Meng hu Hợp tác xã ngak nong meng labaih 10 thun ni mai, yaok pluh ha bein kayau mbang boh di xã Ngọc Hòa, huyện Giồng Riềng tỉnh Kiên Giang di HTX hu khik iek
Harei ni drei mai tal ni, mboh langik li-an bingi. Di labik ni dom janih pandap mbang yaom mbiah, lap, boh kayau yaom jeng mbiah, lap, mbang bingi song oh pandar jru. Meyah hu mai veik labik ini, drei ba ayhut sahabah, gauk gar mai rivang bein sinh thái ni.
Kayua jalan dhuan hu pasiam veik, bruk nao mai di bhap bini hu mbuan lagaih, song boh kayau pala njauk, abih di nyu nan lac boh kayau di labik ni hu chất lượng, hu tut angan nhãn hiệu độc quyền. Kayua yau nan ye, bein sinh thái di xã Ngọc Hòa oh lac ba mai kein liba KT glong bo dok dong ka rilo boh sang urang nong peih tabiak jalan ngak mbang bahrau, peih bruk du lịch sinh thái, dong patagok KTXH pambuak pagam song bruk padang ngak palei pala bahrau. Saai Nguyễn Văn Út, Po bein sinh thái Huyền Trân brei thau :
Dom thun ni mai hu patagok jeng siam jang dahlau kayua jalan mbak nao mai mbuan lagaih, dahlau deih jalan mbak nao mai kan kandah. Ngak bruk ni khin patagok khang, cong khin hu bruk dong di karja, eng drei oh ngak hu.
Min tapa duah thau di khol hulin, du lịch sinh thái di labik ni dok sit sot, kurang bruk main sambai. Rilo tuai damuai mai tal labik ni tok piah mong iek, mbang boh kayau, oh ka hu janih ilamu halei piah pachreih urang saong janih ilamu hjadah krah biak karei di puk palei. Bruk yaih khan thaot binguk angan je dok takik. Ong Nguyễn Văn Thanh, Phó akaok Ub bhap bini xã Ngọc Hòa, huyện Giồng Riềng, tỉnh Kiên Giang brei thau
karja palei jeng hu ginum biai song mikva, cong khin anak tal buh jien tabiak padang ngak jalan mbak . Caong pakat angaok buh brei dom janih phun pajaih karei, đờn ca tài tử piah pachreih tuai damuai meng atah mai
Yau nan, langiu di bruk quy hoạch di karja palei ye urang ngak bein song gah chức năng tỉnh Kiên Giang njauk pamong tal sa gah du lịch sing thái chuyên nghiệp, plaih đơn điệu gah hình thức, takik hu bruk giải trí. Hu yau nan meng dong patagok khang kajap bruk ngak nong pambuak pagam song du lịch sinh thái yau urak ni./.
Viết bình luận