Tui bruk kuhria di Mentri Pato - Megru, mbang pakacah Trung học phổ thông pakat negar thun 2017 taong abih tih dalam negar drei hu labaih 650 riabu anek saih tut angan pakacah tamat phổ thông gam palih ruah tame đại học, cao đẳng. Blah web gah Mentri Pato– Megru hu taduan  labaih 2,5 triệu  mbang tut angan brei palih ruah. Yau nan,  yaok sa urang brei tut angan palih ruah 4 sang bac. Jaik 10% anek saih tut angan palih ruak sa sang bac. Tapa nan brei mboh anek saih sahaneng kuhria rilo tuk tut angan palih ruah sang bac, nganh bac. Yau nan min, tui quy chế, hadei dom sang bac đại học brei thau điểm palih ruah gam tame, meng harei ini 15/7,  anek saih hu rilo tukvak piah salih veik bruk palih ruah dahlau nan. Ong Hà Hữu Phúc, Giám đốc Jabat lambaok di Mentri Pato megru di Bna raya Ho Chi Minh lac:

“ Thun ini, bruk palih ruah hu rilo salih birau. Meng bruk ba mbuan lagaih ka dom anek saih tut angan palih ruah tuk camereip, hadei pakacah hu điểm blaoh dom adei hu brei salih veik bruk palih ruah di drei. Ini lac bruk salih birau biak lagaih ka anek saih.”

Thun ini, anek saih hu 2 jalan brei ngak piah salih veik bruk palih ruah di drei. Brei salih tapa trực tuyến meng harei 15/7 tal 17 tuk harei 21/7. Ngan saong jalan ngak ini, anek saih brei salih bruk palih ruah sumu atau takik jang bruk palih ruah hu tut angan di bilan 4 tapa. Langiu di nan, anek saih meda brei pabak bruk palih ruah  meng phiếu saong payua tame labik taduan hồ sơ tut meng harei 15/7 tal 17 tuk harei 23 bilan7. Yaok sa nguyen vong pabak tame, anek saih abih 30 ribau đồng. Tui urang hu rilo thun ngak bruk pakacah, ong Nguyen Tiến Đạt, pho akok  Sở pato megru Ban rya HCM kakei dom anek saih di dom ban raya brei pandar tapa cong nghe thong tin dalam tuk pasiam palih veik klak chung suan, kurang baloh palai damen:

“Khol dahlak pachreih anek saih salih veik bruk palih ruah tapa trực tuyến. Anek saih brei eng drei pasalih bruk palih ruah tapa nan daong njol bruk ngak  ka dom sang bac, jeng yau brei ka bruk palih ruah njauk jang. Drei ngak drei tuk halei jeng mboh sahanang hatai jang.”

          Kayua yaok anek saih brei pasalih sa mbang min yau nan ye tui amuk Trần Thị Bồng Lai, Trưởng Jabat lambaok  Hiệp hội Dom sang bac  đại học saong cao đẳng Việt Nam di Bna raya Hồ Chí Minh, bruk duah thau tanut gam tame dom sang bac, nganh bac dom thun dahlau nan lac bruk praong. Hu thau piah dut iek, gam bruk tacei pato, kuhria dahlau, daong ka anek saih mbuan palih ruah. Amuk Trần Thị Bồng Lai kakei lac:

          “Dom adei brei sahaneng cambaic saong dauh thau tani tanat. Oh lac duah thau tapa dom mbang peih bruk langyah palih ruah bo daok iek tapa internet jeng yau dom sang bac đại học. Dom adei iek drei lagaih bac hagait , raidiuk drei yau halei piah palih ruah sang bac lagaih saong drei.”

Bruk brei palih ruak sang bac halei dahlau atau hadei  dalam ba-ar tut angan dom anek saih brei caik hatai. Thun ini, anek saih tut angan  “ n” nguyen vong min tal tuk hu gam tame nguyen vong akaok meti, ye dom nguyen vong daok veik brei padeih palih ruah.        Langiu di nan, kayua dom sang bac palih ruak tame tui taut điểm meng glaong tal biar yau nan ye palih ruah nguyen vong dalam sa blah phieu yau gauk. Yau nan ye, bruk brei palih ruak dahlau sang bac khin gam tame dahlau, tui urang lambaok rilo sang bac đại học kakei lac, anek saih brei palih ruah sang bac atau nganh bac drei khin tame bac abih tagok dahlau. Tiến sĩ Nguyễn Quốc Anh, Phó akaok sang bac  Đại học Công nghệ Ban raya Hồ Chí Minh kakei anek saih:

“ Thun ini, Mentri Pato megru daong anek saih yau nan dom adei brei palih ruah sang bac. Yau nan ye, dom adei brei palih ruah sang bac tui nguyen vong drei takre. Kadua, dahlak kakei dom adei juai klak bruk palih ruah dalam tuk salih veik. Meyah khin brei pabak veik bruk palih ruah.”

Salih bruk palih ruah, pabak nganh bac, sang bac hadei thau tut điểm pakacah blaoh sahaneng lac  bruk nan mbuan min tui dom urang gah pato pakai, meyah oh duah thau ka cambaic , tantu ye anek saih mbuan lahik nganh bac takre di drei kayau bruk palih ruah brei dang dahlau atau hadei oh lagaih./.