Pataom kaya nong klaak, labaih ngak pandap mbang ka athur :

Mikva urang nong di xã Phước Hậu, huyện Ninh Phước, tỉnh Ninh Thuận ngak biak siam bruk pataom kaya nong klaak, labaih piah ngak pandap mbang caik piah ka athur, thau  caga pacang lingik pandiak bhang dui atah. Kol drei dauh thau alamu ngak ini :

Saai Quảng Thị Đồng daok di xã Phước Hậu khan lac: vụ padai ini dahlak ngak sa hecta. Dahlau thiah, hadei di tuk yuak blaoh, dahlak tok pataom ha-sit pong mai ka limo mbang pabak, min urak ini njauk pataom mek abih. Meyah kham merat pataom mek abih pong di mblang hamu hu jaik 3 sruh mac li-ua, ginup ka tapol limo mbang tal abih bilan thu” 

Dom sang raong glang di Ninh Thuan daok ba tapol athur nao tal dom bhum pala padai barau yuak blaoh, pataom mek nerang dalam hamu ka athur mbang. Saai Trần Văn Nhã daok di xã Nhơn Hải, huyện Ninh Hải brei thau : sang barau blei 5 sruh radaih pong, min oh ka brei limo mbang bo caik piah tal tuk njauk brei mbang. Tukvak ini njauk nao tal  abih dom mblang hamu barau yuak blaoh ngak labik palao. Dom drei khang kadang, ba nao dom labik hu pandap mbang, ia menyum; daok dom drei lavang lavaih kareik karei dalam var brei mbang hareik limen; daok pabo anek ye brei menyum pabak mật tabau, pandap mbang tinh bột. Tui jalan iek glangyau ini, meng akaok bilan pandiak bhang tal ini, oh hu drei pabo halei metai kayua lavang lavaih.

Rilo sang daok hu pala tangei, bo bo piah hadei di tuk paik, mek phun ngak pandap mbang ka athur, salih tapa pala hareik limen. Min suai lavik, mikva njauk pataom abih piah dom kaya nong labaih, klaak piah ngak pandap mbang ka athur dalam bilan pandiak bhang. /.