Ngak tui jalan ““caga ruak siam jang iek ruak”,  pasak hu padang jalan pacang cakak jit ruak, brei urang jakar bhian tui iek kajap saong pathau khan chip bruk jit ruak tui yaok xã, phường. Dom kapul pacang cakak jit tuk halei jeng hu mbaok, hu ginup jru iek ruak,jamriak, pandap panda pabak ka bruk pacang cakak jit. Pasak hu pambuak bruk khang kajap saong pasak y tế dự phòng tỉnh tui iek vec-tơ pambak ruak piah mboh dom ca ruak medil njom cúm A (H1N1, H5N6, H7N9), virus Zika; patagok dom jalan pacang cakak jit ruak thủy đậu, tangin takai cambuai, pandiak tabiak drah…. Taphia di nan, pasak patagok bruk tacei pato dom blai y tế xã, phường jhul pakhang bruk pathau khan tapak, rivang baoh sang saong patagok bruk pathau khan angaok dom phương tiện thông tin đại chúng piah salih barau akaok saneng di bhap bini ka bruk pacang cakak jit ruak.

Pasak hu daong ka urang jakar y tế nao bac megru paglaong ilamu, abih di nyu nan lac pato megru hadei đại học saong dom chuyên khoa cận lâm sang. Urak ini, pasak hu 204 urang jakar, viên chức y tế; dalam nan tuyến thành phố 88 biên chế, hu 4 bác sĩ chuyên khoa pakat I, 16 bác sĩ đa khoa, daok veik lac urang jakar, viên chức, y sĩ saong điều dưỡng ilamu meng trung cấp tagok. Nao gam saong bruk patagok nguồn nhân lực, pasak jeng hu tỉnh, ban pabak brei ralo thiết bị barau duh ka bruk iek ruak pak di tuyến xã; 15/16 blai Y tế xã, phường mek hu chuẩn pakat negar tui tiêu chí barau. Định kỳ hu brei bác sĩ salih gauk mai iek ruak 2 var sa adit di 8 blai Y tế lac: Thành Hải, Phước Mỹ, Phủ Hà, Đạo Long, Mỹ Hải, Mỹ Bình; eng 2 phường Mỹ Đông saong Đông Hải 2 harei dalam sa adit piah patrun tải ka tuyến angaok saong daong ka urang ruak dalam bruk iek ruak, abih di nyu nan lac dom ruak gah tim mạch saong me-ik saradang. Dom danak dak y tế dự phòng hu peih ngak samu gauk saong hu kein lagaih meng pasak tal dom xã, phường, daong ka bhap bini hu kein lagaih.

Pasak daok sangka tal bruk pabak y đức tapa bruk peih dom tal pato megru ilamu ndom puac, taom gaok hong urang ruak saong gauk gar urang ruak ka urang jakar, viên chức y tế. Yaok adit họp Hội đồng bệnh nhân, caik hatai tui pang, salih barau bruk ngak harak gar hành chính, patrun cuang kandah, patakik tukvak cang ka urang ruak… Meng salih barau bruk ndom puac, daok dang saong chất lượng iek ruak, nan ye dalam thun bloh, abih tih urang ruak mai iek ruak tuk camereip di dom đơn vị trực thuộc hu labaih 111.200 mbang urang, ralo jang 44% di tuyến ban praong saong 4% di tuyến xã, phường; chất lượng dịch vụ hu pabak tui hatai caong.  

Bác  sĩ chuyên  khoa 1  Trần Thanh Truyền, Phaok Giám đốc pasak brei thau: Meng kham merat abih drei dalam bruk chuyên môn, pataom iek veik bruk pakacah gauk di gah y tế tỉnh , pasak y tế ban Phan Rang hadah mbaok taduan hu Cờ thi đua di Ủy ban bhap bini tỉnh; 10 urang hu Ủy ban bhap bini tỉnh alin Bằng khen saong 7 kapul nyaom, 18 urang hu  Sở Y tế alin Giấy khen kayua hu thành tích xuất sắc dalam bruk kuhria caga saong iek glang pren yava bhap bini.

Patagok dom bruk ngak hu, dalam thun 2017, bruk daok pamaong tal di pasak y tế ban Phan Rang lac patui salih barau saong paglaong chất lượng iek ruak tuk camereip, duh siam bruk iek ruak di bhap bini; peih ngak hu kein lagaih bruk y tế dự phòng, oh caik rah tabiak jit ruak nguy hiểm; patagok mạng lưới y tế tuyến cơ sở; patui jalan paglaong akaok saneng, thái độ phục vụ di kapul urang jakar, y bác sĩ, pachreih ralo urang ruak mai iek ruak./.