Urang hu tong abih ruak gilac mai sang 

Patui danak dak Mbang nyaom ka 2, Quốc hội mbang XV, dalam mbang ginum biai di bier harei 22/10, Quốc hội  pang akaok Mintri Lao động, Thương binh - Xã hội Đào Ngọc Dung, tui ủy quyền di Thủ tướng Rajaei puac harak pathau khan ka bruk peih ngak sarak, chế độ bảo hiểm xã hội, khik ramik saong pandar kadung jien bảo hiểm xã hội thun 2020. Patui di nan, akaok Mintri  Y tế Nguyễn Thanh Long, tui ủy quyền di Thủ tướng Rajaei puac harak pathau khan ka bruk khik ramik saong pandar kadung jien bảo hiểm y tế thun 2020 saong peih ngak Sarak ka 68/2013/QH13 ka  jhul samar bruk peih ngak sarak, hukum ka bảo hiểm y tế, yam tal bảo hiểm y tế dalam bhap bini dalam 2 thun 2019-2020.

Mesup ni  22/10, Pasak pasang iek ruak kik (CDC) tỉnh Bạc Liêu brei thau, dalam  24 tuk tapa, jabat hu  83 urang hu duh iek  RT-PCR mboh  dương tính song vi rút SARS-CoV-2 dok dalam  tỉnh.  Dalam dom urang njom bahrau  hu tal  53 urang pagam tal  sruh jit di  Công ty TNHH Xuất nhập khẩu thủy sản Tấn Khởi di khóm 2, phường 1, ban sit  Giá Rai. Yau nan , dalam 3 harei tapa, hu tal  149 urang dương tính Covid-19 gam tal sruh jit di  Công ty ni. Anak bruk nan,  tỉnh Bạc Liêu  brei tagok tanut pacang caga jit Covid-19 di  5 xã, phường di ban sit Giá Rai tagok tanut  4, tanut mbuan si biak glong  (bhum meriak)  abih 7 jabat pakat  huyện song tỉnh Bạc Liêu jeng peih bruk pacang caga jit tui tanut  2. Bạc Liêu jeng samar padang labik  pataom mek, iek ruak  COVID-19 hu  500 papan ndik .

Jaik 90% doanh nghiệp di Bình Dương daok peih ngak veik ngan haong labaih 500.000 urang ngak mai ngak bruk veik. Urak ini, rilo urang ngak hu klauk ginup vaccine piah nao ngak yaok harei. Abih di nyu nan lac, doanh nghiệp dalam tỉnh hu jao quyen peih bruk ngak saong jalan ngak. Meyah hu dom urang F0 dalam labik sit di sa dây chuyền, phân xưởng, oh brei pacang cakak, oh brei kreik pambang abih doanh nghiệp. Langiu di nan, tỉnh Bình Dương daok ba tabiak pandar Thông tư 14/TT-NHNN di Gilang pariak kanja Việt Nam ka bruk rami ramik viek tukvak biyar sraiy, miễn, trun jien laba, jien phí, khik tamo sraiy hu lang talaih biak rilo bruk kan kandah di doanh nghiệp saong peih ngak dom jalan daong ka doanh nghiệp samar pasiam viek bruk ngak.

Beir harei kabroi. UBND ban  Buôn Ma Thuột (Đắk Lắk) patabiak harak samar  drah, tacei pato ka  xã, phường ngak pakhang dom bruk pacang caga jit tuk dom urang ruak  Covid-19 tagok samar dalam bhap bini .Tui nan, ban Buôn Ma Thuột brei padeih bruk : Vũ trường, quán karaoke, bar, tiệm massage, internet, me-in điện tử, labik cakak mbuk, labik ngak siam, labik main di uranaih, mblang vận động; dom drak pasa tamuh eng, bruk pablei salih langui jalan, pablei salih vỉa hè, vé số; adat cambat agama di dom labik agama, tín ngưỡng, pok kakuh; main sambai  labik công cộng song dom labik  pasram thể dục, thể thao dalam sang.

Labaih 1 bilan hadei di tuk hu Apple brei tabiak mbaok, melam kabroi, dom baoh iPhone 13 Series chính hãng (mã VN/A) hu pablei tabiak di Việt Nam. Dom labik pablei lẻ yau ye FPT Shop, Shop Dunk, Di Động Việt… hu peih pablei 4 phiên bản di iPhone 13 Series hu: iPhone 13, iPhone 13 mini, iPhone 13 Pro saong iPhone 13 Pro Max. Duah thau di FPT Shop, yaom pablei camriep lac 22 triệu đồng ngan haong iPhone 13 mini hu bộ nhớ dalam 128GB. Dalam tuk phiên bản chit jien abih lac iPhone 13 Pro Max bộ nhớ dalam 1TB hu yaom pablei lac 48 triệu đồng.

Hội đồng cố vấn di pasak pasang iek song pacang caga  jit ruak Mỹ (CDC Mỹ) harei kabroi brei adat klauk mbang vaccine pacang Covid-19 patagok ka dom rahra  Mỹ hu klauk  2 mbang vaccine di Môđơna (Moderna) atau sa mbang vaccine di  Giôn-sơn song  Giôn-sơn (Johnson & Johnson).Tui nan, dom rahra hu klauk 2 mbang  di  Môđơna song meng  65 umo thun tagok , ngak bruk dalam labik mbuan njom atau klauk sa mbang vaccine di Giôn-sơn and Giôn-sơn, jeng hu klauk mbang patagok Taphia di nan, CDC jeng brei adat pandar pambuak gauk dom janih  vaccine hu brei adat pandar di Mỹ dalam nan hu: Phai-dơ (Pfizer/BioNTech), Môđơna song Giôn-sơn and Giôn-sơn.

Canađa brei peih pambang tapen negar ka tuai negar langiu hu harak adat klauk vacxin caga ruak. Jalan angaok thu di Canađa saong Mỹ meda hu peih veik abih gah ka dom urang hu klauk vacxin hu bruk caong nao mai meng harei 08/11. Canađa jeng brei ngak veik abih dom bruk njauk lahik dalam tuk njauk kan kandah dut saong 78% di Mỹ. Dom danak dak brei masaiy, daong ka dom doanh nghiệp saong urang ngak dalam tukvak jit Covid-19 camriep tamat di harei 23/10.

Harei kabroi, Hội đồng Bảo an Liên hợp quốc hu peih mbang ginum biai samar  ka bruk Triều Tiên – sa harei hadei di tuk  Bình Nhưỡng khan lac ngak iek hu jak jeng  tên lửa đạn đạo cuk meng kapan jhuk ia . Min, oh hu panuac ndpm haong gauk halei hu ba tabiak dalam mbang ginum biai, brei mboh jalan sahneng  karei  gauk di dom negar dalam bruk langyah labik pandiak ni./.

Urang lang: Hanipha- Thu Thảo -22/10