabiak saong tacei pato di mintri. Kayua yau nan ye Mintri pato megru  hu panuac ieu  UBND dom tỉnh, ban di  Trung ương peih ngak; tacei pato UBND dom pakat, jabat khik ramik pato pakai dom pakat tacei ba dom labik pato pakai peih ngak siam dom bruk piah samar pasiam veik dom tavak tavaiy. Mintri pato megru hu panuac ieu langyah catang dom urang dang akaok labik pato pakai song bruk ngak di jabat khik ramik karja ka bruk pato pakai di pak nan caik rah tabiak bruk mek rilo jien jang adat ba tabiak. Oh brei pagam pambak, mek angan  mBan lambaok amaik ame anek saih piah pataom mek dom pok jien langiu tacei pato di Thông tư ka 55 harei y 22/11/2011 di mintri pato megru.

“ Cửa hàng 0 đồng” kayua Đại đức Thích Chơn Trí, pan akaok baha Hiếu Đức pambuak saong Ủy ban bhap bini xã Tân Hộ Cơ, huyện Tân Hồng, tỉnh Đồng Tháp peih nagk di xã taphia negar birau hu ba tame pandar, hu daong ka rilo urang sang kan kathaot di labik taphia negar dalam tuk jit Covid-19 rah tabiak dalam kan kandah. Ini jeng lac “Cửa hàng 0 đồng” camereip di huyện taphia negar Tân Hồng. “ Cửa hàng” peih abiak di harei adit yaok Adit. Yaok bilan, baha Hiếu Đức brei 100 blah phiếu, yaok blah phiếu sumu 200.000 đồng. Bhap bini ba phiếu tame cửa hàng piah blei dom janih pandap mbang menyum yaok harei dalam sang.

Tổng thống Donald Trump hu kadha vak ndom puac meng  Nhà Trắng hu taduan đề cử di đảng Cộng hòa di melam puac abih di nyaom roya song ni lac mbang ka 2  ong tabiak pakacah ngak Tổng thống Mỹ. Hadei di nyaom roya Dân chủ song Cộng hòa, 2 urang lac  Donald Trump song Joe Biden hu tuk vak jak ba tranh cử song hu 3 mbang  ndom nyai nao mai tapak tui kuhria rah tabiak  di harei  29/09, 15/10 song 22/10. Bruk tổng tuyển cử piah palih ruah urang halei jeng lac po Nhà Trắng dalam 4 thun tal  hu rah tabiak di harei 03/11.

Dalam mbang ginum biai biar harei 27/8, Thủ tướng Pháp Jean Castex taduan lac, jit Covid-19 daok  tagok veik. Rajaei negar ini dak angan  21 tỉnh di negar tame angan dom bhum virus daok pambak samar atau daokieu lac labik bhong meriak ka jit ruak Covid-19. Piah pamaong tal bruk pacang cakak hu jit Covid-19, negar Pháp meda peih ngak rilo jalan. Dalam nan, Rajaei Pháp hu padang dom jalan pacang cakak veik di dom pakat karei di gauk, piah caga bruk jhak di abih meda rah tabiak. Dalam nan, bruk pacang gilac veik hu caga blaoh, min Pháp kham merat ngak abih bruk piah plaih ngak veik bruk nan.

Tổng thống Nga Vladimir Putin brei thau,  janih vaccine ka 2 di negar ni  caga hu brei adat dalam bilan  9 thun ni. Urang pal akaok Nga jeng brei thau, janih vaccine ka 2 meda hu siam mekre samu song janih vaccine Sputnik V đhu brei adat dahlau di nan. Janih vaccine pacang Covid-19 ka 2 di Nga kayua Viện roh duah Vector patagok  song urang cong khin ba janih  vaccine pacang caga Covid-19 ni  tame ngak tabiak rilo meng bilan  11 thun ni, dahlau di tuk klauk  biak rilo dalam thun hadei ./.

Urang lang: Ái Nghiêm – Hani Pha – 29/08 08:39:07