Labaih 10 thun dahlau, sahaneng lac bhum taneh tapen tasik gah meraong meng Phan Thiết tame La Gi meda jeng “Mũi Né ka 2” hadei di tuk rilo gah đầu tư mai ini ngak du lịch. Min bloh rilo dự án oh ngak hu kayua quy hoạch padang ngak dự án cảng Kê Gà. Tmeng thun 2013, Thủ tướng Rajaei klak quy hoạch ini kayua mboh oh kein laba hagait.

Hadei di tuk bhum taneh ameh rah tui takai tasik Kê Gà, huyện Hàm Thuận Nam hu talaih talei kak, rilo urang đầu tư ba gauk mai veik. Labik du lịch Biển Đá Vàng di Công ty Ý Ngọc hu maong lac dự án nao dahlau. Meng bilan 3 thun bloh, dự án ini hu padang ngak pak di labik maong tabiak đảo Kê Gà di angaok taneh praong jaik 5,4 héc-ta saong yaom phun jien abih tih 65 tỷ đồng. Sa binah di dự án caik ka janih dã ngoại hu peih tabiak. Ong Nguyễn Văn Tuấn, lambaok gah đầu tư Khu du lịch Biển Đá Vàng brei thau lac daok jhul samar bruk ngak ka mbang 2: “Urak ini kol dahlak daok ngak ka nyu salah dom bruk yau hồ bơi, bilik ndih khách sạn, pasiam paglaong dom danak dak daoh tamia, me-in sambai brei ka dam dara. Kham merat ngak ka nyu samar , tal puac thun 2017 lac salah bloh saong peih tabiak taduan tuai.”

Dalam bilan padeih hè, yaok harei hu yaok rituh mbang tuai damuai mai tal labik du lịch Biển Đá Vàng me-in sambai, padeih padei, mbang menyum, menei tasik saong duah thau ngọn hải đăng Kê Gà labaih 100 thun dane angan. Tasik mekre saong dom labik padang ngak bahrau  daok dui pachreih tuai damuai. Sa-ai Nguyễn Thị Thùy Trang, urang tuai mai meng ban raya Hồ Chí Minh brei thau:“Tabiak truh ban raya rilo radaih rilo menuac, nao tal labik du lịch Kê Gà – Bình Thuận ini, dahlau di abih adei mboh labik ini biak praong, biak mekre di lingik tasik labik ini. Hadei di nan, mboh labik du lịch resort ini biak mekre, ngak ka urang mboh chreih hatai hadei di sa adit ngak bruk glaih glar.”

Gam saong dom ayut mai rivang iek Kê Gà, sa-ai Phạm Trung Kiên, sa urang tuai daok ranaih mai meng Hà Nội khan lac:“Mai tal Mũi Kê Gà mboh biak chreih chrai kayau mbang akaok meti hu tapa tasik nao tal sa pulao. Oh atah hagait, min mboh biak chreih chrai, bui sambai”.

Rilo dự án hu peih ngak veik saong đầu tư bahrau brei mboh lac, bhum taneh du lịch ini daok medeih veik, njauk ndom tal dom dự án: Vạn Trụ, Aloha Beach, Biển Nhiệt đới... Dom labik padeih padei hu takik tuai dahlau daih urak ini ngak bruk khang jang. Dalam 6 bilan akaok thun ini, huyện Hàm Thuận Nam hu labaih 210.000 mbang tuai damuai mai rivang iek, padeih padei. Tuai damuai rilo jang duk saong dahlau daih yau brei mboh bruk ini. 

    Dreih yau nan, dom labik du lịch di ban sit La Gi jeng daok tagok khang janih du lịch tham quan, dã ngoại. Bahrau peih tabiak oh ka hu hadom, min CocoBeach Camp urak ini hu maong lac hiện tượng du lịch dã ngoại di tỉnh Bình Thuận. Yaok harei hu meng 300-400 tuai, puac adit ye bak menuac. Bruk gheih padang không gian angaok takai tasik, âm nhạc, sambo màu, bilik ndih hu ngak ka rilo dam dara urang daok raniah biak takre tuk mai ini me-in sambai, thaot binguk, ba drei tame tui jalan bahrau. Labik du lịch ini hu jak jeng mai meng nao njauk jalan. Ong Trần Quý Lễ, pô labik du lịch CocoBeach Camp lac: “Gah ini oh huac abih jien padai piah  ngak ka nyu mekre abih janih dalam labik du lịch di drei. Kayua yau nan ye ba mai bui sambai saong dui pachreih tuai damuai. Harei ini mai tal mboh lac yau ini, min adit hadei mai veik ye mboh karei.”

Amuk Võ Hoàng Tuyết Linh, Phó Giám đốc Sở Ilamu - Thể thao saong Du lịch Bình Thuận brei thau: Bruk  abih hatai di dom urang đầu tư saong jalan ngak di tỉnh hu dui tagok veik bruk du lịch di tapen tasik gah meraong Bình Thuận. Dalam rilo thun, rilo tuai daok atah pilih ruah labik ini piah mai du lịch, rivang me-in rilo jang.“Jaik di ini, bruk  du lịch di labik ini cakrok patagok jang duk saong dahlau daih. Dom urang đầu tư, dom khu du lịch padeih padei bahraubahrau di labik ini hu ngak bloh saong peih tabiak taduan tuai. Meda lac thun 2017 hu hadah hadai tagok.”

Hu takai tasik mekre saong rilo danh lam thắng cảnh, yau: Hải đăng Kê Gà, Chùa núi Tà Cú, Dinh Thầy Thím, Suối nước nóng Bưng Thị... dom labik du lịch tapen tasik gah meraong tỉnh Bình Thuận hu pren dui pachreih gah du lịch dã ngoại, roh duah, adat camabt tanarakun. Meng bruk mai veik khang kadang di dom urang đầu tư, labik du lịch tapen tasik Nam Bình Thuận hu caong lac jeng Mũi Né ka 2 di Bình Thuận  anak tal oh suai livik./.