Raong hadang di Can Gio- Ban raya HCM

Di huyen Cần Giờ, Ban raya HCM, huyen hu jak ba urang ngak di bhum palei  tame bac bruk ngak, pataom tame dom bruk duh ka dulich saong pandar cong nghe dalam bruk pala drak ngak nong yau: raong hadang thẻ takai mbong cong ghe glaong, raong ikan dứa piah pablei, ilamu raong arieng pajaih nhân tạo…Ong Phạm Quang Chiến, Phó Akok Jabat LĐTB-XH huyện Cần Giờ brei thau, bruk raong hadang cong nghe glaong hu huyen biak sangka iek praong.

Huyện hu pambuak saong dom labik pato pakai peih rilo tal pato bruk ngak, pataom tame salih birau ilamu ky thuat raong hadang meng bruk tauk bạt ala danao; pacang pandiak meng halam lưới jeng ye pacang cim brim, kook pambak ruak tame danao raong; pasiam he thong ngak oxy, pandar mac pabak pandap mbang tự động, xi phông gluh  hữu cơ piah ngak hacih danao…Meng pandar công nghệ, urang nong Cần Giờ meda brei raong rilo hadang pajaih tagok tal labaih 100 drei/m2, dui atah tukvak raong labaih 4 bilan, raong papraong drei hadang, tuk mek tagok hu labaih 20 tấn ka sa hecta tagok dua mbang duk saong dom baoh sang oh ngak tui cong nghe birau. Kein laba kuhria rah tapa jaik 1,5 tỷ đồng sa hecta sa vụ,  jien laba jaik 90%. 

  Yau nan min, bruk pato bruk ngak palei pala tukvak tapa oh ka tui sumu bruk công nghiệp hóa - hiện đại hóa ngak nong, palei pala. Taneh ngak nong dak harei dak takik, ba tal bruk cak rok patagok suai, oh hu khang kajap. Rilo dam dara palei pala oh takre ngak nong bo salih tapa ngak kong di dom khu cong nghiep, atau nao ngak apah negar langiu. Hu oh takik urang ngak kayua duah jien piah diukrai, nan ye oh caik hatai sangka bac pasram bruk ngak. Kayua yau nan ye, bruk caong hu bac bruk ngak nong di urang ngak palei pala dak harei dak takik.

Dalam bruk pato bruk ngak ka urang ngak palei pala, muk Nguyễn Vũ Thụy Hồng Loan, Sang bac Trung cấp Kỹ thuật ngak nong TPHCM lac dom urang pato bruk ngak hu labik dang biak praong. Oh njauk lac urang bac thạc sĩ, tiến sĩ ye pato bruk ngak ka urang di palei pala hu jak jeng. Tui muk Hồng Loan, urang pato bruk ngak brei hu urang nong anit ranam, iek praong ilamu kadha pato saong naih joi bruk ngak meng patao hu jak jeng.

TS Từ Minh Thiện, Phó akaok Mban khik ramik Khu ngak nong công nghệ glaong Ban raya HCM mboh lac, umo kuhria rah tapa di urang ngak palei pala lac 42 thun, hu tukvak ngak bruk 20 thun saong bhian ngak rilo bruk randap, daok khik tui hatai gac. Yau nan ye, tuk tacei pato bruk ngak ka urang umo taha, urang pato brei hu rilo ilamu bruk ngak biak, thau patoa veik mbuan kanal, oh bac hadar bo brei kanal 2 tal 3 kadha di bruk ngak nan hu paje.

Abih di nyu nan lac, tui TS Từ Minh Thiện, jabat khik iek karja brei duah thau ka darak bruk ngak khin hagait, piah khan brei ka urang nong hu thau cambiac laic. Tui nan, urang nong eng drei sahneng lac njauk ngak nong atau ngak bruk halei lagaih.

  TS. Đinh Công Tiến, Akok Sang bac Urang jakar khik iek bruk ngak nong, jeng sahaneng lac tuk pandar cong nghe 4.0 tame pato bruk ngak ka urang ngak palei pala, brei pambuak saong bruk di anak meta saong duah thau hatai caong khin di urang ngak nong. Meng hatai caong khin bruk ngak di harei hadai,  atau urang daok khin ngak nong, atau jeng urang duh ka bruk ngak cong nong nghiep bo njauk brei hu danak dak pato bruk ngak ka yaok urang, parilo bruk pato angaok online./.

Urang lang: Aí Nghiêm-8/2