Dom adei hu bac megru bruk ngak pak di labik 

Dahlau di tuk bac bruk ngak, Cao Văn Minh (sang bac Trung cấp nghề Kỹ thuật - Công nghệ Hùng Vương, ban raya .HCM) hu bac blaoh thun ka  2 sang bac Đại học Giao thông vận tải TPHCM. Dok bac đại học, min Minh mboh rup drei oh daok pachreih bac nan ye khang hatai salih tapa bac bruk ngak. Dalam mbang pakacah tangin gheih pakat negar mbang ka  10-2018 hu peih tabiak di  Hà Nội, Cao Văn Minh mek hu  Huy chương meh  gah Bảo trì jamriak CNC (lac jamriak tiện cơ khí hu pandar meng komputer).

Minh lac sa dalam yaok ribau anek sai, sinh viên di sang bac  Trung cấp nghề Kỹ thuật - Công nghệ Hùng Vương hu bruk ngak jip hadei di tuk bac tamat bloh, duah hu jien tani tanat . Tui  muk Phạm Quang Trang Thủy, akaok sang bac, meng thun  2018, gam song bruk hu jao brei quyền eng drei pilih ruah menuac tame bac, jalan ngak di sang bac lac pato pakai pambuak pagam song doanh nghiệp”. Ni lac danak dak hu 30% tuk vak bac lý thuyết di sang bac  song 70% tuk vak nao ngak bruk di  doanh nghiệp. Sang bac hu pambuak  bruk song labaih 500 doanh nghiệp dong ka  urang bac, ka sinh viên hu jien bac, saong bac blaoh duah hu bruk ngak.

Dok di sang bac  Cao đẳng Công nghệ Thủ Đức (ieu takut lac TDC - TPHCM), yaok thun  hu labaih  3.000 anek saih, sinh viên tui bac. Gam haong nan, yaok thun  TDC hu jaik 7.000 urang tui bac hệ sơ cấp song pato bruk ngak. TDC urak ni hu  7 gah pato pakai  hu ba tame angan dom gah, dom bruk prong. Dalam nan, sang bac taduan danak dak pato pakai meng  Đức song Japon. Urang bac bruk ngak hu taduan harak bac tamat di Việt Nam song  Đức; hu bruk ngak dalam dom  doanh nghiệp di  Tập đoàn Freesia di Việt Nam, Đài Loan, Japon. Ong Phạm Quang Tuấn, Poak akaok sang bac khan lac: “Meng hu tame ngak bruk tapak meng  500 doanh nghiệp pambuak bruk tapa pato pakai, nan ye yaok thun hu jiak  20% anek saih, sinh viên hu bruk ngak tuk dok bac di sang bac. Dom anek saih, sinh viên hadei di tuk bac tamat bloh hu bruk ngak lac labaih 80%, hadei di  6 bilan hu 100%”.

Ban raya HCM hu  4 gah ngak kong prong lac : Cơ khí; Điện tử - Công nghệ thông tin; Ngak pandap mbang; Hóa chất - katak- cao su. Ni lac dom gah dok caong hu rilo urang ngak.   Piah pabak urang ngak chất lượng glong ka TPHCM,  TDC tui kajap 4 nyaom gah ngak kong prong di  TPHCM song padang jalan pato pakai dom gah, dom bruk mek hu tanut dunya , ASEAN song pakat negar. Dom nyaom gah, bruk ngak siam tui kuhria yaok thun  hu labaih  1.000 sinh viên tui bac. Hadei di tuk bac tamat bloh, dom adei hu bruk ngak njauk song gah bac megru song yaom jien bilan akaok meti meng 7-10 triệu đồng/tháng.

Dreih yau nan, sang bac Trung cấp nghề Kỹ thuật - Công nghệ Hùng Vương jeng kak kajap haong 4 nyaom gah  ngak cong di ban raya  HCM. Urang bac dom gah, dom bruk ni jeng hu bruk ngak ngan song yaom jien bilan tuk camereip meng  7-15 triệu đồng/sa bilan, tui bruk ngak saong tui tangin gheih ngak.

Akaok  Sở LĐTB-XH TPHCM Lê Minh Tấn brei thau, tal urak ni, urang ngak hu tapa bac megru bruk ngak hu  85,2%.Dalam nan, urang hu pato pakai di dom gah công nghiệp dịch vụ song công nghiệp prong hu 87%. Ban raya HCM padang hu  14 tsang bac chất lượng glong song bruk ngak pambuak song dom bruk ngak praong di ban raya HCM . Danak dak pato pakai dak harei dak bahrau, pambuak sang bac song  doanh nghiệp, yau nan ye urang bac bruk ngak hu bruk ngak biak glong meng 85% tagok..

Piah dui ka nyu katut veikl bruk pato pakai song bruk caong hu urang ngak di drak pasa,ong Lê Minh Tấn brei thau, ban raya HCM daok salih bahrau bruk pato pakai tui jalan peih, kak kajap haong bruk ngak di urak ni./.

Urang lang: Hanipha- 16/10