Urang nong tỉnh Trà Vinh dok tame bilan kaoh tabau thun 2020 - 2021

Dah page ni 31/3, hadei di tuk buh phiếu kandauk, QH hu pilih ruah ong Vương Đình Huệ, UV Mintri Chính trị, urang QH mbang XIV, Bí thư Thành ủy Hà Nội, ngak akaok QH, akaok Hội đồng pilih ruah pakat negar. Brei panuac hadei di tuk tuyên thệ taduan bruk ngak akaok QH, ong Vương Đình Huệ brei thau ni lac sa bruk biak hadah mbaok mata saong lac bruk biak trak damak. Ong sanya kham marat abih drei piah duh ka taneh ia, ka bangsa.

Pathau khan di Cục Xuất nhập khẩu, Mintri Công Thương brei mboh, dom kaya nong dalam 3 bilan akaok thun pablei tabiak negar langui trun, yau asar paoak blait; cà phê; amriak kalu. Bruk njauk caik hatai, brah lac janih pandap trun khang di abih tuk trun labaih 30% brah pablei song trun 17,4% yaom jien dut song quý I/2020, mek hu 1,1 triệu tấn, yaom jien mek tame 606 triệu USD. Bruk pablei brah tabiak negar langui trun dalam quý I/2021 hu mong lac kayua brah meng bilan Đông Xuân tabiak drak pasa ka oh rilo, dalam tuk nan yaom brah dang di tanut glong jeng ngak ka dom urang blei tame daok cang yaom trun.

Dom hãng kapal haoh brei thau daok pambuak haong dom jabat chức năng roh duah, dak padang, ngak iek 'hộ chiếu vắc xin' saong bruk peih veik jalan par dunya ka nyu siam mekre, salamat. Cục hàng không ba tabiak jalan ngak lac peih dom mbang par dunya hu pajeng tuai tame Việt Nam tui 3 tukvak. Tui nan, tukvak ka 1 peih veik dom mbang par hu tuai lac rahra Việt Nam tui jalan: dom hãng kapar haoh Việt Nam haong doanh nghiệp lữ hành pambuak haong jabat ngoại giao saong tinh, bal taduan tuai daok karei di khách sạn, peih mbang par hadei di tuk hu adat di dom jabat hu thầm quyền. 

Urang nong tỉnh Trà Vinh dok tame bilan kaoh tabau thun 2020 - 2021. Yaom tabau tagok nan ye urang pala tabau dalam tỉnh hu laba meng 20 triệu tal 30 triệu đồng/sa ha. Urak ni, tabau tamo piah ngak saradang yamen 10 chữ đường hu Công ty tabau saradang Trà Vinh blei di bein yaom 1.000 đồng/sa kg, tagok 200 đồng/sa kg, dut song tuk vak ni thun dahlau.

Tui khau tin ka bruk pui khuah tuk dah page 30/3 di sang pakat 4 daok dalam phường Cát Lái (ban Thủ Đức, ban raya HCM) ngak ka 6 urang dalam sang metai, Thượng tá Nguyễn Mạnh Trưởng - phó akaok jabat cảnh sát pacang khuah padam khuah saong daong duah manuac njauk bala, Công an ban raya HCM brei thau, makna camriep di abih lac kayua sang ni caik 5 sruh radaih mac di bilik rok tuai pacang abih jalan tame tabiak. Tuk pui khuah, dom sruh radaih mac ni pui mbang tame, pacang jalan nduac tabiak. Thượng tá Nguyễn Mạnh Trưởng ndem lac, bruk praong dang akaok jeng lac pacang caga dom bruk mbuan ba tal khuah patuh. Tui pui daok khuah sit, njauk preo khang sap ka urang daok jaik taphia thau piah mai daong. Daok tuk khuah praong ye njauk duah jalan nduac tabiak, oh lac daok padam pui.

Pathau khan di gah Y tế dunya (WHO) ka asar anek ruak COVID-19 dok ba tal bruk kamlah gauk khang di Trung Quốc song phương Tây. Takik di abih 14 negar, dalam nan hu Mỹ, hu panuac ieu peih sa bruk pasang iek bahrau, kayua mboh lac Bắc Kinh oh pabak ginup dữ liệu thô brei ka nyaom urang roh duah WHO. Dalam panuac yau tamat bruk pasang iek, WHO ndom lac oh mbuan hu bruk virus corona ba tal COVID-19 tabiak meng balik ngak iek. Jeng tui pathau khan ni, virus SARS-CoV-2 meda pambak tapa menuac meng sa anek athur ba ruak song hu panuac ieu pasang iek, ngak brei cambaih laih bruk hu atau oh dom mbang njom mbak rah tabiak dahlau song gah langui Trung Quốc, min oh hu khan brei thau.

Meng maong 8 dah page ni, tui maong pak ni, rajaei ban Thụy Lệ, tỉnh Vân Nam meda peih bruk dut iek a-xít nu-clê-ích (axit nucleic) ka taong abih labaih 200 ribau bhap bini dalam ban hadei di tuk labik ni hu rilo urang njom Covid-19 dalam rahra, jien dut iek hu karja biyar. Taong abih bhap bini hu ieu kakei njauk eng drei daok karei di sang dalam 1 adit, mayah oh hu bruk hagait praong ye oh hu tabiak langiu. Dalam tukvak daok karei, yaok baoh sang hu brei sa urang tabiak lingiu blei pandap, iek tui harak adat hu brei. Langiu di siêu thị, labik pablei jru tavao, darak pasa ye taong abih dom pasak pablei salih jeng kareih pambang.

Khaw tin dunya harei ni brei thau, Karja Tổng thống Mỹ Biden mbang camereip brei adat ka dom hãng truyền thông nao rivang sa labik di jalan tapen negar song Mexico di Downer, bang Texas. Labik ni tuk camereip hu padang ngak ka 250 urang , urak ni nyu hu tal 4 ribau 100 urang, rilo meng lac uranaih umo bahrau praong. Jeng tui khaw tin dunya, dalam 2 bilan tapa, kayua karja ong Bai-đừn padeih padang danieng di labik tapen jalan negar Mỹ song Mê-hi-cô, klaak adat pakauk urang Islam, brei thau dom jalan nhập tịch njauk hukum ka jiak 10 triệu urang, labaih 100 ribau urang nhập cư suan hukum tame negar Mỹ. Karja Mỹ daok dang anak bruk srau kadau gah menuac tame negar Mỹ ka oh bhian mboh./.

Urang lang: Thu Thảo – Hani Pha – 31/03 14:27:30