Uranaih hu klauk jru pacang caga rilo janih ruak 

Pasak pasang iek ruak kik TPHCM (ieu katut lac HCDC) brei thau, 11 harei tapa oh hu urang njaom bahrau dalam bhap bini. Jaik 1 adit tapa, TP hu mek 8.211 mẫu dut iek di mblang kapal haoh, mblang radaih, dalam nan hu 8.055 mẫu âm tính. HCDC jeng brei thau, tapa dut iek mbang ka 3 ka taong abih urang ngak di Cty bruk ngak angaok mbaok haluk di Cảng pajeng ba jalan kapal haoh Tân Sơn Nhất jeng mboh lac âm tính saong daok mek mẫu dut iek tui adat dom urang dalam dom kapul par pakat dunya hu daok padeih di ban raya; peih bruk dut iek urang ruak Covid-19 hadei di tuk tabiak truh sang iek ruak, urang brei daok pa-atah di labik praong, urang hadei di tuk brei daok pa-atah mai daok di ban raya.

Anak bruk njom jit COVID-19 daok rahtabiak sarau kadhau, piah patui jalan lang talaih dom kan kandah ka doanh nghiệp, Mintri jien padai hu harak payua tagok rajaei brei padang ngak sarak kadun tukvak kak je saong jien pah taneh. Mintri jien padai likau lac, thun 2021 kadun tukvak 5 bilan yau haong jien je giá trị gia tăng, 3 bilan ngan haong jien mek tame di doanh nghiệp. Mintri jien padai jeng hu likau kadun tukvak ngan haong paok jien pah taneh njauk nộp dalam tukvak akaok thun 2021 di doanh nghiệp, kapul, sang pablei salih, urang dalam angan hu trun jien, kadun tukvak buh jien je giá trị gia tăng, jien je yau haong jien bilan ngan haong paok jien je tamuh tabiak veik njauk kak dalam thun 2021 di baoh sang pablei salih, urang pablei salih ngak bruk dalam gah kinh tế, gah hu kadun tukvak. Abih tih jien tui kuhria hu padeih, kadun tukvak kak je tui panuac caong ni tui kuhria lac labaih 115.000 tỷ đồng.

Piah patui bruk daong ka tuai di drei lac doanh nghiệp saong menuac urang patrun kan kandah, yam tapa jit praong, Gilang pariak Vietcombank brei trun yaom jien laba ka taong abih pok jien sraiy daok tavak saong jien sraiy bahrau di tuai dalam vaktu 3 bilan, meng harei 22/02 tal harei 22/05/2021.  Tui nan, Vietcombank trun 10% yaom jien laba bayar ka gilang pariak ka dom tuai gaok kan kandah khang kayua jit COVID-19; trun 5% yaom jien laba njauk bayar ka gilang pariak ka dom tuai daok veik gaok kan kandah kayua jit COVID-19. Daok dom tuai karei, trun jien laba 0,2% sa thun ka pok jien mesraiy ngak mbang dahlau di tuk gaok kan kandah kayua jit praong COVID-19.

Jit Covid-19 ngak ka menuac uang huac daok jeng labik pandiak ka tin ja di mangaok mạng xã hội rilo harei ni mai. Công an rilo tỉnh yau ye Lâm Đồng, Thái Nguyên, Vĩnh Phúc, Tiền Giang, Khánh Hoà,…  hu ieu rilo manuac pambuak tal bruk ba tabiak harak ja ka bruk brei ka anek saih nao bac hadei di tuk Tết Nguyên đán – tuk hu tal labaih 50 tỉnh, ban tabiak harak brei ka anek saih, sinh viên padeih bruk nao tal sang bac, piah pacang caga jit ruak. Lingiu di nan, daok hu khau tin ja ka bruk pato tacei pacanf caga jit Covid-19 jeng hu dom tài khoản Facebook ba tagok, chia sẻ.

Mesup ini (22/2), 1  talei ki ốt, daok di khu phố Hòa Lân 2, phường Thuận Giao, ban sit Thuận An njauk pui mbang. Bhap bini mboh khuah, samar mek bình padam pui piah padam, min oh jeng. Pui samar khuah tapa 4 ki ốt haong 1 labik pablei kayau daok taphia nan. Taduan hu panuac khan, gah pacang khuah, padam khuah ban sit Thuận An haong gah padam khuah tỉnh Bình Dương ba 6 radaih padam pui haong 50 urang jakar, urang lin nao tal labik khuah piah padam pui. Di labik khuah, sauk par glaong, dang atah 10km jeng maong mboh, biak patuah lac oh hu urang halei njauk hagait. Yaok pluh sang daok jaik taphia labik khuah haong urang ngak daok di dom talei sang trọ  kham merat ba drap ar hu yaom glaong tabiak atah di labik khuah./.

Dah page ni (22/2), Mintri Y tế Campuchia khan lac hu 35 urang njom Covid-19 bahrau, dalam nan hu 31 urang njom dalam rahra saong 4 urang meng negar lingiu tame. Hadei di tuk brei thau lac tamuh jit njom mbak COVID-19 dalam rahra di harei 20/02 meng blaoh, Campuchia rahtapa 3 harei gam, yaok harei hu yaok ribau urang dương tính haong Covid-19. Abih tih urang ruak di mbang njom ruak dalam rahra di mbang ni tagok tal 78 urang. Dom labik di ban ine Phnom Penh daok njauk pacang cakak. Campuchia urak ni hu brei ka dom sang bac padeih rok anek saih nao tal sang bac saong daok brei kreik pabah mbang dom quán bar, vũ trường, quán bia… oh thau harei halei hu peih veik.

Harei ini, Australia brei peih danak dak klauk vaccine caga Coivd-19 ka bhap bini saong urang negar lingiu daok di taneh ia ini. Australia caong lac tal bilan 10 tal meda ngak salah bruk klauk vaccine piah taneh ia meda yam tagok dalam bruk kham merat palahik jit Covid-19.  Australia hu kakei blei abih tih labaih 150 triệu mbang vaccine caga Covid-19 di dom hãng Pfizer, AstraZeneca, Novavax saong meng danak dak klauk caga COVAX.

Ixraen harei kabroi brei kreik abih dom mblang tasik Địa Trung Hải di negar ni tal tuk halei hu pathau khan bahrau. Sarak ni hu ba tabiak hadei di tuk rahtabiak bruk sraiy menyek ngak ka dom urang ngak praong di Ixraen ieu ni lac sa dalam dom bala langik tasik praong abih rahtabiak di negar ni. Mintri khik caga alam Ixraen kuhria mboh lac hu takik di abih 1 ribau tấn hắc ín, kayua manyeik sraiy tabiak meng sa sruh gilai di gah timur Địa Trung Hải akaok bilan ni, theik tame takai tasik.Yaok ribau urang halain hatain daok nao tal dom takai tasik piah pataom mek hắc ín. Bol lin Ixraen jeng brei yaok ribau urang lin nao tal piah daong ka bruk ngak hacih saat mblang tasik./.

Urang lang: Thu Thảo -Mousaphuong -22/2