Yaok thun, di TPHCM, tal bilan hajan song bilan ia tagok meng bilan 5 tal bilan 10, rilo labik hu taneh biar di dom quận: 2, 7, 8, huyện Nhà Bè, huyện Bình Chánh… bhian dauh dalam. Bruk ni ngak ka bruk ngak mbang ngak huak di bhap bini srau kadau, gaok rilo kan kandah.

Bahrau ini, dalam mbang ia ndik glong di puac bilan 9 meng bloh, bhap bini daok di rilo labik dalam  phường Thảo Điền, quận 2 njauk nao mai dalam ia dom harei gam. Muk Trần Thị Trung Thành, sang daok di jalan Nguyễn Văn Hưởng, phường Thảo Điền, khan lac: Anak sang muk, tuk ia tagok lac jalan jeng krong, ia dauh thun hadei glong jang thun dahlau. Mbang dauh meng bloh, dom gah chức năng hu caik jamriak njuk, min oh jeng hagait, ia jeng daok dauk:Bahrau ini urang caik jamriak njuk  piah tathuak ia , min hulin mboh oh jeng hagait, ia dak harei dak tagok. Nao mai kan kandah, nao ngak ye gar jalan, nao halei jeng cuang kandah abih. Jalan Nguyễn Văn Hưởng gaok kan kandah di abih, jalan yau takuai klaok nao tame labik  Thảo Điền ni..

Jeng gaok kan kandah trak kayua ia ndik, rai duik menuac urang di  jalan Mễ Cốc, phường 15, quận 8 jeng srau kadau tui ia. Ong Hoàng Xuân Nghiêm, sang dok di  labik 2/118 jalan  Mễ Cốc lac “Hulin dok pak ni labaih  60 thun ye, bo oh ka tuk halei mboh dauh ia yau ni ”. Langyah ka makna ia dauh dak harei dak trak di TPHCM, muk  Lê Thị Xuân Lan, dahlau daih ngak chuyên gia di Đài khí tượng thủy văn bhum  Nam Bộ ndom lac, bruk ia ndik thun hadei glong jang thun dahlau lac kayua biến đổi khí hậu song kayua anek menuac mek ia ngầm oh tui quy hoạch:
Khol drei mboh lac thun hadei ia ndik praong jang thun dahlau , langiu di dom makna meng langik tasik,…daok kayua anek menuac mek ia ngầm biak rilo ngak brei glut jaleih taneh, kayua yau nan ye, thun dei ia ndik glaong jang thun dahlau.

Dok tui  Tiến sĩ Nguyễn Xuân Huy, chuyên gia gah taneh rija  TPHCM ye makna praong ngak ka ban raya dak harei dak dauh trak lac kayua bruk ngak di anek menuac, kayua  đô thị hóa. Di dom labik hu takai taneh yếu, taneh biar  di ban raya yau  huyện Nhà Bè, quận 7 song  quận 2  dom thun jiak di ni padang ngak biak rilo dom sang glong tal, ngak brei taneh nyu glut samar. Lingiu di nan, bruk  đô thị hóa samar, kurang jalan ngak samu gauk, sang danaok padang jiak gauk yau nan ye, tuk hajan khang atau ia ndik ye oh hu labik halei piah tathuak ia tabiak krong ribong. Bruk ni ngak ka dom labik hu taneh glong, dahlau deih oh ka tuk halei dauh yau dom  quận 5, 10, Gò Vấp, Thủ Đức…ye urak ni njauk dauh ia tuk hu hajan khang.

Tui rilo  chuyên gia, ban raya oh meda langyah hu bruk dauh ia dalam drah samar, bo brei hu jalan ngak praong, siam, samu gauk. Ban raya HCM njauk kak bruk quy hoạch đô thị haong krong ribong, dong tathuak ia meng dom danao padang ia prong ala dom mblang bein  . Langiu di nan, TPHCM njauk pambuak bruk haong dom puk palei jiak tapen piah peih jalan tathuak ia di dom krong, ribaong atau tathuak ia tame dom danao padang ia dok jiak tapen, piah patrun bruk ia dauh tuk hu hajan khang song ia ndik. Phó Giáo sư, Tiến sĩ Nguyễn Hồng Tiến, Phó Chủ tịch, Tổng Thư ký Hội Cấp thoát nước Việt Nam lac:“Hulin mboh lac ta-eng ban raya  HCM oh ngak hu , bo brei pambuak gauk haong dom labik jaik taphia meng langyah hu. Njauk pambuak gauk song  Bà Rịa– Vũng Tàu, pambuak bruk song  Đồng Nai, Bình Dương. Langyah bruk dauh ia langiu di bruk dalam ban raya njauk langyah gam dom labik jiak tapen. TPHCM njauk ngak bruk, pambuak  haong dom tỉnh ban karei piah ba gauk langyah”

Yau nan, piah patrun patakik bruk ia dauh dak harie dak trak, dalam tuk cang peih ngak samar dom bruk pacang  dauh song hu quy hoạch patagok đô thị di yaok labik ka nyu lagaih ye karja dom quận, huyện song dom sở, dom ban, dom gah  di ban raya njauk jak ba bhap bini takik prah hareik hareim, klaak hareik njauk labik, bhian kuac raok jalan ka ia nyu tathuak./.