Rilo boh sang hu padang tagok pak di labik ni 

Ong Bùi Văn Ngọc, Phaok Akaok klup kapul Trung Dũng - Quyết Thắng bal Hải Phòng ndom lac: Dalam dak rai sajarah yaok ribau thun dak padang saong pacang khik taneh aia, muk kei drei pataom hu dom ilamu biak dalam ka labik dang saong pren khang di abih bhap bani. Jalan saneng "bhap bani lac gha" hu Đảng drei patui veik peih ngak, hu ba tame dalam dom sarak di  jeng yau adat hukum di Karja:

Meng tuk hu Đảng CSVN saong Wa Ho pal akaok ba jalan, pren khang di bruk gul pataom taong abih bangsa hu cak rok patagok glaong jang. Pren khang di Đảng lac di labik kak kajap di Đảng saong bhap bani, jalan ngak di Đảng njauk hatai bhap bani, lac prein khang di abih, yau Wa Ho pato.

Dalam tuk pan akaok ba jalan taneh aia, Đảng drei tuk halei jeng pataom tame dak padang saong ngak siam bruk dân chủ xã hội chủ nghĩa. Bhap bani lac pasak, lac urang ngak po di bruk salih bahrau, dak padang saong pacang khik taneh aia. Yaok jalan ngak, yaok sarak brei tabiak meng hatai caong khin saong kein laba di bhap bani. Harak Nyaom roya XIII di Đảng hu ngak pasiam saong pabak dom hatai saneng, dom ilamu ka bruk "bhap bani lac gha". Tui ong Nguyễn Văn Thuận, dahlau daih ngak Bí thư Thành ủy Hải Phòng, meng jalan saneng ini, bruk padang Karja pháp quyền xã hội chủ nghĩa hu ngak cambaih laih jang, ba mai kein laba jang:  

Pasang iek pak ini lac mboh hu dom bruk ngak suan di urang jakar, urang đảng gam dom bruk kinh tế-xã hội oh ka lagaih piah drei ramik veik ka nyu siam. Bruk bhap bani hu mbang tui brei hu ba tabiak meng pasiam veik hu bruk lac dak padang Karja di bhap bani, brei ka bhap bani saong kayua bhap bani.

Jalan ngak "bhap bani lac gha" hu pandar tame dalam yaok bruk ngak mbang kinh tế-xã hội, hu pandar biak gheih di yaok puk palei saong y labik, yaok tuk. Thau cambaih jalan ngak ini, Bộ đội Biên phòng tỉnh Lạng Sơn tuk halei jeng caik hatai tal bruk pakhang, patagok, kak kajap talei gul pataom bol lin haong bhap bini, saong ieu pataom pren khang di yaok bhap bani labik tapen negar. Đảng ủy, Bộ Chỉ huy Bộ đội Biên phòng tỉnh Lạng Sơn hu brei bruk ka 120 urang đảng hu mbaok tame sinh hoạt di 94 chi bộ puk palei daok jaik taphia negar, cuang kandah gah an ninh trật tự. Dom kapul, nyaom ngak bruk brei trun puk palei rilo jang, peih ngak tui jalan “3 ndam, 4 gam” gam haong mikva... Đại tá Nông Quang Tám, Phaok Chỉ huy trưởng Bộ đội Biên phòng tỉnh Lạng Sơn ndom lac:

Ngak hagait ngak ye bhap bani brei hu bruk ngak, tukvak tapa pakat ủy karja puk palei biak sangka tal bruk ini, ngak habar ba brei bruk ngak ka bhap bani. Njauk saneng lac yaok urang di tapen negar nan lac urang lin, kayua bruk pacang khik bhum taneh tapen negar nan lac bruk di taong abih bhap bani, taong abih dom pakat, abih di nyu lac bhap bani daok di bhum tapen negar.

Thau cambaih bruk "bhap bani lac gha" di Đảng drei, pamedeih saong patagok hatai anit ranam taneh aia, pren khang gul pataom bangsa, gam haong nan, paglaong prein ngak, jhul patagok bruk salih bahrau, saneng duah di yaok urang saong kapul nyaom, ini meda lac pren khang piah ka khaol drei ngak hu hatai caong khin saong jalan ngak cak rok patagok taneh aia kaya meda – haniem phol./.

Urang lang: Jasi -27/1