Pasiam bruk kurang pandap mbang ka pabe, pabo bilan pandiak thu

Pandiak khang ngak ka phun pala thu laga saong pabe, pabo, limo oh ginup pandap mbang meng mblang hareik. Yau nan ye, urang raong glang di Bắc Sơn, huyện Thuận Bắc (Ninh Thuận) hu duah tabiak dom jalan ngak, da a mikva saong taong abih gauk yut  duah thau : 

Kayua oh hu ia pruh nan ye bhapbini oh pala hu hareik piah pabak pandap mbang tuk njauk brei mbang. Piah pasiam bruk ini, dom sang di Bắc Sơn hu blei haleik tổng hợp mai ka tapol athur mbang pabak, piah trun takik bruk athur kurang ia menyum, lavang lavaih ba tal jit ruak. Saai  Mang Hữu Hùng daok di xã Bắc Sơn, huyện Thuận Bắc brei thau : Dahlau daih, tame bilan thu lagu, kurang mbang, tapol pabo bhian lavang lavaih, abih pren yava bloh metai. Meng tuk drei blei haleik tồng hợp mai ka pabo mbang, tapol pabo praong siam, khang pren yava piah pacang ruak, oh daok khat lahik yau dahlau daih. Urak ini, rilo urang daok ngak tui jalan ini ba mai kein laba glaong”.

-Bilan pandiak thu, mikva njauk pabak pandap mbang, ba tapol athur nao tal bhum hu ia. Saong bruk praong lac hu jalan pataom mek, chế biến saong caga piah pandap klaak labaih hadei di tuk paik yuak piah ngak pandap mbang ka athur. Lingiu di nan, njauk klauk jru caga dom janih ruak yau : saluah cambuai tapaok kakauk, tụ huyết trùng di tapol limo, pabe, pabo.

-Pathau mikva ! Ruak saluah cambuai tapaok pakau di tapol athur oh ka hu jru pasiam ruak, yau nan ye mikva njauk caik hatai iek glang, brei mbang pandap mbang limin mbuan ralai, pabak vitamin, điện giải, dom jru pabak pren yava.

-Bilan pandiak thu, jeng mbuan hu ruak tụ huyết trùng di tapol athur. Yau nan ye mikva njauk caik hatai klauk vacxin tụ huyết trùng ka kubao, limo; bhian pruh jru pametai anek ruak, ngak hacih alam moi truong saong an toàn sinh học dalam raong glang; bhian puh ramik, rao var raong, pataom khak, hareik, ủ khak nhiệt sinh học piah pametai anek ruak./.