QH hu peih ngak prong prang 

Patui danak dak ngak bruk di Mbang nyaom ka 2, QH mbang XV, page ini, Thủ tướng Chính phủ Phạm Minh Chính hu javap jalei dom panuac tangin sua di urang QH. Ndem ka jalan ngak praong suai lavik dalam bruk pacang caga jit Covid-19, Thủ tướng tacei tabiak cambaic laic 5 bruk ngak, jalan ngak hu makna praong. Dalam nan, salih jalan sahaneng, jalan ngak, meng khik ramik oh hu Covid-19 tapa khik iek bruk jak rah tabiak, trun takik metai lahik; Pataom tame parabha jien ndo, manuac ngak bruk saong ba ta biak jalan paglong ilamu ngak bruk di y te meng ini tal abih thun 2022; Patui jalan peih ngak hu siam bruk klauk vaccine, kham merat tal abih thun 2021 klauk hu ginup 2 mbang  ka taong abih dom manuac njauk brei klauk jru tui bruk ba tabiak…

Tuai nao kapal haoh mai palei brei takik taom gaok meuac sia jaik taphia, oh tame dom labik hu rilo menuac dalam 7-14 harei, nan lac panuac tacei di Mintri jalan mbak pajeng ba dalam harak payua Cục Hàng không, dom hãng pajeng ba meng jalan kapal haoh ka patagok bruk pacang caga jit COVID-19. Tui Mintri Y tế, meng harei 7/10 tal harei 3/11, hu 405.000 menuac meng dom bhum jit mai palei. Dom gah y tế hu mek mẫu dut iek ka 382.000 urang, dalam nan hu 7.700 urang mboh lac dương tính (samu 2%).

Tal urak ini, taong abih 63 tỉnh, ban hu meng 50% tagok urang umo meng 18 thun hu klauk takik abih 1 mbang vaccine. Langiu di tỉnh Sơn La birau hu 55,6% bhap bini, 62 tỉnh ban daok veik, urang hu klauk jru sumu labaih 62,06% tagok. Urak ini, hu 33/63 tỉnh, ban klauk hu meng labaih 1 trieu mbang vaccine tagok. Ban raya HCM klauk jru hu rilo di abih dalam negar, jaik 13 triệu 700 ribau mbang jru. Dalam negar, urang umo 17 thun hu klauk takik abih 1 mbang vaccine sumu 85,5%, klauk ginup 2 mbang hu labaih 43%. Hu 12 tỉnh, ban daok peih bruk klauk vaccine ka uranaih umo meng 12 tal 17 thun.

Ban raya HCM hu ngak salah bloh bruk klauk vaccine caga COVID-19 ka uraniah umo meng 12-17 thun, bruk klauk jru rah tabiak dalam salamat saong jak jeng. Nan lac panuac taong yaom di mbang họp báo di mBan tacei jalan pacang caga jit COVID-19 ban raya di biar harei 11/11. Anak bruk hu rilo menuac njaom bahrau dalam bhap bini, gah y tế TP.HCM pambuak bruk khang kajap haong dom quận, huyện piah samar brei daok karei, pacang cakak jit njaom mbak. Gam haong nan, ieu pataom menuac daong dom bilai y tế puk palei piah khik iek F0 saong samar brei pok jru A, B, C ka urang ruak.

“Khang hatai pasang iek, pacang caga jit ruak Covid-19 dalam 1 tal 2 adit  tal” lac tacei pato di UB bhap bini tỉnh Bình Thuận  ka dom sở, mban, dom gah, UB bhap bini dom huyen, ban sit tui sarak 247 birau hu ba tabiak. Tui nan, tỉnh peih bruk dut iek ruak dalam bhap bini, nyaom manuac  mbuan njom ruak, oh luai ka ruak daok kandauk suai dalam bhap bini; jak ba bruk brei dut iek ruak eng ngan saong taong abih dom jabat, đơn vị, doanh nghiệp. Dom labik  dulich daok ngak bruk, meyah hu manuac F0 ye samar duah manuac F1 hu taom gaok jaik piah brei daok karei, dut iek ruak, khử khuẩn saong ba mbuan lagaih ka labik ngak bruk, oh ngak kandah hagit tal bruk ngak di D.N.

Pakistan hu peih nyaom biai ka Afganistan haong dom urang lambaok di Mỹ, Trung Quốc haong Nga, dalam tuk taneh ia Afganistan jaik taphia daok dang di tapen labik glut jaleih kinh tế. Tui nan, dom taneh ia dunya brei samar pambuak veik bruk daong, daok njauk dom taneh ia phương Tây pacang veik meng di tuk Taliban tagok pan karja saong pabak bruk daong ngak pahla. Dom urang ilamu gah ia jeng hu panuac lac halau ia di ban ine  Ka-bun daok mek pandar biak rilo, tapa prein di halau ia, ngak ka ban hu 7 triệu menuac ini daok mbuan kurang ia pandar biak khang.

Thủ tướng Áo brei thau, taneh ia ini meda brei takik nao mai ngan saong yaok trieu urang oh ka klauk ginup jru vaccine pacang Covid-19, dalam tuk  bruk njom mbak yaok harei daok di tabung glong abih saong gah y tế Aó daok ngak bruk tapa prein. Tui yaok pataom, urak ini hu labaih  65% bhap bini Aó hu klauk ginup jru, lac biak takik dalam dom taneh ia Tây Âu. Harei 11/11, taneh ia hu jaik 9 trieu menuac ini  hu labaih 12 trieu urang njom ruak COVID-19.

Jabat jru tavao châu Âu (EMA) bahrau brei adat pandar ka 2 janih jru taong ruak COVID-19 lac Rô-na-phrê (Ronapreve) kayua hãng jru Roche di Thuỵ Sĩ ngak haong Rếch-đan-vi-mát (Regdanvimab) di Tập đoàn jru tavao Xen-tri-ông (Celltrion) - Hàn Quốc. Dom roh duah brei mboh 2 janih jru nan ngak patrun biak rilo menuac njauk COVID-19 tame sang iek ruak saong metai, patrun bruk mbuan njaom mbak. EMA hu panuac kakei lac 2 janih jru nan piah taong ruak COVID-19 ka urang praong atau uranaih umo meng 12 thun saong trak labaih 40 kg./.

Urang lang: Mousaphuong- Ái Nghiêm -12/11