Pato Anek meng puac tapuk 

   Nhà văn Mai Bửu Minh lac sa dalam dom urang vak hu angan di bhum taneran kraong CL, abih di nyu nan lac vak dalikan ka uraniah. Menek tabiak dalam sa baoh sang urang ngak nong kan kathaot di tỉnh An Giang, bac tamat phổ thông, Mai Bửu Minh jeng sinh viên sang bac Cao đẳng Lâm nghiệp. Sa-ai takre puac tapuk saong cuak ariya.  dalam sa baoh sang urang ngak nong kan kathaot di tỉnh An Giang, bac tamat phổ thông, Mai Bửu Minh jeng sinh viên sang bac Cao đẳng Lâm nghiệp. Sa-ai takre puac tapuk saong cuak ariya.

      Tapa nan nyu pambuak talei anit ranam gauk di sa-ai saong anai Hoàng Mai Quyên (anek kumei di nhà văn Hoàng Văn Bổn – dahlau deih ngak Chủ tịch Hội Văn nghệ saong Tổng biên tập tạp chí văn nghệ Đồng Nai). Urang halei thau sa-ai Minh, anai Quyên jeng pok meyaom kayua 2 diuk pasang biak anit gauk saong thau ba bruk takre puac tapuk piah dom anek hu jak jeng dalam raidiuk. Urang anek likei praong, Mai Bửu Hoàng Hưng lac biên tập viên di rayo papar sap - papar binguk ban raya Hồ Chí Minh. Daok anai kumei taluac Mai Hoàng Bảo Trân jeng ngak bruk di sa kênh papar binguk. Dua adei sa-ai jeng mek hu rilo giải pakat tỉnh saong bhum taneran kraong CL meng tuk daok bac phổ thông.

          Hu siam mekre yau nan mai meng dua duik pasang sa-ai thau tacei ba jalan ka anek nao tal ayut praong nan lac tapuk. Sa-ai Minh khan lac, tuk camereip, jeng kateik greik anek puac tapuk meng tuk daok sit saong pasram vak nhật ký; hadei di nan, pachreih anek meng dom phần thưởng; tal tuk dom anek takre tapuk ye drei nao haong anek, nao blei dom baoh tapuk kol nyu takre dalam dom harei rija, roya: Tuk anek daok sit drei brei ka nyu puac tapuk paje, puac tuk kol nyu oh ka thau akhar Dahlak tok kakei dom urang ngak amaik, ngak ame meyah hu sangka hasit ye p[ilih ruah tapuk ka anek nyu puac saong yaok harei brei puac 5 blah lac mbiah ginup. (Bac pakat 2 puac 5 blah, pakat 1 puac 1 blah lac hu paje), yau nan pakat 1 yaok thun puac hu 365 blah, pakat 2 hu labaih sa ribau blah...lac dom baoh tapuk paje. Yau dahlak tuk nan pato anek dahlak khin nao me-in brei puac bloh tapuk meng nao.

             Urak ini, hu rilo anek saih, sinh viên tok puac tapuk chuyên ngành, tapuk tình cảm ủy mị, atau dom truyện tranh takik akhar,vv… Tapa nan nyu cakrok oh njauk jalan, kurang akaok sahneng hadah krah, takre phiêu lưu tình ái, gaok tuk mai lac takre bạo lực. Lac gru pato văn di sang bac Trung học phổ thông chuyên Thoại Ngọc Hầu, tỉnh An Giang, anai Quyên oh lac sangka tal bruk puac tapuk di anek bo anai daok peih bruk duah thau hatai takre saong tác động di dom janih tapuk urak ini tal dom anek saih. Anai Quyên lac: Hu dom adei sa bilan klak tabiak abih sa triệu atau rilo jang piapuac tapuk tapa mạng, bloh daok hu dom mbang, dom anek saih di drei nao meng An Giang tal Cần Thơ piah pang dom nhà văn trẻ nan ndom biai. Yau nan, drei mboh biak buai hatian.  Min kadha bo drei caik hatai sangka nan lac dom adei puac dom janih tapuk yau habar? Dom adei takre dom tản văn, takre dom kadha ndom tal raidiuk harei  ini,  dom bruk  nhạy  cảm,  dom  tiểu  thuyết  ngôn  tình. Drei jeng daok roh duah kayua halei dom adei takre dom janih văn chương yau nan.

         Thạc sĩ Tâm lý Giáo dục Nguyễn Thị Bích Phượng – pato di Khoa Sư phạm - Đại học Cần Thơ brei thau, puac tapuk piah ka anek naih halan hatian pasram dom đức tính saong kỹ năng praong dalam raidiuk – Nan lac tính kiên nhẫn, thau tapa panuac puac, patak pataom panuac puac piah brei thau hatai sahneng, pachreih bruk caong khin saong sáng tạo di anek naih vv… Kayua yau nan ye, bruk tacei pato anek puac tapuk meng tuk daok sit saong pilih ruah tapuk ka nyu lagaih haong umo thun lac jalan piah padang nhân cách, bruk ngak saong hatai caong ka harei hadei di anek: Ngan saong anek naih sit, brei ka kol nyu thau rilo bruk ngak karei di gauk tapa tapuk ye kol nyu biak takre , caong lac drei ngak bruk ini, drei takre yau urang daih, saong livik livik harei nyu jeng bhian randap. Tuk nan, anek naih meda sahneng mboh ka bruk ngak di drei dalam harei hadei. Anek naih mboh lac drei njauk kham merat yau dom ayut daih, njauk duah jalan ka bruk ngak di drei meng tuk daok sit.

     Tui tỷ phú urang Mỹ Warren Buffett, hu sa công thức bo meyah ngak hu ye tantu menuac sia jak gheih jang, nan lac puac tapuk. Puac biak rilo kayua oh hu urang halei puac takik bo jak gheih hu. Min puac saoh oh ka ginup. Urang puac njauk sahneng kuhrai piah phản biện saong hu jalan sahneng di drei. Tapuk oh kurang hu dalam bruk padang nhân cách anek naih. Meyah amaik ame thau tacei pato anek bhik puac tapuk njauk jalan, ye tapuk lac sa dalam dom gru praong piah anek hu jalan diukrai siam, diuk hu kein laba. Rairah urang ngak pô harei hadei hu yau nan, lac caong khin praong, lac haniem phul ka sang, ka puk palei, ka bhap bini./.