Ban sit Tân An brei pa-atah di gauk tui Sarak 15 meng harei ini mbiah tal tuk hu panuac khan birau

Mentri Y te jala pandiak harei 2/6 brei thau, hu 50 urang dương tính, dalam nan hu 48 urang dalam negar di Bắc Giang, Bắc Ninh, Đà Nẵng saong 2 urang tame negar hu brei daok karei chip. Yau nan, meng page tal jala pandiak, Mentri Y te brei thau hu 101 urang njom mbak. Abih tih urang njom Covid-19 dalam bhap bini meng harei 27/4 mbiah tal ini lac 4.597, di 37 tinh, ban.

Pasak pasang iek ruak kik TPHCM brei thau, dalam dah page ni, bal raya hu 23 urang medil njom ruak, rilo abih lac di quận Gò Vấp 7 urang. Kuhria meng harei 26/5, babn raya hu 219 urang njom bahrau (hu mintri y te khan brei thau) pambuak tal sruh jit di labik kapul truyền giáo Phục Hưng. Urak ni quận Gò Vấp lac labik hu manuac njom ruak glaong abih di ban raya HCM, ngan haong 11 dalam 16 phường hu urang njom ruak saong dom manuac njom ka oh mboh trun. Bier harei ni, urang ruak 5463", umo 37 thun, anek kamei di po quan pablei pandap mbang O Thanh di quận 3, metai kayua suy thận mạn tukvak puac saong viem phổi kayua Covid-19.

Ban sit Tân An, Đức Hòa, Bến Lức, Cần Đước saong Cần Giuộc brei pa-atah di gauk tui Sarak 15 meng harei ini mbiah tal tuk hu panuac khan birau. Bruk nan hu ba tabiak hadei tuk tỉnh Long An hu 8 urang njom Covid-19 dalam 5 harei. Tui UB bhap bini tỉnh Long An, 5 bhum palei brei pa-atah di gauk nan hu labaih 1 trieu menuac, pataom ralo di khu, cụm cong nghiep saong labik jiak TPHCM. Tỉnh jeng brei padeih dom sruh radaih peih yaok harei, radaih buyt, radaih hop dong nao mai dom huyen nan langiu di radaih pajeng urang ngak.

Dah page ni, UBND ban Dĩ An, tỉnh Bình Dương brei thau hu pacang cakak rilo labik di phường Tân Bình kayua pambuak tal urang njom Covid-19 di TPHCM. Tui nan, pacang manieng di khu phố Tân Phước, khu phố Tân Phú 2 ngan haong 635 sang rahra, jalan praong Bùi Thị Xuân meng canah 4 Bình Trị tal jalan Bùi Thị Xuân saong Nguyễn Thị Tươi. Tal urak ni tinh duah hu 46 urang lac F1; daok pataom pasang iek duah F2, F3 piah ba nao daok karei tui adat.

Hiep hoi Gilai ikan tỉnh Kiên Giang page ini hu alin brei 20.000 blah pataih pacang pabah saong 500 kalaok ia jru sát khuẩn ka Bộ Tư lệnh Bhum 5 Hải quân piah pacang caga jit Covid-19. Meng akok bilan 5, Bộ Tư lệnh Bhum 5 Hải quân brei 4 gilai ngan saong yaok rituh urang jakar, urang lin pabak ka Bộ đội Biên phòng dom tỉnh Kiên Giang, Cà Mau saong Bạc Liêu piah pasang iek, pacang caga bruk tame negar suan hukum di bhum tasik Tây Nam. Urang jakar, urang lin pak nan kham pathau khan hukum, dom jalan pacang caga jit ka urang nao tasik.

Ngoại trưởng Mỹ Antony Blinken brei thau dalam dua adit tal Mỹ meda brei thau jalan parabha 80 triệu mbang vaccine Covid-19 di dunya. Dahlau di nan, Tổng thống Joe Biden hu panuac lac Mỹ meda payua takik di nyu 20 triệu mbang vaccine Pfizer, Moderna, Johnson&Johnson saong labaih 60 triệu mbang AstraZeneca ka dom negar karei. Kanja Mỹ daok pandik akaok dalam bruk parabha vaccine Covid-19 piah patrun bruk tamuh tabiak jit ruak di Ấn Độ saong Brazil – lac labik ratabiak dom biến thể virus corona bahrau mbuan njom mbak saong ngak patrun prein pacang ruak di dom janih jru urak ini daok hu.

Thủ tướng Malaysia Muhyiddin Yassin birau brei thau paok jien daong gah kinh tế birau jaik 9,66 tỷ USD piah daong ka bhap bini dalam tuk taneh ia ini daok peih bruk pacang cakak abih labik meng ini tal harei 14/6. Langiu paok jien daong nan, taong abih akaok mentri saong thứ trưởng dalam rajaei meda oh taduan jien bilaan dalam 3 bilan, meng bian 6 saong jien nan hu payua tal Kadung jien Uỷ thác daong ka urang gaok bala meng langik tasik piah bayar ka dom jien buh tame kayua jit Covid-19.

Harei 2/6, 11 negar dalam Hiệp định pambuak bruk abih gah saong siam mekre tapa Thái Bình Dương (CPTPP) njauk gauk piah ka negar Anh peih bruk duah jalan tame Hiệp định pambuak bruk abih gah saong siam mekre tapa Thái Bình Dương. Tui Thủ tướng Anh Boris Johnson, bruk Anh jeng negar dalam kapul di Hiệp định pambuak bruk abih gah saong siam mekre tapa Thái Bình Dương meda brei mboh cambaih lac "sa thun hadei di tuk tabiak truh EU, Anh daok padang ngak dom talei pambuak bruk bahrau ". Hiệp định pambuak bruk abih gah saong siam mekre tapa Thái Bình Dương yah klaak 95% jien je di 11 negar dalam kapul urak ni, lac Nhật Bản, Canada, Úc, Việt Nam, New Zealand, Singapore, Mexico, Peru, Brunei, Chile saong Malaysia./.

Urang lang: Thu Thảo – Ái Nghiêm – 02/06 15:49:26