Thủ tướng hu mong iek dom labik klauk jru 

Page harei 12/11, dalam mbang tangi sua – javap calei di mbang nyaom ka 2 QH mbang XV, Akok Mentri Jlan mbak pajeng ba Nguyễn Văn Thể langyah ka dua danak praong nan lac: Jalan cao tốc Bắc – Nam gah Timun saong mblang kapal haok Long Thành. Ong Thể taduan lac dut saong bruk ba tabiak, bruk padang ngak dua danak dak  praong di taneh ia daok suai. Daok mblang kapal haok Long Thành, Akok mentri brei thau, ta-eng bruk peih taneh, QH brei ka danak dak 22.000 tỉ đồng, jao Đồng Nai peih ngak meng thun 2018, tal harei ini jien buh tame peih taneh sumu 47%. Bruk suai damuai yau nan kayua bruk padang ngak labik tái định cư, bruk yaok kuhria, yaom, saong kan kandah di jit Covid -19. Bilan 3 thun 2022, kuhria brei ngak sumu dom paok thầu,  tal bilan 12 thun 2025 ngak salah vaktu ka 1 piah ba mblang kapal haok tame ngak bruk.

Pasak pasang iek ruak kik ban raya HCM bahrau tabiak mbaok kapul "đặc nhiệm" dut iek jit piah pasang iek bruk pacang caga jit di 22 quận, huyện haong ban Thủ Đức. Tuk dom labik hu sruh jit, kapul hu daong tapa phone, daok meyah dom quận, huyện padam jit oh hu, atau jit tamuh tabiak khang jang, kapul ini nao tal piah padam jit. Tuk camereip, kapul đặc nhiệm hu 8 kapul sit, yaok kapul sit hu 3 urang. Dalam 8 kapul sit ini hu 6 kapul iek gah bol bhap rahra, daok 2 kapul brei ka dom labik ngak kong.

Dalam 287 urang birau njom Covid-19 bo Sở Y tế tỉnh Bình Thuận brei thau di jalan pandiak 12/11, huyen kaoh pulao Phú Qúy hu 3 urang njom ruak dalam bhap bini. Yau nan, hadei di tukvak suai lavik pacang khik jit catang, Phú Qúy hu dom urang ruak akok meti. Tapa pasang iek duah thau, sa dalam dom urang njom ruak angaok nan bhian nao gaiy ikan meng kaoh pulao tal tapen ikan Cà Ná, tỉnh Ninh Thuận piah pablei pandap. UB bhap bini huyen pulao Phú Quý brei thau chip tuk hu thau ka bruk nan, mban tacei jalan pacang caga jit di huyen ginum biai samar drah. Urak ini, pandap panda y te di kaoh pulao daok kurang saong gaok rilo kan kandah, nan ye taong abih urang nao tal pulao kaoh brei hu test samar mboh lac am tinh.

Pasak Y tế huyện Tri Tôn, tinh An Giang bahrau peih bruk klauk vaccine caga COVID-19 ka 750 anek saih dom tal bac 11 saong 12. Tal tukvak ini, An Giang hu 2 huyện Tri Tôn haong Châu Thành klauk hu 5.806 mbang vaccine ka anek saih di dom sang bac THPT. Sở Y tế tỉnh daok kuhria klauk caga COVID-19 ka 200.000 uranaih umo meng 12 tal 17 thun daok dalam tỉnh, kuhria gam dom adei daok tạm trú di dom sang, dom nhà trọ, uranaih nao ban glai ban klo, oh daok nao bac.

Anak bruk urang njom ruak Covid-19 tagok gam gam dalam bhap bini, UB bhap bini tỉnh Tây Ninh hu tacei pato dom puk palei patagok bruk pasang iek, brei daok karei menuac mbuan njom ruak glong mai meng labik hu jit tui tacei pato di Mentri Y tế. Dalam nan, urang brei klauk jru vaccine pacang Covid-19 atau hu dhit ruak Covid-19 dalam 6 bilan brei tui iek prein yawa di sang, labik daok dalam 7 harei meng harei mai palei. Urang oh ka klauk jru vaccine brei pa-atah 14 harei, patui iek prein yawa dalam 14 harei hadei di nan, brei dut iek ruak di harei akok meti, harei ka 7 saong harei ka 14 kuhria meng harei mai palei.

COVID-19 daok mai veik châu Âu ngak ka dom jabat khik ramik saong Gah Y tế Dunya (WHO) daok duh hatai khang. Tui WHO, dom menuac metai kayua COVID-19 adit blaoh tagok 10% di châu Âu. WHO hu panuac lac, meyah rajaei dom taneh ia oh samar ngak piah pacang cakak virus njaom mbak, châu Âu meda hu gac 500.000 menuac metai di bilan 2/2022. Ta-eng Tây Ban Nha lac labik hadah takik hu di châu Âu. Dom menuac njaom ruak di taneh ia ini jeng biar kuhria meng bilan 9.

Jabat khik iek jit ruak Hàn Quốc brei thau, harei 11/11, taneh ia ini hu 2.520 urang birau njom COVID-19, urang metai jeng tagok rilo. Jabat pacang jit mboh lac mbang jit ka 4 dui atah, siam lagaih di bruk klauk jru pacang ruak dak harei dak trun. Hàn Quốc daok peih bruk klauk jru pabak ka urang ngak bruk saong daok dalam dom labik điều dưỡng. Piah caga ka mbang pakacah tame đại học thun 2022 di harei 18/11 anak tal, taong abih dom sang bac THPT di Hàn Quốc salih tapa bruk pato online./.

Noel thun 2021 jaik tal min gah ngak kong ong taha Noel daok kurang menuac ngak biak rilo di Mỹ kayua kan kandah di jit COVID-19. Dom urang likei praong thun, trak kilo ngak ong taha Noel huac gaok ruak kik tuk brei ngak bruk haong dom tuai oh krein, oh bhian randap. Tapa nan nyu ngak ka thun ini rilo cty gaok kan kandah dalam bruk duah ong taha Noel. Kurang menuac piah ngak ong taha Noel, nan ye dom ong taha Noel ndok bayar jien bilan glaong jang meng 10-25%./.

Urang lang: Mousaphuong- Ái Nghiêm -13/11