Lihik ndih ngak glaih glar tal bruk hit ngak mbang, ngak jhak tal pren yava

Urak ni, oh lac urang praong thun bo dom urang ranaih umo jeng bhian njauk ruak ndih oh hu. Ndih oh hu nyu ngak glaih glar tal bruk ngak mbang, ngak huak yaok harei, ngak jhak tal pren yava. Bruk njauk biai nan lac, iek ruak oh ndih hu lac bruk oh mbuan, rilo urang menyum ginup jru  Đông – Tây y bo oh ndih hu . 

Jalan iek ruak mbuan di abih:

Kol hulin likau khan sa janih jru biak mbuan ngak min ba mai siam lagaih dalam bruk iek ruak ndik oh hu. Meyah hu tukvak, urang ruak njauk ngak pabak dom bruk yau daok la thiền, tram takai dahlau di tuk nao ndih, tantu nyu ngak ka drei ndih bingi.

Jru iek ruak lihik ndih meng laya

Nguyên liệu: Laya that sa akaok prong atau sit tui urang mbang hang rilo atau takik

Saradang phèn: mbiah ginup ka meteh lit ia     

Jalan ngak: Brei liya tame ia liar ( labaih 600 ml, ka sa mbang menyum) raik ka nyu jaru, hadei di tuk ia jaru caik saradang tame, bloh caik apui sit labaih 15 minite lac jeng.      

Tuk vak menyum: Menyum di tuk jala pandiak atau beir harei piah hu siam  tuk nao ndih.          

Njauk caik hatai thau lac: Menyum harei halei ngak harei nan meng siam. Oh lac urang oh ndih hu meng menyum hu, bo urang halei khin ndih bingi jeng meda menyum hu.

Camereip tuk lihik ndih rilo, meda menyum sa lít ia saradang liya. Hadei di sa tukvak mboh ruak cadu, meda trun daok meteh lit sa harei, bloh harei padeih harei menyum meteh lit.

Dom jalan dong pabak ka jru lihik ndih

Sa harei daok la thiền sa tuk

Dahlau di tuk nao ndik tram takai meng ia liya pandiak, atau ia sara pandiak./.