Thủ tướng hu taom gaok song dom urang pal akaok Ban raya 

Patui di danak dak mbang nyaom ka 2, dah page ini 22/10, Quốc hội pang akaok Mintri jien padai Hồ Đức Phớc puac harak pathau khan; akaok Ủy ban Kinh tế di Quốc hội Vũ Hồng Thanh puac harak pathau khan taong yaom ka danak dak Hukum pablei salih bảo hiểm (pasiam viek). Bruk pasiam viek Hukum pablei salih bảo hiểm piah ngak brei cambaih laih jalan ngak di Đảng; ngak pasiam dom bruk tavak tavaiy hadei di labaih 20 thun peih ngak Hukum pablei salih bảo hiểm thun 2000, khik tani tanat bruk yasa di hukum negar saong lagaih haong dom sanya dunya di Việt Nam pambuak tal gah pablei salih bảo hiểm; padang ngak, cak rok patagok darak pasa bảo hiểm salamat, tantu cambaih laih, khang kajap, siam lagaih, pambuak haong dom adat hukum dunya, paglaong bruk mariak gauk saong gam haong darak pasa jien padai - tín dụng saong darak pasa chứng khoán jeng dom jalan ba jien phun hu makna praong ka gah kinh tế.

Mesup 21/10, di huyện Năm Căn, tỉnh Cà Mau, Bộ Tư lệnh bhum  5 Hải quân peih ngak dalam praong prang bruk tual hala dok ka 4 kapan  pajeng praong RoRo5612. Kapan hu pabak rilo janih phao ndao, khí tài bahrau, meda peih nduac, talap veik dalam labik sit, lagaih song bruk pajeng ba lin, radaih cơ giới, pandap panda song phao ndao, pabak ilamu kỹ thuật... Bruk ba tame pandar janih kapan ni brei mboh bruk  patagok bahrau, pamong tal jalan ngak bahrau di lin tasik song bhum 5 Hải quân , rik dong paglong pren, khang mesruh pacang, daong pabak, khik ramik khang kajap quyền ngak po palao tasik di taneh ia.

UBND tỉnh Bình Dương brei thau, hu pato tacei dom labik pasang iek saong biyar jien daong ka jaik 200.000 urang ngak bruk gaok kan kandah kayua jit COVID-19 meng dom sarak di tinh piah ka dom urang nan hu jien piah mbang huak, pandar cai. Bruk njauk caik di hatai nan lac, tapa mbang pasang iek bruk daong tui sarak ka 04 saong Sarak ka 12, dom labik dalam tinh ini hu mboh bruk sa urang hu daong rilo mbang saong njauk mek viek jaik 22.900 urang, dalam nan ta-eng ban sit Tân Uyên lac 22.000 urang.  

Harei 21/10, UBND tỉnh Ninh Thuận brei padeih dom bilai pasang iek jit  COVID-19 meng tỉnh ni tapa tỉnh deih song bilai pasang iek jit  COVID-19 di mblang radaih pasei Tháp Chàm. UBND tỉnh Ninh Thuận jao bruk ka dom sở, gah song dom puk palei patagok bruk pasang iek, duah thau radaih angaok jalan, peih bruk pacang caga  jit COVID-19 angaok radaih công cộng tui hukum.  Tui bruk tong yaom tanut jit  COVID-19 ye Ninh Thuận di tanut  2. Urak ni, urang umo  18 thun dok di Ninh Thuận hu klauk vaccine pacang Covid-19 takik di abih sa mbang hu labaih  77,35%. Min, nyaom urang meng 50 thun tagok klauk ginup  2 mbang  vaccine pacang Covid-19 oh ka tal  80%.

Melam kabroi, darak kaya nong, pandap mbang Hóc Môn hu peih pambang gilac hadei di jaik 4 bilan padieh piah pacang caga jit ruak. Ini lac darak đầu mối pandap mbang kaya nong camriep di Ban raya HCM peih pambang pablei veik hadei di sa tukvak paatah di gauk. Meng di melam camriep peih veik, hu labaih 400 tấn kaya nong, pandap mbang meng dom tinh, bal hu pataom tame, pablei salih tapak di darak. Hu labaih 150 urang dalam abih tih 400 urang pablei salih di darak hu mbaok tame pablei salih gilac viek.

Hàn Quốc caga cuk iek tên lửa jhul tagok langik mbang camereip hu ngak dalam taneh ia, sa jalan ngak prong piah peih ngak danak dak vũ trụ di negar ni. Tổng thống Moon Jae-in pasang iek mbang ngak iek tên lửa nhiên liệu lỏng 3 tal ba tui 1 vệ tinh ja tagok langik, tuki kuhria rah tabiak di  mon 4 biar harei ni  tui mon  di pasak vũ trụ  Naro di gah merong negar ni. Meyah jak jeng, Hàn Quốc jeng taneh ia  ka 7 di dunya cuk tên lửa eng drei ngak tagok langik.

Rajaei New Zealand harei ini (22/10) bahrau brei thau jalan ngak bahrau piah pacang caga  Covid-19, ngak bruk dieh yau hệ thống tín hiệu di gom jalan mbak. Tui jalan ngak bahrau, adat pacang veik meda hu yah klaak, rilo bruk pacang cakak jit meda hu ngak pacadu dut saong urak ini, min bhap bini meda brei hu harak brei thau lac klauk vaccine tuk khin tame dom dịch vụ, langiu di dom labik pablei salih sit, siêu thị saong nao iek ruak haong dom bác sĩ di sang.

Prang hu buh tabiak 3,8 tỷ euro meng kadung jien karja piah dong ka  urang kan kandah kayua lạm phát dalam tuk yaom năng lượng dok tagok glong abih di Prang song châu Âu. Rajaei Prang jeng hu panuac sinya tui kuhria hu pandar dom jalan kak je piah cakak bruk patagok di  khí đốt dalam thun 2022. Tui nan, tong abih rahra Prang duah hu jien ala  2000 euro sa bilan kuhria tal bilan 10/2021 hu taduan sa pok jien dong sa mbang lac 100 euro. Dom urang hu mbang tui lac dom urang ngak mbang jien bilan, urang ngak, pablei salih tự do, urang oh hu bruk ngak, dok duah bruk ngak, urang nong, urang padeih hưu…/.

Urang lang: Hanipha- Thu Thảo -22/10